Dec 14, 2012

நீதானே என் பொன் வசந்தம்

13 கருத்துக்குத்து

 

Micro review:

NEPV is a grammar for love.Starts off refreshingly.Makes u confused in between. Ends with disappointment. And finally says move on.

______________

கெளதமின் காதல் படங்கள் பொதுவாக எனக்கு பிடிப்பதில்லை. ராஜாவோடு சேர்ந்த ஒரு விஷயத்தில் சறுக்கி (கண்டுபுடிச்சிட்டிங்களா) முதல் நாளே ஏழுமலையானை காண முண்டியடிக்கும் முரட்டு பக்தன் கணக்காக போனேன்.அவரது வழக்கமான ஸ்டைலில் கையை தரையில் ஊன்றி, காலை மேலே தூக்கி அவர்தம் குழுவினர் ஆடத் தொடங்கினர்.  “உடம்பில் சிறகு முளைக்கட்டும்” என்ற ராஜாவின் செமத்தையான குத்துக்கு கூட இண்டோரில், வலதுபக்க மூலையில் ஒரு லைட்டை எரியவிட்டு அதே சாயலில் படமெடுத்து வைத்திருக்கிறார். We have been cheated raja sir என கெளதம் ஸ்டைலிலே சொல்லிக்கொண்டேன்.

டைட்டில் போடும்போதும், அறிமுகமாகும் போது சந்தானம், சமந்தா, ஜீவா என்ற வரிசையில் விசில் சத்த டெசிபல் இருந்தது. ராஜாவின் பேர் போட்டபோது சின்னத்தம்பி கவுண்டமணி கணக்காக நான் மட்டும் கத்தினேன். போகட்டும், சைலன்ஸ் தான் சிறந்த பின்னணி இசைக்கான அடையாளம் என ராஜா சார் சொல்லியிருக்கிறார்.

கதைக்கு வருவோம். வருணும், நித்யாவும் சிறு வயதிலே நண்பர்கள். சிறுவயது என்றால் இரண்டாம் வகுப்பு. அப்போது ஒரு சண்டை. அதே கோவத்தோடு நித்யா ஏரியா மாறி போகிறார். 7 வருடம் கழித்து 10ஆம் வகுப்பு ட்யூஷன் செண்ட்டரில் சந்திக்கிறார்கள். மீண்டும் சேர்கிறார்கள். அப்போது கொஞ்சம் விவரம் தெரிந்தவர்களாக இருப்பதால் கன்னத்தில் கிஸ் செய்து கொள்கிறார்கள். இருவருமே ஈகோயிஸ்ட். ஈகோ என்றால் அதான். அகம்பிடிச்ச கழுதை. மீண்டும் சண்டை. மீண்டும் பிரிகிறார்கள். அடுத்து காலேஜ். காலேஜ் கல்ச்சுரசில் வருண் நித்யாவை பார்க்கிறார். நினைவெல்லாம் நித்யா என்று சொல்லிவிட்டு, பிராக்டீஸ் செய்த பாடலை பாடாமல் “நீதானே எந்தன் பொன் வசந்தம்” என கெளதமின் குரலில் வருண் பாடுகிறார். நித்யா தன் பங்குக்கு debate competetionல் “Giving a second chance is the best thing you can give to a person u love” என்று சிக்னல் காட்டுகிறார். இருவரும் பரஸ்பரம் நம்பர் மாற்றிக் கொள்ள முடியாத சூழல். ஏனென்றால் ஜீவாவிடம் மொபைல் இல்லை. எனவே மொபைல் நம்பரோடு மொபைலையே கொடுக்கிறார் பணக்காரர் நித்யா. ஏற்கனவே ஸ்கூலில் கன்னத்தில் கிஸ் எல்லாம் கொடுத்ததால் நாம் அவர்கள் காதலிப்பதாய் நினைத்துக் கொண்டிருக்கிறோம். ஆனால் இல்லையாம்.

  ஒரு மழை இரவில், காருக்குள்ளே இருவரும் பேசிக் கொண்டிருக்கிறார்கள். திடிரென சமந்தா “ஐ லவ் யூ” என்கிறார். இதுக்கு முன் இப்படியொரு சொல்லாடலையே கேட்டதில்லை என்ற ரீதியில் ஜீவாவும் ஒரு ரியாக்‌ஷன் தருகிறார். ”அப்ப இதுவரைக்கும் நீங்க லவ்வே பண்ணலையா” என முன் சீட்டு நண்பர் ஒருவர் ஜீவாவுக்கு மேல் ரியாக்‌ஷன் காட்டினார். சிக்னல் கொஞ்சம் லேட்டானாலே டைம்பாஸ்க்கு கிஸ் அடிப்பார்கள் கெளதமின் நாயகர்கள். இந்த சூழ்நிலையில் சொல்லவா வேண்டும்! நான், நீ என்றால் உதடுகள் ஒட்டாது. வா நாம் ஆவோமென தமிழனத்தலைவரின் மேல் பாரத்தை போட்டு கிஸ் அடிக்கிறார் வருண். 40 கலோரியை பர்ன் செய்த பின்னால் நித்யா “என்ன சொல்லு” என்கிறார்.(அவர் லவ் யூ சொல்லலையாம்). பதிலுக்கு வருண் “அதான் சொன்னேனே” என்கிறார். என்ன சொன்ன என்ற நித்யாவை இழுத்து “இப்படி” என கலைஞருக்கு இன்னொரு கிலோ பாரம் ஏற்றுகிறார்.  டேய் இது cadburys ADடா என நான் கத்தினதை ரசிகர்கள் கேட்கும் மனநிலையில் இல்லை. படத்தோடு ஒன்றிப் போனார்களா, சமந்தாவை கிஸ் அடிச்சிட்டானே என ஏங்கிப் போனார்களா தெரியவில்லை. எனக்கு பிளாக் இருக்கு அங்க எழுதிக்கிறேன் போங்கடா என மனதுக்குள்ள் சொல்லிக் கொண்டேன்.

