Dec 31, 2011

Happy new year

13 கருத்துக்குத்து

 

எல்லோருக்கும் HAPPY NEW YEAR

எல்லா இட‌த்திலும் இதே பேச்சுதான் இருக்கும். இருந்தாலும் நானும் இந்த‌ வருஷ‌த்துல‌ என‌க்கு பிடிச்ச‌ விஷ‌ய‌ங்க‌ள‌ ப‌திவு செய்ய‌லாம்னு நினைக்கிறேன். இது முழுக்க‌ முழுக்க‌ என‌க்கு பிடிச்ச‌துதான். சிற‌ந்த‌துன்னு அர்த்த‌ம் ப‌ண்ணிக்காதீங்க‌ :)

 

சிற‌ந்த‌ ப‌திவ‌ர்   : ஓலைக்க‌ண‌க்க‌ன்

சிற‌ந்த‌ ட்விட்ட‌ர் :ஜெக‌ன் (@thoatta)

சிற‌ந்த‌ ப‌திவு    : க‌ண்ண‌ம்மா

என‌க்கு பிடிச்ச‌ என் ப‌திவு : மாப்பிள்ளை

சிற‌ந்த‌ கிரிக்கெட் வீர‌ர் : டேல் ஸ்டெயின்

 

சினிமா

சிற‌ந்த‌ ப‌ட‌ம்           காஞ்ச‌னா
சிற‌ந்த‌  இயக்குன‌ர் : வெற்றிமாற‌ன்
சிற‌ந்த‌ ந‌டிக‌ர்    த‌னுஷ் (ஆடுக‌ள‌ம், ம‌யக்க‌ம் என்ன‌)
சிற‌ந்த‌ ந‌டிகை அஞ்ச‌லி (எங்கேயும் எப்போதும்)
சிற‌ந்த‌ இசைய‌மைப்பாள‌ர் ச‌த்யா (எங்கேயும் எப்போதும்)
சிற‌ந்த‌ பாட‌க‌ர் கார்த்திக் (ச‌ட‌ச‌ட‌ச‌டெவ‌ன‌)
சிற‌ந்த‌ பாட‌கி பிரிய‌த‌ர்ஷினி (அழ‌கா பொற‌ந்துப்புட்ட‌ ‍-சிறுத்தை)
சிற‌ந்த‌ பாட‌லாசிரிய‌ர் ம‌த‌ன் கார்க்கி (என்ன‌மோ ஏதோ)
சிற‌ந்த‌ பாட‌ல் வ‌ரி : ஒரு குட்டி பூனை போல‌ ஆசை எட்டிப் பார்க்குதே. / அது அச்ச‌ம் ம‌ட‌ம் நாண‌மெல்லாம் த‌ட்டி பார்க்குதே (சொட்ட‌ சொட்ட‌ ந‌னைய‌ வைத்தாய்)
சிற‌ந்த‌ குறும்ப‌ட‌ம்

  : ப‌ண்ணையாரும் ப‌த்மினியும்

என்ன‌ள‌வில் ந‌ட‌ந்த‌ சில‌ ச‌ந்தோஷ‌ நிக‌ழ்வுக‌ள் :

1) இந்தியா உல‌க‌ கோப்பை வென்ற‌து, அப்போது ட்விட்ட‌ரில் லைவ் க‌மென்ட்ரியோடு நான் செய்த‌ க‌ணிப்புக‌ள் 10 போட்டிக‌ளில் 9 போட்டிக‌ள் ச‌ரியாக‌ அமைந்த‌து.

2) புது வேலையில் சேர்ந்து 6 மாத‌ங்க‌ளிலே ஒரு புர‌மோஷ‌ன் கிடைத்த‌து

3) இந்திய‌ அள‌வில் ந‌டைபெற்ற‌ ட்விட்ட‌ர்க‌ளுக்கான‌ தேர்வில் முத‌லிட‌த்தில் இருப்ப‌து. (இன்றோடு வாக்குப்ப‌திவு முடிகிற‌து.). இங்கே த‌மிழ் ட்விட்ட‌ர்க‌ள்தான் அதிக‌ம் வாக்க‌ளித்திருக்கிறார்க‌ள் என்ப‌தை அறிவேன். இருந்தாலும் த‌மிழ் ட்விட்ட‌ர்க‌ள் வ‌ட்ட‌த்தில் முத‌லிட‌ம் என்ப‌தே ச‌ந்தோஷ‌மான‌ விஷ‌ய‌ம் தானே?