இதுவரைக்கும் படம் ஓக்கே. திடிரென வருண் வீட்டில் ஒரு பிரச்சினை. (படத்துக்கும்தான்). அதே நாளில் நித்யாவும் ஹாலிடேஸ்க்கு ஆஸ்த்ரேலியா போகிறார். வருணுக்கு குடும்ப பொறுப்பு வருகிறது. வாரணம் ஆயிரத்தில் சூர்யாவுக்கு வந்ததே. அதேதான். வி.தா.வ.வில் படம் எடுக்கணும் என சிம்புவுக்கு வந்ததே அதேதான். பூனை தேர்வு எழுதி எம்பிஏ படித்தாக வேண்டுமென வசூல்ராஜா. எம்.பி.ஏ முடிவு செய்கிறார். நித்யாவை அடிக்கடி சந்திக்காமல் ஏமாற்றுகிறார். கோழிக்கோட் IIMல் இடம் கிடைக்கிறது. என்னுடன் நீ வரக்கூடாது என்கிறார் வருண். கூடவே நீ வெட்டியென நித்யாவின் ஈகவை டச் செய்துவிடுகிறார். மீண்டும் பிரிகிறார்கள்.

(இருங்க பாஸ். மூணு பத்தி கதை சொன்னதுக்கே பதிவு போரடிக்குதுன்னா, மூணு மணி நேரம் பார்த்த எனக்கு எப்படி இருக்கும். மரியாதையா கொட்டாவி விடாம படிங்க)

3 வருடம் கழித்து எம்.பி.ஏ முடித்து, நல்ல வேளைக்கு போனதும் ஒரு நாள் வருணுக்கு நித்யாவை பார்க்க தோன்றுகிறது. மூன்று வருடத்தில் மீசை வளர்த்துவிடுகிறார் சந்தானம். அவரும், அவர் டாவும், வருணும், நித்யாவை தேடி ஒரு கடற்கரை கிராமத்துக்கு போகிறார்கள். வருதா? கோவம் வருதா? அமெரிக்கா, கேரளா என பழையக் கதையெல்லாம் ஞாபகம் வருதா?அதுதான் இரண்டாம் பாதி. அந்தக்கதையை நான் சொல்வதாய் இல்லை.

வருணின் கேரக்டர் யாரென யூகிக்க முடிகிறதா? ஆம். வி,தா.வ. ஜெஸ்ஸிக்கு மீசை வைத்து யோசித்திருக்கிறார் கெளதம். (ஜீவாவுக்கு மீசையில்லைன்னு கமெண்ட் போட்டால் டெலீட் செய்துவிடுவேன். ஜாக்கிரதை). அதுதான் நீ.எ.பொ.வ. இறுதியிலும் ஜெஸ்ஸியை போலவே வருணும் இன்னொரு பெண்ணை திருமனம் செய்துக் கொண்டு அமெரிக்கா ஓட பிளான் செய்கிறார்.

This could be your love story என்று போஸ்டரில் போட்டிருந்தார்கள். ஆக்ச்சுவலி இது எஸ்.ஜே.சூர்யா கதை சார். குஷியை கிவி பாலிஷ் போல கெளதம் பாலீஷ் போட்டு கொடுத்தால் மறந்துவிடுவோமா? இடைவேளைக்கு முந்தைய மொட்டைமாடி சீன், க்ளைமேக்ஸில் உதட்டு முத்தம், “மயிறு”, ஈகோ போன்ற சகலமும் இருக்கிறது. கட்டிப்பிடி கட்டிபிடிடாவும் மும்தாஜும் மிஸ்ஸிங்.

நிற்க. இதோடு படம் மொக்கையென முடித்துக் கொள்ளலாம். நானும் அதே முடிவோடுதான் AGS, OMR பார்க்கிங்கில் இருந்து பைக்கை எடுத்துக் கொண்டு கிளம்பினேன். இந்த தியேட்டருக்குத்தானே அவளோடு படம் பார்க்க வந்தோம் என லேசாக பொறி கிளம்பியது. என்னையறியாமல் “என்னோடு வா வா என்று சொல்ல மாட்டேன்” என முணுமுணுத்துக் கொண்டிருந்தேன். சற்று தூரம் கடந்த பின் அந்த காஃபி ஷாப்பை பார்த்தேன். வண்டியை நிறுத்தி ஒரு deep breath எடுத்தேன். “அன்று பார்த்தது.. அந்த பார்வை வேறடி அந்த பார்வை வேறடி” என கரகர குரலில் ராஜா மூளைக்குள் பாடினார். வருணும் நித்யாவும் இருந்த காருக்குள் நானும், அவளும் இருந்தோம். ”தண்ணீர் தர மறுக்கும் கர்நாடகா போல கண்ண வச்சுக்கடா கார்க்கி” என சொல்லிக் கொண்டு கிளம்பினேன். வருணும் நித்யாவும், ராஜாவும், அவளும் கூடவே வந்துக் கொண்டிருந்தார்கள். இந்தப் படத்தில் ராஜாவுக்கு வேலை குறைவு. ஆனால் நெஞ்சை விட்டு நீங்காத சில மேஜிக்கல் மொமெண்ட்ஸும் படத்தில் இருப்பதற்கு ராஜாதான் காரணம்.

முடிவு செய்துவிட்டேன். இன்னொருமுறை இப்படத்தை பார்க்க போகிறேன். முதல் முறை தவறவிட்ட தருணங்கள் இந்தமுறை எனக்கு வாய்க்கும் என்ற நம்பிக்கை இருக்கிறது.அப்போது மீண்டுமொரு முறை இப்படம் குறித்து முழுமையாய் எழுத வேண்டும்.  After all, Giving a second chance is the best thing you can give to a person u love. I Love you raja sir.

Dec 7, 2012

நான் காலியான கதை

3 கருத்துக்குத்து

 

நான் காலியான கதை – 1

நான் காலியான கதை – 2

நான் காலியான கதை – 3

   அந்த SMS அன்றைய பொழுதை துள்ளலுடன் தொடங்கி வைத்தது. அன்றிரவே ஜிடாக்கில் மணிக்கணக்கில் அரட்டை அடிப்போம் என எந்த கேலண்டர் ராசிபலனிலும் குறிப்பிடவில்லை.தொலைக்காட்சி ஜோசியர்களும் சொல்லவில்லை. சின்னத்திரை சூப்பர்ஸ்டார் ராதிகாவை பார்த்துக்கொண்டு, கண்ணை கசக்கிக்கொண்டே  அம்மா கணக்கு பார்க்காமல் சுட்டு தந்த 7 தோசைகளையும் அமுக்கிவிட்டு லேப்டாப்போடு சரணாகதி அடைந்தபோது மணி 9.27(மன்மோகன் சிங்).