4) மொக்கையாக‌ எடுத்தாலும், 4,5 குறும்ப‌ட‌ங்க‌ள் எடுத்த‌து

5) இளைய‌ராஜா இசை நிக‌ழ்ச்சிக்கு சென்ற‌து

6) என் தோஸ்த் ப‌திவ‌ர்க‌ள் ர‌ம்யா ‍ கிர‌ண் திரும‌ண‌ நிக‌ழ்வு

7) இயக்குன‌ர் செல்வாவின் "ம‌ன‌சு" குறும்ப‌ட‌த்தில் ந‌டித்த‌து.

 

ம‌ற‌க்க‌ நினைப்ப‌து :

1) பைக் விப‌த்து

2) ம‌ங்காத்தா ப‌திவு :)))

 

My Fav click:

Dec 29, 2011

நேற்றுதான் செத்து போனேன்

30 கருத்துக்குத்து

 

ரெஸ்ட்ரூமில் இருவ‌ர் பேசிக் கொண்டிருந்தார்க‌ள் "அன்னைக்கு ப‌க்க‌த்துலே போய் பார்த்தோம். ப‌ச‌ங்க‌ 2 பேரும் ஃபோட்டோ எடுத்துக்கிட்டாங்க‌.க‌ட‌வுள நேர்ல் பார்த்த‌ மாதிரி இருந்துச்சு எவ்ளோ பெரிய‌ ஜீனிய‌ஸ்!ந‌ம்ப‌வே முடிய‌ல‌ என்னால‌".

எட்டு பேர் கொண்ட‌ குழுவொன்று த‌லையில் பிர‌த்யேக‌மாய் வ‌டிவ‌மைக்க‌ப்ப‌ட்ட‌ தொப்பியில் அவ‌ர் புகைப்ப‌ட‌த்தோட‌ வ‌ந்திருந்தது.

அர‌ங்க‌ம் நிறைந்து போனதால் மேடைக்கு நேர் எதிரில் இருந்த‌ கேல‌ரியில் நூறு பேர் நின்றுக் கொண்டேயிருந்தார்க‌ள். 6 ம‌ணி நேர‌மும்

இன்னும் நீட்டித்துக் கொண்டே போக‌லாம்.ஆனால் இது நேற்று ந‌ட‌ந்த‌ இளைய‌ராஜா இசை நிக‌ழ்வு ப‌ற்றிய‌ ப‌திவு என்ப‌தை அறியாமாலா இருப்பீர்க‌ள்?

ச‌ரியாக‌ 3.30க்கு நேரு உள்விளையாட்ட‌ர‌ங்க‌ம் சென்றுவிட்டோம். தேவைய‌ற்ற‌ நெரிச‌லை உண்டாக்குவ‌தில் பி.எச்டி முடித்த‌ த‌மிழ‌க‌ காவ‌ல்துறையின‌ர் ப‌ணியை செவ்வனே செய்து கொண்டிருந்தார்க‌ள். முண்டிய‌டித்து உள்சென்று மேடைக்கு முன்னால் ஆக‌ச்சிற‌ந்த‌ இருக்கையில் இட‌ம் பிடித்து அம‌ர்ந்த‌போதே நிறைவான‌து ம‌ன‌து. திரைக‌ளில் ம‌ல‌பார்  விள‌ம்ப‌ர‌ங்க‌ளில் "அழ‌கும் த‌ர‌மும் ச‌ங்க‌ம‌ம்" என‌ பாடிக் கொண்டேயிருந்தார் ராஜா. இசைக்கு ஏத‌ய்யா மொழி?

(செட்டில் ஆயாச்சு.. செத்து போக‌.)

பிர‌காஷ்ராஜ்தான் தொகுத்து வ‌ழ‌ங்கினார். நிக‌ழ்ச்சியின் ஆர‌ம்ப‌த்தில் ராஜாவை ப‌ற்றிய‌ ஒரு டாகுமென்ட்ரியை ஒளிப‌ர‌ப்பினார்க‌ள். ராஜாவின் மன‌வி ஜீவா அவ‌ர்க‌ளுக்கு நிக‌ழ்வை காணிக்கையாக்கினார்க‌ள். பார்வையாள‌ர்க‌ள் ப‌க்க‌ம் கேம‌ரா திரும்பிய‌து. ராஜாவின் ப‌க்த‌ர்க‌ளில் ஒருவ‌ரான‌ தேவி ஸ்ரீ பிர‌சாத் வ‌ந்திருந்தார். யுவ‌ன் மாப்பிள்ளை க‌ண‌க்காக‌ சூட்டில் வ‌ந்திருந்தார்.பாட‌க‌ர்க‌ளில் பாலு அண்ணா, ஜேசுதாஸ், பால‌முர‌ளி கிருஷ்ணா, ஹ‌ரிஹ‌ர‌ன், சித்ரா, கார்த்திக், ஹ‌ரிச‌ர‌ண், ஸ்ரீராம், உமா ர‌மண‌ன், தீப‌ன் ச‌க்ர‌வ‌ர்த்தி ம‌ற்றும் ப‌ல‌ர் வ‌ந்திருந்தார்க‌ள். எதிர்பார்த்த‌வ‌ர்க‌ளில் ஷ்ரேயா கோஷ‌லும், சிவ‌ம‌ணியும் வ‌ராத‌து மிக‌ப்பெரிய‌ குறை.

சூப்ப‌ர் சிங்க‌ரில் தோல்விய‌டைந்த‌ ந‌ண்ப‌ர்க‌ள் கோர‌ஸாக‌ எதையோ ஹ‌ம் செய்துக் கொண்டிருந்தார்க‌ள். மேடையில் இருந்த‌ பிர‌ம்மாண்ட‌ க‌த‌வு திற‌க்க‌ வெள்ளை உடையில் ராக‌தேவ‌ன் உள்ளே வ‌ந்தார். கூக்குர‌ல் எழாம‌ல் இல்லை. தீவிர‌ ராஜா ர‌சிக‌ர்க‌ள், அவ‌ர்  எப்போது வாய் திற‌ப்பார்? என்ன‌ பாட‌ல் முத‌லில் பாடுவார் என்பதிலே ஆர்வ‌மாயிருந்த‌ன‌ர். நான் வேறு 200 ரூபாய் ப‌ந்த‌ய‌ம் க‌ட்டியிருந்தேன். “எங்க‌ என் ந‌ண்ப‌ன்? என் ஒரே ந‌ண்ப‌ன்” என‌ ஹார்மோனிய‌ப் பெட்டியை வாங்கி, என‌க்காக‌ 200 ரூபாய் ச‌ம்பாதித்த‌ ராஜா வாய் திற‌ந்தார்

"ஜ‌ன‌னி ஜ‌ன‌னி.. ஜ‌க‌ம் நீ அக‌ம் நீ".

ஸ்தம்பித்த‌து 7000 பேர் அமர்ந்திருந்த‌ அர‌ங்க‌ம்.Raja started singing. And we started sinking.

ராஜா. த‌மிழ‌ர்க‌ளின் வாழ்நாளை நீட்டித்த‌வ‌ன். இசையின் ஆழ‌த்தை எம‌க்கு க‌ற்பித்த‌வ‌ன். உல‌கின் ஒவ்வொரு த‌மிழ‌னின் வீட்டிலும் தின‌ம் தின‌ம் உழைத்துக் கொண்டிருக்கும் முத‌லாளி. ப‌ல‌ரின் சுமைக‌ளை தாங்கும் சுமைதாங்கி.வ‌ய‌லில் இற‌ங்கி வேலைப்பார்த்துக் கொண்டிருந்த‌வ‌ன் வ‌ய‌லினில் வேலை செய்ய‌ தொட‌ங்கிய‌தில் ஆர‌ம்ப‌மான‌து ஒரு இசை ச‌காப்த‌ம். தாய்ப்பாலோடு இவ‌னின் இசையும் க‌ல‌ந்தே எங்க‌ளுக்கு ஊட்ட‌ப்ப‌ட்டிருக்கிற‌து. எங்க‌ள் நாடி,ந‌ர‌ம்பு, ச‌தை,புத்தி எல்லாமும் க‌ல‌ந்து போயிருக்கிற‌து இவ‌னின் த‌ந்தி மீட்ட‌ல்க‌ளும், தாள‌ ஜ‌திக‌ளும்.

  ராஜாவின் இசை க‌ல‌வியைப் போன்ற‌து. கேட்க‌ கேட்க‌ போதுமென‌ தோன்றினாலும் நிறுத்திய அடுத்த‌ நிமிட‌மே இன்னும் வேண்டுமென‌ ஏங்க‌ வைக்கும். ராஜாவின் இசை அருவியின் அடியில் வைக்க‌ப்ப‌ட்ட‌ பாத்திர‌ம் போன்ற‌து.. பொங்கி பொங்கி வழிந்தாலும் மீண்டும் வேண்டுமென்ப‌த‌ற்காக‌ நிர‌ம்புவ‌தேயில்லை. ராஜாவின் இசை ர‌யிலை போன்ற‌து. த‌ண்ட‌வாளமாகிய‌ எங்க‌ளை க‌ட‌ந்த‌ பின்னும் நாங்க‌ள் அதிர்ந்துக் கொண்டேயிருப்போம். ராஜாவின் இசை. எங்க‌ள் காத‌லி போன்ற‌து. கொஞ்சுவோம்.கெஞ்சுவோம்.மிர‌ட்டுவோம். காலில் விழுவோம்.வெகு இய‌ல்பாக, ராஜாவுக்கு இசை வ‌ரும். எங்க‌ளுக்கு அவ‌ர் இசையே வ‌ர‌ம்.