வந்திருந்த 22ஸ்பேம் மெயில்களை டெலிட்டிவிட்டு அடுத்த Tabஐ திறக்கும்போதே ஜிமெயில் டேப் மின்னியது

Hi

இவ்வுலகில் காவியமான, வரலாறான, காணாமல் போன, கந்தலாகி போன, எல்லா வகையிலான பல கோடி காதல்களையும் ஆரம்பித்து வைத்த அதே ஹாய்.

hey. surprise.

yup. 100 sms over. dats why pinged you here.

(கதை நடக்கும் காலத்தில் அகில இந்திய காங்கிரஸ் பேரியக்கத்தின் ஆட்சியில் ஒவ்வொரு நம்பருக்கும் ஒரு நாளைக்கு 100 SMS மட்டுமே என்ற ஆஃபர் அமுலில் இருந்ததை கவனத்தில் கொள்ளுங்கள்)

100ம் காலியா?

Yes.Sent forward sms to many.

நல்லது.எனக்கும் வந்துச்சு.பேசிக்கலி நான் சோம்பேறி. அதான் ரிப்ளை பண்ணல. Smile

Its ok. It was jus a forward.

(நம்பரையே யாருக்கோன்னு அனுப்பிய ஆளு இப்ப மெசெஜ் Jus forward என்பது தெரியாமலா சுத்துறேன் நான்?இருக்கட்டும் என்று சிரித்துக் கொண்டேன். )

ஓக்கே..

One doubt. How do ur friends call u? Carkey or any pet name?

கார்க்கிதான். எனக்கு நிறைய பேர் வச்சாங்க. எதுவும் செட் ஆகல.

mm. Shall I call you boss?

இதுக்கு லூசுன்னு நேராவே சொல்லியிருக்கலாம்

Haha.. read that boss-loosu tweet . gud one Boss

பாஸ் வேணாமே.. கார்க்கினு சொல்லுங்க

car key is nice aana flow la vara maatengudhu

கெட்டியான பேராச்சே.. அதான் தண்ணி மாதிரி Flow ஆக மாட்டேங்குது

ufff.i shall start calling car key for few days. palakam aagudha nu paakalam.. aachu na ok.. illana shall fix with boss..deal ah no deal ah? =P

இதெல்லாம் ஒரு மேட்டரா?? விடுங்க..y shud bother for something which really doesn't matter :))

doesnt matter na naan edhukku unga kitta pesa poren. poitey irukka vendiyadhu dhane! too much pa ungaluku! =@ =X

அச்சோ.. நீங்க என்ன சொன்னாலும் ஒண்ணுதானேன்னு சொன்னேன்!

adhu epdi? boss and car key same ah?

உனக்கு கார்க்கி செட் ஆகல.. பாஸ்தான் வருது. அதுக்கு சொன்னேன்

naana dhane car key try panren nu sonnen.. pinna enna.. innum car key nu koopdavey aarambikkala.. adhu kulla vandhutaaru!

ஓக்கே.. நிஜமா கோவப்பட்டியா?

lemme make this clear.u do mean something to me. You've been such a nice friend till now..thats y i am speaking to you. else i wouldnt have made any efforts at all. avlo dhan.

ஓக்கே நீயே ஒரு பேரு வை.

Wait. What about car?

Car? இதுவரைக்கும் யாரும் சொல்லல.. ஆனா நல்லாதான் இருக்கு

Hey super car..

ஹலோ வெறும் காரா, சூப்பர் காரா? ஏன்னா பாண்டியராஜன் படத்துல வர்ற சூப்பர் கார் பாதியா பிரிஞ்சிடும்.

Car car..

என் பேரென்ன கவிதையா? ரெண்டு தரம் சொல்றீங்க?

Am super excited. Car..super illa.. Smile

பொண்ணு கூப்பிட்டா ஓக்கே. பசங்க கார்ன்னா நல்லாவா இருக்கும்?

I don’t mind pa.. I jus love the name car.. car car ..hihi

ட்விட்டர்ல சொல்லிடாதீங்க. எவனாச்சும் வந்து “நீங்க வரும் காரா இல்லை சொப்பனசுந்தரி காரா”ன்னு கேட்பான்

LOL. Mokkai maharaaja

(சட்டென மூளையில் பல்பெரிய அந்த அரிய விளையாட்டை தொடங்கினேன்)

ஒரு கேம் ஆடலாமா?

Game? What is that?

(தொடரும்)

Dec 5, 2012

நான் காலியான கதை

14 கருத்துக்குத்து

 

நான் காலியான கதை – 1

நான் காலியான கதை – 2

வியாதியே இல்லாத டாக்டர்தான் தினம் தினம் மாத்திரைகளோடு காலம் கழிக்கிறார் இல்லையா? அது போலதான் நானும் பிளாக், ட்விட்டர்னு தோழி அப்டேட்ஸா எழுதிட்டு இருந்தேன். உண்மையிலே எனக்கு தோழி இருக்காளா இல்லையா என்பதை ஏதோ மன்மோகன் சிங்கை பேச வைக்கும் அதிசய மந்திரத்த தேடுற மாதிரி கூட சிலர் பேசிக்கிட்டாங்க. ”எனக்கு அழுகை வந்தா அழுவேன். அழறேன்னு சொல்ல மாட்டேன்”ன்னு சொன்ன மாதிரி எனக்கு காதல் வந்தா காதலிப்பேன். இப்படி காதலிக்கிறேன்னு சொல்லிட்டு இருக்க மாட்டேன்.

ஒரு நாள் வழக்கம் போல ட்விட்டர்ல தோழி அப்டேட்ஸ் எழுதினேன்.

”தீபாவளிக்கு பக்கத்து வீட்டுக்காரர்களுக்கு ஸ்வீட் கொடுக்கும் வேலை வழக்கமாக தோழியிடம் வருமாம். இந்த வருடம் கொடுக்க மாட்டேன் என்றாள். காரணம் கேட்ட போது சொன்னாள் “ வழக்கமா ஸ்வீட் கொண்டு போய் கொடுப்பாங்க. ஸ்வீட்டே கொண்டு போய் கொடுக்குமான்னு நீ கிண்டல் பண்ணுவ”.”

”சாமி மீது அதீத‌ ப‌ற்று உள்ள‌வ‌ர்க‌ள் சாமியார் ஆகும் போது நான் ஏன் தோழியார் ஆக‌ கூடாது?”

சற்று நேரத்தில் “You got a direct message” என்றது ஜிமெயில். திறந்து பார்த்தேன்.

loved ur last 2-3 tweets ! so cuweet !! :)) keep going

அனுப்பியவரின் புரொஃபைலை திறந்து பார்த்தேன். கன்னத்தில் கைவைத்து இடதுபுறம் மூழ்கியிருந்த கப்பலை பார்த்தபடி ஒரு புகைப்படம் இருந்தது. தமிழகத்தில் காணாமல் போன மொத்த மெகாவாட்ஸூம் அவ்விரு கண்களில் காண முடிந்தது. ஒரு கணம் சிவாஜியை போல ஓவர்ஆக்டிங் செய்யாமல் இருக்க முடியவில்லை. பதில் அனுப்பினேன். பதில்கள் வந்தன.

தேங்க்ஸ்.

Most of the times I am in mobile.  cant read tamil fonts.Today read all  thozi tweets in laptop. Loved it.

You rock. Do write more.

இது போன்ற பாராட்டுகள் வருவதுண்டு என்றாலும் என்னால் வித்தியாசத்தை உணர முடிந்தது. அடுத்தடுத்த நாட்களில் டைரக்ட் மெசஜில் அதிக நேரம் போனது. கெளதம் துணையுடன் சொல்வதென்றால் It jus happened.

No updates today?

கொஞ்சம் பிசி. ட்விட்டருக்கே வரல

Oh. With thozhi?

ம்க்கும்.அதெல்லாம் சும்மாங்க.. ஆள் இருந்தா நான் ஏன் ட்விட்டர்லயே கிடக்கிறேன்?

That veena tweet was awesome. me and my roomie were reading that nth time and every time we were  literally ROTFL

“ப‌க்க‌த்து வீட்டு பொண்ணு வீணா, பொறுப்பா காலேஜுக்கு போனாலும் வீணா போனான்னுதான் சொல்லும் இந்த‌ உல‌க‌ம்”  இதுவா?

Yup. have u written any other veena tweet?

இல்லை. உங்கள மறுபடியும் கீழ தள்ளி, உருண்டு  சிரிக்க வைக்கலாம்னுதான்..

HAHA. Aren’t u in any relationship? Really? Cant believe that thozi updates are not true.

ஒரே ஒரு பொண்ண லவ் பண்ணா அவ்ளோ தோணாதுங்க.

hihi. I wish you get a girl who deserves all those updates. They r really awesome.

கிடைச்சா அப்டேட்ஸ் ஸ்டாப் ஆயிடுமே..

Is it? Its ok. engalukku karkithaan mukiyam. updates illai. LOL

மாட்டி விடுறதுல பொண்ணுங்கள மிஞ்ச முடியுமா? ரைட்டு

9677******

என்ன இது?

Oh.sorry.. Its for my other friend. Btw, Dats my number.

ஓக்கே..9789887048.இது என் நம்பர்தான். உங்களுத்தான் அனுப்பினேன்.

Smile

_____________

-----------------------

மணி 12.30 ஐ தாண்டியிருக்கும். தூங்கிப் போயிருந்தேன். மறுநாள் காலை 7.30க்கு அடிக்கும் அலாரத்திற்கு முன்பே கதறியது மொபைல்.

 

“Nevr miss the first opportunity bcoz the second opportunity will b much difficult than first 1. Gud Mrning”

யாரோ ஃபார்வர்ட் அனுப்பியிருந்தார்கள். நம்பரை பார்த்தேன். 9*******

ஒரு பாடலில் நாயகியை பார்த்தும் பார்க்காதது போல கடந்துவிட்டு நொடியில் திரும்புவாரே கமல்ஹாசன். அது போல மீண்டும் மொபைலை பார்த்தேன்

9677******

Nov 13, 2012

நான் காலியான கதை - 2

24 கருத்துக்குத்து

 

நான் காலியான கதை - 1

   இப்படியொரு மகோன்னத வாழ்க்கை வாழ்ந்துட்டு இருந்த என்னை ஒருத்தி திரும்பி பார்க்க வைக்கிறாள்ன்னா அவ எப்படிப்பட்ட ஆளா இருக்கணும்??அட அக அழகு விடுங்க. அது சொல்லி புரியாது. பார்க்கிறதுக்கு எப்படி இருப்பானாச்சும் சொல்லணும் இல்லை? சொல்றேன்.

    ரெயின் போன பின்னாடி வருமே ரெயின்போ... அந்த வில்லை நேராக்கி அங்கங்க செதுக்கி வச்ச மாதிரி இருப்பாங்க. ஊட்டிப் பக்கம் டூர் போகும்போது ஃப்ரெஷா எடுத்து வச்சிருப்பாங்களே கேரட். அத பார்க்கும்போதெல்லாம் அவளோடு உதடு மாதிரி அதுவும் பேசுமான்னு டவுட்டு வருங்க.. "உண்மையில் உன் மையில் கரைகிறது காலம்"ன்னு எழுத வச்சதே அவ கண் மை தான். அந்தக் காலத்துல அரசர்கள் அரண்மனையை சுற்றி அகழி வைப்பாங்க இல்லை. அதுதான் ஞாபகம் வரும் அவ கண்ண பார்க்கும்போதெல்லாம். அவ கேரட் உதட்ட சுழித்து அந்த அகழி கண்ணால ஒரு மாதிரி பார்ப்பா பாருங்க.. அதுக்கு நான் "யார்க்கர்"ன்னு பேரு வச்சிருக்கேன்.. தோனி மாதிரி ஹெலிகாப்டர் ஷாட்டெல்லாம் அடிக்க முயற்சி பண்ணதே இல்லை நான். ஏன்னா அவுட் ஆக்கிட்டு, அவுட் ஆனவனை ஓடி வந்து கட்டிப்பிடிக்கும் வித்தியாச ப்ரீத்தி ஜிந்தா அவள். ஆனால் அந்த யார்க்கர் எனக்கென பிரத்யேகமாய் அவள் வீசும் பந்து என்பது இங்கே குறிப்பிடத்தக்கது.