"இறைவ‌னை நான் பாடுவ‌தால் அது இறைவ‌னுக்கு புகழ‌ல்ல‌.இறைவ‌ன் இன்னும் பெரிய‌வ‌ன். அது என‌க்குத்தான் பெருமை  - ‍ ராஜா"”

இதில் இறைவ‌ன் என்னுமிட‌த்தில் ராஜாவின் பெய‌ரையும், ராஜாவுக்கு ப‌தில் என் பெய‌ரையும் மாற்றிப் ப‌டித்துக் கொள்ளுங்க‌ள்.

(தொட‌ரும்)

Dec 25, 2011

நண்பன்–the best friend of music lovers

17 கருத்துக்குத்து

 

இந்தப் பதிவுக்காக கேட்டவுடன் தமக்கு பிடித்தமான வரிகளை பகிர்ந்துக் கொண்ட பாடலாசிரியர்கள் மதன் கார்க்கி அவர்களுக்கும், நா.முத்துக்குமார் அவர்களுக்கும் நன்றிகள்.

_________________________________________________________________

அடிக்கடி நடந்திடாத விஷயம் இது. கடந்த சில வருடங்களில் பார்த்தால் வாரணம் ஆயிரம், பையா போன்று வெகு சில படங்களிலே எல்லா பாடல்களும் ஹிட் ஆகியிருக்கின்றன. அதுவும் பையா படத்தில் கிட்டத்தட்ட எல்லா பாடல்களுமே காதல் பாடல்களாக இருந்தன. variety யாகவும், அதே சமயம் ஹிட்டாகவும் அமைந்த ஆல்பம் என்றால் கடைசியாக வாரணம் ஆயிரமை சொல்லலாம். அதே ஹாரீஸ், நண்பன் மூலம் மீண்டும் அப்படி ஒரு ஹிட் அடித்திருக்கிறார். அதை விட முக்கியமாக தனக்கென அவர் அமைத்துக் கொண்ட டெம்ப்ளேட்களில் இருந்து வெகு சுலபமாக வெளியே வந்திருக்கிறார். அந்நியனில் கூட இந்த மேஜிக் நடக்கவில்லை. நண்பன் படத்தில் ஒரே ஒரு(இருக்காண்ணா இடுப்பிருக்காண்ணா) பாடலைத் தவிர மற்ற பாடல்களில் புது ஹாரீஸ் மிளிர்கிறார். விஜய்க்கும், விஜய் ரசிகர்களுக்கும் இந்த படம் நிச்சயம் ஒரு புது அனுபவம் என்பது தெரிந்த ஒன்றுதான்.

1) Aska Luska – விஜய் பிரகாஷ், சின்மயி – மதன் கார்க்கி

     காதல் என்பதற்கு 16 மொழிகளில்  வார்த்தைகள் பிடித்திருக்கிறார்கள். மீண்டும் உச்சரிப்பது கஷ்டம் என்றாலும் கேட்க இதமாய் இருக்கிறது மதன் கார்க்கியின் வரிகளும், விஜய் பிரகாஷின் குரலும். அதிக பொருட்செலவில் படமாக்கப்பட்டுள்ள பாடலாம். தன் பங்கிற்கும் நூற்றுக்கணக்கான இசைக்கருவிகளை கொண்டு மிரட்டியிருக்கிறார் ஹாரீஸ். ஹெட்ஃபோனில் கேட்கும்போது ஒவ்வொரு நோட்டும் ஆச்சரியப்படுத்துகிறது. இசையின் பிரம்மாண்டம் எனலாம்.

ப்ளூட்டோவில் உன்னை நான் கூடேற்றுவேன்.
விண்மீன்கள் பொறுக்கி சூடேற்றுவன்

வெகு சிலப் பாடல்களிலே தனக்கென தனி முத்திரை பதித்து விட்டார் மதன் கார்க்கி. 2011ல் என்னமோ ஏதோ என ஆரம்பித்தவர் 2012ல் அஸ்கலஸ்க்கா என அதகளம் செய்திருக்கிறார்.  சின்மயி ஒவ்வொரு வரியிலும் கடைசி வார்த்தையின் கடைசி எழுத்தை மட்டும் விழுங்கிவிடும் காரணம் மட்டும் என்னவென்று தெரியவில்லை.