மைக்ரான் அளவே விழும் அவள் கன்னக்குழியில் நான் விழுந்து பல நாளாயிடுச்சு. ம்ஹூம். அவளா கைக்கொடுத்து தூக்கி விட்டால்தான் தாண்டி போக முடிகிறது. காதுல விழும் முடியை லைட்டா ஒதுக்கிட்டு ஐ லவ் யூ டின்னு சொல்லலாம்ன்னுதான் போறேன். தேவர் மகன் ரேவதி கணக்கா வெறும் காத்துதான் வந்து தொலைக்குது. கிட்டத்தட்ட ஒரு பொண்ணு எப்படியெல்லாம் இருக்கணுமோ அப்படியெல்லாம் இருப்பான்னு வச்சிக்கோங்க. மொக்கை மாபாதகன் சிவா சொன்னது போல "குட்டு ஃபிகருக்கு அட்டு பையந்தான் கிடைப்பான்" என்பது உண்மையாயிடுச்சு என் விஷயத்துல. இத நான் அவக்கிட்ட சொன்னபோது நீ அட்டான்னு சண்டைக்கு வந்துட்டா. "இல்லை செல்லம். என் ட்விட்டர் ஹேண்டில் @iamkarki தானே?. அத சொன்னேன்"ன்னு சமாளிச்சேன். அப்படி பார்த்தா அவ பேருக்கும் முன்னாடி @ தானே வரும்னுலாம் அவ யோசிக்கல. அப்ப‌டி யோசிச்சா என்னை எப்படி லவ் பண்ணுவான்னு எவனாச்சும் கமென்ட் போட்டீங்க.. கபாலத்துல காளியாம்பாள் கதகளி ஆடிடுவா. உங்க கபாலாம் வேற கால் கிரவுண்ட் இருக்கும். ஈசியா ஆடிடுவா ஜாக்கிரதை.

இது எல்லாமே சூப்பர்னாலும் நான் மொத்தமா விழுந்தது அவ சிரிப்புலதாங்க. சரக்க வாங்கி, மிக்ஸிங் வாங்கி,சைட் டிஷ் வாங்கி,கூட அடிக்க நண்பன கூப்பிட்டு, இடம் பார்த்து உஸ்ஸ்ஸ்ஸ்ஸ். இதெல்லாம் எதுக்குங்க? கொஞ்சம் சிரியேன் செல்லம்ன்னு சொல்லி அத பார்த்தா போதும். கிர்ருன்னு ஏறிடும். நிறைய தடவ அவள சிரிக்க வச்சு பார்த்துட்டு சந்தோஷமா பைக் ஓட்டிட்டு போறப்ப போலீஸ் மாமா என்னை Drunk&drive ல புடிச்சிட்டாருன்னா பார்த்துக்கோங்களேன். யாருக்காவது அந்த தோழி யாருன்னு கேட்கணும்ன்னு தோணுச்சுன்னா ஒரு க்ளு தர்றேன். "யார் சிரிக்கிறத பார்த்தா உச்சந்தலைல இருந்து உள்ளங்கால் வரை ஒரு வித சிலிர்ப்பு வந்து குஜாலாகிறீங்களோ.. அவதான் அவ".

image

இப்ப கவிதைக்கு வருவோம். மடக்கி மடக்கி எழுதறது எல்லாம் கவிதை இல்லீங்கண்ணா.. அவள மாதிரி ஒருத்திய மடக்கிய பிறகு எழுதறோம் பாருங்க.. அது கவிதை. சேம்பிளுக்கு ஒண்ணு சொல்றேன் பாருங்க. அன்னைக்கு நாங்க வழக்கமா மீட் பண்ற இடத்துல சந்திச்சிட்டு டைமாயிடுச்சுன்னு அவ கிளம்பி போனா. வழக்கமா ஒரு ஆப்ஜெக்ட் நம்ம கண்ண விட்டு தூரமா போனா சின்னதாதானே தெரியும்? ஆனா அன்னைக்கு அந்த ஃபிசிக்ஸே எங்க கெமிஸ்ட்ரி முன்னால மாறிடுச்சு. அந்த அற்புத தருணத்த நான் கவிதையா எழுதி வச்சிருக்கேன். படிங்க‌ளேன்.


அவள் விசித்திரமானவள்.
விட்டு விலகி தூரம் செல்ல செல்ல
பெரிதாகிக் கொண்டேயிருக்கிறாளென் கண்களுக்கு

இதான் சார் அவ. அப்படியே சட்டுன்னு அதுவரைக்கும் நாம வாழ்ந்த உலகத்த திருப்பி போட்டுடுவா. ஒண்ணுமேயில்லாத சப்பை விஷயத்த கூட அவ இருக்கும்போது அழகா பார்க்க வச்சிடுவா. இன்னொரு நாள் அப்ப‌டித்தான் வெயில்ல நடந்து போயிட்டே இருக்கேன். அவ பின்னாடி வர்ற மாதிரி ஒரு பிரமை. உடனே மூளை பேனாவ எடுக்க, மனசு பேப்பர நீட்ட ரெடியாயிடுச்சு இன்னொரு கவிதை

"நான் தானே நடக்கிறேன்.
அது என்ன?
என் பின்னால்
உன் நிழல்

காதலிச்சா மட்டும் கவிதை வராது சார். அவள மாதிரி ஒரு பொண்ண காதலிக்கணும். அட.. நான் எப்படி அவள காதலிச்சேன்? எப்ப காதல சொன்னேன்? அவ ஓக்கே சொன்னாளா? இது எதுவுமே சொல்லாம ஃபீலிங்க்ஸ கொட்டுறேன் இல்லை. அடுத்த பார்ட்ல அந்த விஷயத்தையும் சொல்லிடறேன்.

Oct 15, 2012

துப்பாக்கி - டுமீல்

18 கருத்துக்குத்து

 

 

Sl.no

Song

Music

Lyrics

Singers

Overall

1 Kutti puli kootam   Smile Smile
2 Antartica
3 Poi varava Smile
4 Google
5 Vennilave Smile Smile
6 Alaikka Smile Smile Smile
7 Theme music    

 

Oct 7, 2012

ஏழுவும் பிளாக் டாகும்

28 கருத்துக்குத்து

 

எத்தனை பேருக்கு ஏழுவை நினைவிருக்கிறது என்று தெரியவில்லை. புதியவர்கள் இத ஒரு தடவ படிச்சிட்டு வந்தா வசதியா இருக்கும்.