பாடலாசிரியருக்கு பிடித்த வரிகள்:

அத்தனை மொழியிலும் வார்த்தை ஒவ்வொன்று கொய்தேன்
மொத்தமாய் கோர்த்துதான் காதல் செண்டொன்று செய்தேன்
உன்னிடம் நீட்டினேன் காதலைக் காட்டினேன்...

முக்கோணங்கள் படிப்பேன் உன் மூக்கின் மேலே
விட்டம் மட்டம் படிப்பேன் உன் நெஞ்சின் மேலே

(என்ன ஒரு வில்லத்தனம்!!)

கண்ணாடி நிலவாய் கண் கூசினாய்
வெண்வண்ண நிழலை மண் வீசினாய்
புல்லில் பூத்த பனி நீ - ஒரு
கள்ளம் இல்லை
வைரஸ் இல்லா கணினி - உன்
உள்ளம் வெள்ளை
நீ கொல்லை மல்லி முல்லை போலே
பிள்ளை மெல்லும் சொல்லைப் போலே

2) All is well – ஹேமச்சந்திரன், முகேஷ்  - நா.முத்துக்குமார்

படத்தின் சாரம்சம் இதுதான். 3 இடியட்ஸின் புரமோவிலும் முக்கியமான விஷயம் இந்த All iz well தான். படத்திலும் மிக முக்கியமான பாடல் எனலாம். ஹிப்ஹாப் ஸ்டைலில் நல்ல peppy ஆன பாடலாக போட்டிருக்கிறார் ஹாரீஸ். பாடல்வரிகளில் காமெடி கலாட்டாவும் செய்து கருத்து கந்தசாமியாகவும் ஆகியிருக்கிறார் நா. முத்துக்குமார். கேட்டவுடனே பிடித்து போகும் ஹாரீஸ் வகை பாடலென்றாலும் வேறெந்த பழைய ஹாரீஸ் பாடலையும் நினைவுப்படுத்தாது பெரிய ப்ளஸ். ALl iz well என்ற வரியின்  மெட்டை மட்டும் ஹிந்தியில் இருந்து அப்படியே எடுத்திருக்கிறார். விஜயின் க்யூட் மேனரிசங்களை ஷங்கர் அழகாக படமாக்கும் வாய்ப்பிருக்கும் பாடல். மேக்கிங் வீடியோ வெளியிட்டிருக்கிரார்கள். Thanks to kolaiveri.

நா.முத்துக்குமாருக்கு பிடித்த வரிகள்

டைட்டாக லைஃபே ஆனாலும் லூசாக நீ மாறு
வவ்வாலை போல நீ வாழ்ந்தால் பூமியெங்கும் தொங்கும் தோட்டம்

மூச்சு முட்டும் பாடம் எல்லாம் சோடா கோலியா.
நீ லோடு மேல லோடு ஏற்ற மூளை லாரியா?

3) என் கண்முன்னே – ஆலாப் ராஜு – மதன் கார்க்கி

Give me some sunshine என்ற பாடல் தமிழில் என் கண்முன்னே என்றாகியிருக்கிறது. ஹாரீஸின் முதல் காதலான கிட்டாருக்கு செம தீனி. Strumming pattern வழமையான ஒன்றானாலும் ஃப்ரெஷான மெட்டமைத்திருகிறார். ஆலாப் ராஜுவுக்கு இன்னொரு அழகான வாய்ப்பு. வார்த்தையின் நடுவே ஒவ்வொரு எழுத்திலும் வித்தியாசம் காட்டி உயிர் கொடுத்திருக்கிறார். சின்ன பாட்டென்றாலும் இசைக் காதலர்களுக்கு இது best pick ஆக அமையலாம்.

மதன் கார்க்கிக்கு பிடித்த வரிகள்

எந்தன் கண் முன்னே கண் முன்னே
காணாமல் போனேனே!
யாரும் பார்க்காத ஒரு விண்மீனாய்
வீணாய் நான் ஆனேனே

கனவை கனவை கலைத்தாயே
தொடர்ந்திட விடுவாயா?

இந்தப் பாடலுக்கு முதலில் அமைத்த சரணம் வேறு மெட்டாம். அதற்கு மதன் எழுதிய வரிகளையும் நம்மோடு பகிர்ந்துக் கொண்டார்.இதுதான் அவரது ஃபேவரட்டாம்.

வானம் ஏறிச் சென்று பூமியைக் காண
பொறியியல் கொண்டு பறவை செய்தேன்
அதன் சிறகினை முளையிலே அறுக்கிறேன்

வாழ்க்கை சொல்லித் தரும் பாடங்கள் வேறு
பாடம் சொல்லித் தரும் வாழ்க்கையும் வேறு
உன் பரிட்சையில் இரண்டையும் வெறுக்கிறேன்

4) என் ஃப்ரெண்ட போல யாரு மச்சான் – க்ரிஷ், சுசித் சுரேசன் – விவேகா

டைட்டில் பாடல். 3 இடியட்ஸில் லடாக் மலைத்தொடரில் கேமரா விர்ரென பறக்க மெல்லியதாய் தொடங்கும் பாடல். சங்கர் மஹாதேவனின் குரலில் இதமாய் ஒலிக்கும். தமிழில் முதலில் கேட்டபோது இப்படி ஃபாஸ்ட் பீட்டாக போட்டு விட்டார்களே என்ற உறுத்தல் இருந்தது. ஆனால் சரணத்தில் மாற்றி பாடலின் அழகை கெடாமல் பார்த்துக் கொண்டிருக்கிறார்கள். நாயகனை புகழும் பாடல் தான். ஆனால் நாங்க உங்க வீட்டுப் பிள்ளை நான் ஆட்சிகு வந்தால் இருக்காது தொல்லை என்றெல்லாம் இல்லாமல் வேறு திசையில் ஹீரோயிசத்தை காட்டியிருக்கிறார்கள்

தோழனின் தோள் கூட அன்னை மடி
இவன் தூரத்தில் பூத்திட்ட தொப்புள் கொடி.

விவேகாவிற்கும் இதுதான் பிடித்தமான வரிகளாக இருக்கக்கூடும்.

5) நல்ல நண்பன் – இராமக்ரிஷ்ணன் மூர்த்தி – நா.முத்துக்குமார்

  முதல் தடவை கேட்கும்போதே யாருப்பா பாடினது என்று கேட்க வைக்கும் குரல். ஜீவா அடிப்பட்டு மருத்துவமனையில் இருக்கும் போது வரும் பாடல். இந்தியில் இந்த பாடலை பார்க்கும்போதே காட்சிகளும், இசையும் நம்மை உருக வைக்கும். தமிழிலும் அதை சாத்தியப்படுத்தியிருக்கிறார் ஹாரீஸ். வீணை போன்ற கிளாசிக் கருவிகளை அழகாய் பதிவு செய்திருக்கிறார்.

3 இடியட்ஸ் பாடலின் வீடியோ இது. முடிந்தால் இந்தவீடியோவில் சத்தத்தை ம்யூட் செய்து ஹாரீஸ் வெர்ஷனோடு சேர்ந்து கேளுங்கள்.கடைசி 4 வரிகள் தவிர மற்ற காட்சிகளுக்கு ஹாரீஸீன் இசை எப்படி பொருந்தியிருக்கிறது?Thanks Harris

நா.முத்துக்குமாருக்கு பிடித்த வரிகள்:

நல்ல நண்பன் வேண்டும் என்று அந்த மரணமும் நினைக்கின்றதா?
சிறந்தவன் நீதானென்று உன்னை கூட்டி செல்ல துடிக்கின்றதா?

வா நண்பா வா நண்பா தோள்களில் சாயவா
வாழ்ந்திடும் நாளெல்லாம் நான் உன்னை தாங்கவா?

6) இருக்காண்ணா – ஜாவித் அலி –சுனிதி செளஹான் – பா.விஜய்

விஜய் ரசிகர்களுக்காக அல்லது கமர்ஷியல் வாசனைக்காக சேர்க்கப்பட்டிருக்கும் பாடல். டிரெயிலரில் வந்த சில நொடிகளிலே விஜயின் நடனம் பரவலாக பேசப்படுகிறது. விஜயின் ட்ரேட்மார்க் “ண்ணா” என்பதை முதன் முதலாக பயன்படுத்தியிருக்கிறார்கள். பா. விஜய் பழைய துள்ளலோடு எழுதியிருக்கிறார். படத்தின் ஓட்டத்தை கெடுக்காமல் இப்பாடல் அமைந்திருந்தால் நிச்சயம் எல்லோருக்கும் visual treat தான். ஷங்கரின் டிபிக்கல் கலர்ஃபுல் ட்ரெயின், மலை, பிரம்மாண்ட கண்ணாடி செட் எல்லாம் இருக்குமென எதிர்பார்க்கலாம்.