சென்ற வாரம் கல்லூரி நண்பன் ஒருவன் திருமணத்திற்கு சென்றிருந்தேன்.. ஏழுவும் வந்திருந்தான். ஏழுவுக்கு திருமணமாகி இரண்டு குழந்தைகள் கூட பிறந்தாகிவிட்டன. ஆனால் எடை மட்டும் கூடவில்லை. கிராம் கணக்கு கூட துல்லியமாக இருப்பதாக சொன்னான். மேல் பாக்கெட்டை முன்பெல்லாம் ஆஸி அணி ஃபீல்டிங்கில் லெக் சைடு போல் காலியாக வைத்திருப்பான். இப்போது ஆஃப் சைடு கணக்காக துருத்திக் கொண்டிருந்த சட்டை பாக்கெட் அவனொரு குடும்பஸ்தன் என்பதை பறை சாற்றியது. எட்டி பார்த்ததில் சிலபல விசிட்டிங் கார்டுகளும், ஏடிஎம் அட்டைகளும் சில நூறு ரூபாய் நோட்டுகளும் மொய் கவர் ஒன்றும் தெரிந்தன. பர்ஸ் வாங்கும் செலவை கூட மிச்சப்படுத்துகிறான் போல.

குடும்பத்துடன் வந்திருந்ததால் ஏழுவை சரக்கு பார்ட்டிக்கு அழைக்கலாமா வேண்டாமா என்ற சஞ்சலம் எனக்கும் பாலாஜிக்கும் இயல்பாக எழுந்தது. விஷயத்தை கேட்டு முறைத்த ஏழு “பொண்டாட்டி முறுக்கு மாதிரி மச்சி. ஃப்ரெண்ட்ஸ் சரக்கு மாதிரி. சரக்குக்கு அப்புறம்தான் முறுக்கு” என்றான். இன்னொரு அபாய இரவுக்கு நாங்கள் தயாராகிக் கொண்டிருன்ந்தது இம்முறை நாங்கள் அறிந்திருக்கவில்லை. அண்ணியையும், குழந்தைகளையும் ஒரு ரூமில் தங்க வைத்தாயிற்று. “எவ்ளோ லேட் ஆனாலும் இங்க வந்துடுங்க” என்றார் அண்ணி அண்ணனிடம். பின்  சரக்கு வாங்க சென்றோம். மறுநாள் காந்தி ஜெயந்தி.

நான் தான் ஆரம்பித்தேன். ”ஏன் மச்சி. காந்திக்காக ஒரு நாள் டாஸ்மாக்க மூடினா, பெரியாருக்காக ஒரு நாள் கோவில மூடுறதுதானே நியாயம்”

ஏழுவுக்கு எங்கிருந்தோ வந்துவிட்டது கோபம். ”ஏன் மூடணும்? கண்ணதாசன் பொறந்தநாளைக்கு சரக்க டிஸ்கவுண்டலயா கொடுக்குறானுங்க?”

கண்ணதாசனும், காந்தியும் ”க”னாவில் ஆரம்பிப்பதால் ஒன்றாக நினைத்துவிட்டான் ஏழு. கரண்ட் கட்டினால் விளைந்த சொற்ப நன்மைகளில் ஒன்று தைரியமாக டாஸ்மாக்கில் சரக்கு வாங்குவது.வழக்கம் போல் ஒரு ஃபுல் பிராந்தி எங்களுக்கும், ஒரு ஃபுல் கிங்ஃபிஷர் பியர் ஏழுவுக்கும் வாங்கிக் கொண்டோம்.

பாலாஜிதான் மிக்ஸீங்கை சேர்த்தான். முதல் ட்ராப் எடுத்து நாக்கில் விட்ட ஏழு “மச்சி. லைட்டா பெப்சி ஊத்து.ராவா இருக்கு” என்றான். ஏழுவை முதன் முதலில் சந்தித்த இன்னொரு நபருக்கு அவனை பற்றி எடுத்து சொல்ல வேண்டிய கட்டாயத்தில் நான் இருந்தேன். அடுத்த ட்ராப்பை சுவைத்தவன் சொன்னான் ”சட்னி நல்லா இல்லைன்னா மிக்ஸி பிராப்ளம். சரக்கு நல்லா இல்லைன்னா மிக்ஸீங் பிராப்ளம். உனக்கு கைப்பக்குவம் போயிடுச்சுடா மாப்ள”. எரிச்சலில் பீர் போலவே பொங்கினான் பாலாஜி.

“டென்ஷன் ஆகாத மச்சி. கல்யாண வாழ்க்கை கூட இப்படித்தான். சரக்க ஊத்திக்கிட்டே இருக்கும். தண்ணி சேர்க்கிறதும், கூல் ட்ரிங்க்ஸ் சேர்க்கிறதும் நம்ம கைலதான் இருக்கு”. கல்யாணாமாகத நாங்கள் புரியாமல் முழித்தோம்.

  “பேச்சிலர் வாழ்க்கன்றது வாழக்கா மாதிரி. மாவு கிடைச்சா பஜ்ஜி. இல்லைன்னா சிப்ஸ்.” என இருக்கும் ஆடியன்ஸ் பல்ஸ் தெரிந்து தொடர்ந்தான்.ஏழுவின் ஏகாந்த நிலை நாலாவது ட்ராப்பிலே ஆரம்பித்ததை எண்ணி சிரித்துக் கொண்டிருந்தேன் நான்.கல்யாண மேட்டர் சொன்ன நேரம் கல்யாண மாப்பிள்ளை அறைக்குள் வந்தான்.

“ஊறுகாய் வேணும்டா மச்சி” – பாலாஜி.

டேய். உங்களுக்காக நான் பிளாக் டாக் வாங்கி வச்சிருக்கேன். என்னடா லோக்கல் சரக்கு” என்றான் மறுநாள் மாப்பிள்ளை.

அத அடிக்கவும் ஊறுகாய் வேணும்டா” –இதுவும் பாலாஜி.

“டாக அடிக்க கல்லு போதுமே மச்சி. எதுக்கு ஊறுகாய்” என்ற ஏழுவை அறையில் இருந்த ஏழு பேரும் கையில் கல் இல்லாத போது கண்ட நாயாக பார்த்தோம்.

ஏதேனும் சொல்லி தப்பித்தாக வேண்டும் என்ற அளவிற்கு ஸ்டெடியாக இருந்த ஏழு “திரைகடல் ஓடியும் திரவியம் தேடுனுன்னா என்ன? பாரின் சரக்கு உசார் பண்ணி அடிங்கடானு முன்னோர்கள் சொல்லி இருக்காங்க மச்சி. ஐ லைக் இட்” என்றான்.