நீ செங்கிஸ்கானா.. இனி உங்கிஸ்தானா
நான் மங்கூஸ்தானா. உன் கையில் கஜகஸ்தானா

இதில் ஒளிந்திருக்கும் டபுள் மீனிங் புரியாதவர்கள் 300 ரூபாய் டிடியுடன் என்னை தொடர்பு கொள்ளலாம்.

__________________

3 இடியட்ஸ் ஒரு கிளாசான ஹீரோயிச படம் எனலாம். அந்த வகையில் நண்பனின் இசையும் இரண்டு விதமான ரசிகர்களையும் திருப்திப்படுத்தியிருக்கிறது.

நிச்சயமாய் PongALL is well

Dec 21, 2011

ச‌வால் சிறுக‌தை போட்டியும் பின்னே ஞானும்

14 கருத்துக்குத்து

 

க‌ட‌ந்த‌ ஞாயிறு அன்று ஆதி & ப‌ரிச‌ல் யுடான்ஸ் திர‌ட்டியுட‌ன் இணைந்து ந‌ட‌த்திய‌ ச‌வால் சிறுக‌தை போட்டியின் ப‌ரிச‌ளிப்பு விழாவை தொகுத்து வ‌ழ‌ங்கும் வாய்ப்பு என‌க்கு கிடைத்த‌து. வேறு சில‌ கார‌ண‌ங்க‌ளுக்காக‌ மேடையேறி இருந்தாலும் தொகுத்து வ‌ழ‌ங்குவ‌து இதுவே முத‌ல்முறை. பெரும்பாலும் நான் முன்னேற்பாடுக‌ள் செய்து கொண்டு போன‌தில்லை. ப‌ல‌ நேர‌ங்க‌ளில் அதுவே சாத‌க‌மாக‌வும், சில‌ நேர‌ங்க‌ளில் பாத‌க‌மாக‌வும் ஆன‌துண்டு. இம்முறை யார் யார் பேச‌ வேண்டும், யார் யாருக்கு ப‌ரிசு என்ப‌தை ம‌ட்டும் மொபைலில் குறித்துக் கொண்டு தொட‌ங்கினேன்.ஒன்றும் சிற‌ப்பாய் அமைய‌வில்லை என் தொகுப்புரை. வ‌ந்திருந்த‌ ந‌ப‌ர்க‌ளில் பெரும்பாலானோர் என‌க்கு அறிமுக‌மில்லாத‌வ‌ர்க‌ள் அல்ல‌து சீரிய‌ஸ் ஆசாமிக‌ள் என்ப‌தை கார‌ண‌மாய் சொல்லி த‌ப்பித்துக் கொள்கிறேன்.

1324216486609 1324214235181

முத‌லில் கேபிள் ச‌ங்க‌ரை வ‌ர‌வேற்புரை நிக‌ழ்த்த‌‌ அழைத்தேன்.நிக‌ழ்வுக்கு வ‌ந்திருக்கும் அனைவ‌ரையும் வ‌ர‌வேற்கும் வாய்ப்பு கேபிளுக்குத்தான் என்றாலும் அவ‌ர‌ பேச‌ அழைத்த‌ வாய்ப்பு என‌க்குத்தான் என்ற‌ முன்னுரையை சொல்ல‌ எப்ப‌டி ம‌ற‌ந்தேன் என்று தெரிய‌வில்லை. குறிப்புக‌ள் இது போன்ற‌ நேர‌ங்க‌ளில் நிச்ச‌ய‌ம் உத‌வி புரியும் என்ப‌தை புரிந்துக் கொண்டேன். சொற்ப‌ வார்த்தைக‌ளில் வ‌ர‌வேற்று சென்றார் கேபிள் ச‌ங்க‌ர். "சிறுக‌தை போட்டி என்ப‌தால் சுருக்க‌மாக‌ முடித்துக் கொண்டார் ச‌ங்க‌ர். ந‌ல்ல‌ வேளை க‌விதைப் போட்டி ந‌ட‌த்தியிருந்தால் எல்லோரும் வாங்க‌ என்ப‌தோடு நிறுத்தியிருப்பார் போலும்" என்றேன். குறிப்புக‌ள் இருந்திருந்தால் இதெல்லாம் தோன்றியிருக்காது என்றே நினைக்கிறேன். கூட்ட‌த்தில்(?) யாராவ‌து ஹைக்கூ போட்டியென்றால் "ஹாய்" ம‌ட்டும் சொல்லியிருப்பாரோ என்ற‌ க‌மென்ட்டை சொல்வார்க‌ளென‌ எதிர்பார்த்தேன். ம்ஹூம். விஜிபி தீம் பார்க் வாச‌ல் நாய‌க‌ர்க‌ளாக‌வே இருந்தார்க‌ள்.