“டேய் ஏழு. பாட்டிலுக்கு வாயும் இருக்கு. அதுக்கிட்ட சரக்கும் இருக்கும். அது என்னைக்காச்சும் சலம்புதா? நீ ஏண்டா இப்படி இருக்க” மாப்பிள்ளை கிட்டத்தட்ட ஸ்ரீஸ்ரீ ஸ்ரீலஸ்ரீ மாப்பிள்ளையாந்தா சுவாமிகளாக மாறும் அளவிற்கு கடுப்பேற்றியிருந்தான் ஏழு.

”சூப்பர் மாப்பி. இங்க வா. நான் உனக்கு ஜென் சொல்லித் தறேன்” என்ற ஏழு இன்னும் எச்சில்ப்படுத்தப்படாமல் இருந்த பாலிஜி கிளாசில் ஒரு ஐஸ் க்யூபை போட்டான். பாதி சரக்கு வெளியே தெறித்தது

“அமைதியான க்ளாஸ்

ஐஸ் க்யூப் போட்டால்

க்ளக் க்ளக்”

கிட்டத்தட்ட சிவாஜியை போல இருக்கும் எல்லா பார்ட்டையும் ஆட்டி கவிதை சொல்லிக் கொண்டிருந்தான் ஏழு. ஒரு சரக்கு கிளாஸ்தான் எத்தனை தத்துவ கிளாஸ் எடுக்க உதவுகிறது என ஆச்சரியப்பட்டுக் கொண்டிருந்தேன் நான். சரக்கு வேஸ்ட்டான கடுப்பில் இருந்தான் பாலாஜி. ஒரு ஜென் துறவி போல இதையெல்லாம் அமைதியாக வேடிக்கைப் பார்த்துக் கொண்டிருந்தார் அந்த புதிய நண்பர்.

ஏழுவை மட்டையாக்க பிளான் செய்த பாலாஜி, அவன் பியரில் கொஞ்சம் பிளாக் டாகை சேர்த்துக் கொடுத்தவிட்டான். கோரஸாக சிரித்த எனக்கும் ஏதோ கல்பசிங்கிள்ஜிக்கான் செய்துவிட்டான். ஏழுவிடம் சொல்லிவிடலாமா என்று யோசித்தேன். முதுகுல குத்துனவன் சரக்கு வாங்கி குடுத்தவனா இருந்தா வாந்தி எடுக்குற வரைக்கும் வெளிய சொல்ல கூடாது என்பது நட்பு விதியென்பதால் வாந்தி வருமா என காத்துக் கொண்டிருந்தேன். எப்படியாவது ஏழுவை ரூமில் சேர்க்க வேண்டுமென்பதால் கைத்தாங்கலாக அந்த நாலு மீட்டர் தோலையும், நாலஞ்சு எலும்பையும் சுமந்தபடி நடக்க தொடங்கினேன்.

“மச்சி. உன் தோள்ல சாஞ்சுட்டு வரும்போதுதாண்டா தெரிது”

என்ன தெரிது?

நாம சரக்கு கொஞ்சம் ஓவராதாண்டா அடிச்சிடோம்”

ஏழுவை ரூமில் ட்ராப் செய்தபின், கதவை தட்டிவிட்டு அண்ணியை பார்க்காமல் ஓடி வந்துவிட்டேன். மறுநாள் கொலைவெறியில் எங்களை தேடி வந்தான் ஏழு.

“என்ன எழவடா மிக்ஸ் பண்னீங்க.”

“பாலாஜிதான் மச்சி பீரு இல்லைன்னு விஸ்கிய மிக்ஸ் பண்ணிட்டான். என்ன ஆச்சு”

ஏழு அரங்கம் அதிர கத்தினான் ”சாக்கு சொல்லாதீங்கடா. ஏம்ப்பா நைட்டு என்கிட்ட இங்க்லீஷுல பேசுனேன்னு கேட்கிறான் என் பையன். பிளாக் டாக் கதையவாடா சொல்ல முடியும்”

_________________

பிகு: எனக்கு பிடித்த சிலரின் ட்வீட்ஸ்களை பதிவில் பயன்படுத்தி இருக்கிறேன். யார் யார் எழுதியது என்பதெல்லாம் நினைவிலில்லை. ஒரு உரிமையில் சேர்த்திருக்கிறேன். Smile

Aug 16, 2012

அட்டகத்தி

9 கருத்துக்குத்து

 

30 வயதை ஜஸ்ட் தாண்டியவர்கள் அல்லது தாண்டபோகிறவர்களுக்கு அவர்கள் கல்லூரி நாட்களையே ஒரு பீரியட் படமாக பார்க்க நேர்ந்தால் அதிர்ச்சியாகத்தான் இருக்கும். ஆனால் அது சற்று நேரத்திலே காணாமல் போய் பழைய கல்லூரி & காதல் நினைவுகளுக்கு போய்விடுவது ஆனந்தமாய்தான் இருக்கும். நத்தை கூட ஓவர்டேக் செய்யும் திரைக்கதை கொண்ட ஆட்டோகிராஃப் என்ற காவியம் தாத்தா வேட்டியில் கூட 100 நாள் ஓட இதுவே காரணம் என கருதுகிறேன். அட்டைக்கத்தியும் அப்படியொரு முயற்சி, கொஞ்சம் கலகலப்பான முயற்சி.

+2 ஆங்கிலத்தில் மட்டும் கோட்டடித்து டுட்டூரியல் காலேஜ் சென்று கொண்டிருக்கும் நாயகனை பற்றிய அறிமுகம்+ வாய்ஸ் ஓவருடன் ஆரம்பிக்கிறது படம். எப்படியாவது லவ் பண்ணிதான் கல்யாணம் செய்து கொள்ள வேண்டும் என்ற லட்சியத்தோடு இருப்பவனுக்கு லவ் செட்டானதா என்பதே அட்டைக்கத்தி. மிச்ச சொச்ச கதை & கதாபாத்திரங்களை வழக்கமாய் நீங்கள் விமர்சனம் படிப்பவர்களின் பிளாகில் படித்து தெரிந்துக் கொள்வது நம் இருவருக்கும் நல்லது.

படத்தின் மிகப் பெரிய ப்ளஸ், ஹீரோ தினேஷ். பருத்தி வீரனுக்கு பிறகு ஒரு அறிமுக நாயகன் படத்தை தாங்கு தாங்குவென்று தாங்கியிருப்பது இப்படத்தில்தான். முதல் ஃப்ரேமில் இருந்தே என்னை படத்திற்குள் காந்தம் போன்று இழுத்து சென்றுவிட்டார். ஒவ்வொருவரின் வாழ்விலும் 18-22 வயதில் தான் மாற்றம் தினம் தினம் நடக்கும். அந்த வயதில் நடக்கும் சம்பவங்களே படம் என்னும்போது இன்னும் சிரமம். ஜஸ்ட் லைக் தட் செய்திருக்கிறார் தினேஷ். கலா மாஸ்டர் சைசுக்கு ஒரு பெரிய ரவுண்ட் வர வேண்டும் என மனதார வாழ்த்துகிறேன்.

இவரை தவிர படத்தில் பெரிதாய் என்னை ஈர்க்க ஏதுமில்லை. ஆடி போனா ஆவணி பாடல் கூட பல்லவி முடிந்தவுடன் டெஸ்ட் மேட்ச் போல் ஆகிவிட்டது. ஆசை ஒரு புல்வெளி வருவதற்குள் எனக்கு படம் முடிந்துவிட்டது. படம் 2000ல் நடப்பதாக கேபிள் சங்கர் சொன்னார். படத்தின் முதல் காட்சியிலும் வாலி பட போஸ்டர் காட்டினார்கள். ஹீரோவில் புத்தகத்திலும் காதலுக்கு மரியாதை ஷாலினி சிரித்துக் கொண்டிருந்தார். ஆனால் படத்தில் பல இடங்களில் காலம் ஜம்ப் அடிக்கிறது. திடிரென காதலி காக்க காக்க சூர்யா என்கிறார். மெல்லினமே மெல்லினமே என்ற ஷாஜஹன் பாடலை ஒலிக்கவிட்டு காதலுக்கு மரியாதை பாட்டு புத்தகத்தை காப்பியடிக்கிறார். ஒரு தலை ராகம் படத்துக்கு போகிறார். இன்னும் பல விஷயங்கள் உறுத்தியன. லிஸ்ட் எழுதிக் கொண்டு வரவில்லை நான். ஆனால் பீரியட் படத்துக்கான உழைப்பு பல இடங்களில் மிஸ்ஸிங்.

படத்தில் சுவாரஸ்யமான காட்சிகள் பல உண்டு. ஆனால் அவை குறும்படத்திற்கு போதுமானதாய் இருக்கலாம். ஃபீச்சர் ஃபில்முக்கு ம்ஹூம். மேக்கிங்கில் நன்றாகவே செய்தவர்கள் எடுத்துக் கொண்ட களத்தில்(கதையல்ல, ஏனெனில் படத்தில் கதையே இல்லை) கோட்டை விட்டதாக கருதுகிறேன். படம் எனக்கு பிடிக்காமல் போனதற்கான காரணங்களை மட்டும் சொல்லிவிட்டு முடித்து விடலாம்.

ஒரு பையனை பெண்கள் காதல் விஷயத்தில் எப்படியெல்லாம் பல்பு தருவார்?

1) நன்றாக பேசிவிட்டு கடைசியில் ப்ரபோஸ் செய்யும்போது அண்ணா என்பார்கள்

2) அல்லது நம்மிடம் லெட்டர் தந்துவிட்டு இதை உன் ஃப்ரெண்ட் குமார் அல்லது உன் அண்ணன்கிட்ட கொடுத்துடு என்பார்கள்

3) ஏரியா பசங்கக்கிட்ட மாட்டிவிட்டு அடி வாங்க வைப்பார்கள்

4) உன்னை ஃப்ரெண்டாதான் பார்த்தேன் என்பார்கள்

5) லவ் பண்ணிவிட்டு டாட்டா காட்டிவிடுவார்கள்.

இதைத் தாண்டி எதுவும் யோசிக்க முடியுமா என தெரியவில்லை. ஆனால் இதையே முழுப்படமாய் எடுத்தால் என்ன ஆவது? முதல் பல்பை ஹீரோ வாங்கியவுடன் படம் நமக்கு புரிந்து விடுகிறது. அதனாலே முடிந்தும் விடுகிறது. இதை ஏதோ ட்விஸ்ட்டென நினைத்து ஒவ்வொரு காதல் எபிசோடையும் 15 நிமிடம் இழுக்கிறார்கள். நாம் நினைத்தபடியே ஹீரோ அதே கா.பி.கோ சட்டத்தில் மாட்டும்போது கழுத்தை அறுத்துக் கொள்ளலாம் போலிருக்கிறது. ஹீரோ போண்டா சாப்பிடும் காட்சி ஒன்று. அவர் லவ் ஃபெய்லரில் இருப்பதால் நண்பன் கொடுக்கும் போண்டாவை மறுக்கிறார். லவ் ஃபெயிலியர் சாப்பிடக் கூடாதாம். நண்பரும் 2 நிமிடம் பேசிவிட்டு அவரே சாப்பிட்டு விடுகிறார். இந்த காட்சியும் எப்படி முடியுமென தெரியாதா? இதுதான் என் பிரச்சினை. இதற்கு நடுவில் ஆங்காங்கே சுவார்ஸ்யம் இருந்தாலும் எல்லா காட்சிகளின் முடிவையும் நம்மால் யூகிக்க முடியும்போது சுவாரஸ்யமின்றி புஸ்ஸென்று ஆகிறது.அதுவும் க்ளைமேக்ஸ் நோக்கி நகரும்போது பஸ் ஆண்ட்டி, ஹீரோயினோட நிஜ டாவு பேரும் ஹீரோ பேரே என்பதெல்லாம் ரண கொடூரம்.

ஒரேயடியாக குப்பையென்றில்லாமல் போனதாலும், ஹீரோவின் பிரமாதமான செஞ்சுரியாலும் படம் தேறலாம். என்னளவில் படம் வேலைக்காவது.

அட்டை கத்தி – மாவீரன் கையில்

Aug 14, 2012

அனிட்ரியா

17 கருத்துக்குத்து

 

Flash news: அனிருதும், நடிகை ஆண்ட்ரியாவும் கமல் முத்தம் அடிச்ச ஃபோட்டோக்கள் வெளியாயிடுச்சுங்க.. அதான்..

image

 

image

image

image 

image

image

image

image

image

image

image

image

 

all rights reserved to www.karkibava.com