அதை தொட‌ர்ந்து ந‌ட‌ந்த‌ நிக‌ழ்வுக‌ள் ஆதியின் ப‌திவில் வாசிக்க‌லாம். நான் இப்ப‌திவை எழுதிய‌து இத‌ற்காக‌ அல்ல‌. ச‌வால் சிறுக‌தை போட்டி ப‌ற்றி அசை போட்ட‌ போது ம‌ன‌தில் தோன்றிய‌ சில‌ விஷ‌ய‌ங்க‌ளை ப‌கிர‌ ஆசைப்ப‌டுகிறேன்.

எழுத்து என்ப‌து ஒரு க‌லை. அது எல்லோருக்கும் சாத்திய‌மாக‌ வேண்டுமென்ற‌ க‌ட்டாய‌ம் இல்லை. அவ‌சிய‌முமில்லை. இது போன்ற‌ போட்டிக‌ள் புதிதாய் எழுத‌ நிறைய‌ பேர் வ‌ர‌ வேண்டுமென்ற‌ அடிப்ப‌டையில் நிக‌ழ்வ‌தாக‌வே ப‌ல‌ராலும் சொல்ல‌ப்ப‌ட்ட‌து. என‌க்கு அதில் உட‌ன்பாடில்லை. அவ‌ச‌ர‌ம் வேண்டாம். முழுவ‌துமாய் சொல்லி முடித்துவிடுகிறேன். எழுத‌ எழுத‌ எவ‌ர் ஒருவ‌ருக்கும் எழுத்து செம்மைப்ப‌டும் என்ப‌தில் மாற்றுக் க‌ருத்து இல்லை. அத‌ற்கு ஏதுவாய் அமைந்த‌ ஒரு க‌ள‌ம் தான் வ‌லைப்பூ. ஆர்வ‌ம் இருக்கும் அனைவ‌ருமே வ‌லைப்பூக்க‌ளில் எழுதிக் கொண்டுதான் இருப்பார்க‌ள். ந‌ன்றாக‌ எழுதும் ப‌ல‌ருக்கும் சொற்ப‌மான‌ எண்ணிக்கையிலே வாசக‌ர்க‌ள் கிடைக்கிறார்க‌ள். ஆனால் அவ‌ர்க‌ள் எழுதுவ‌தை நிறுத்த‌வில்லை.கார‌ண‌ம் எழுத்தின் மீதான் ஆர்வ‌ம். இந்த‌ ஆர்வ‌ம் தான் ஒருவ‌ரை ந‌ல்லெழுத்துக்கார‌னாக‌ மாற்றும். ம‌ற்ற‌ப‌டி அதீத‌மான‌ பார்வைக‌ளோ, க‌ருத்துக‌ளோ ம‌ட்டுமே ஒருவ‌ரை எழுத்தாளானாக‌ மாற்றும் வாய்ப்பு இல்லையென்ப‌து என் க‌ருத்து.

  வ‌லைப்பூக்க‌ளில் யாரும் எழுத‌லாம்.நிச்ச‌ய‌மாக‌. ஆனால் அவ‌ர்க‌ள் அதைத்தாண்டி எழுத்தாள‌ன் அவ‌தார‌மெடுக்க‌ புத்த‌க‌ங்க‌ள் அச்சிடும்போதுதான் இப்பிர‌ச்சினை வ‌ருகிற‌து. ஒவ்வொரு ஆண்டும் புத்த‌க‌ க‌ண்காட்சிக்கு போகும்போதெல்லாம் என‌க்கு ஒன்று தோன்றும். Air pollution, Noise pollution போன்று இதுவும் ஒரு வ‌கை Pollution தானே? எத்துணை எத்துணை புத்த‌க‌ங்க‌ள்? வாசிப்பின் இன்றிய‌மையாமை குறித்து ஒருவ‌ருக்கு நாம் சொல்லும் வேளையில் இது குறித்தும் நாம் க‌வ‌லைப்ப‌ட‌வேண்டிய‌து அவ‌சிய‌மில்லையா? சென்ற‌ வார‌ம் ர‌மேஷ் வைத்யாவிட‌ம் பேசிக் கொண்டிருந்த‌ போது சொன்னார் "200 ரூபாய் த‌ந்து ஒரு புத்த‌க‌ம் வாங்கி ப‌டிக்கும் ஒருவ‌னுக்கு எழுத்தாள‌ன் ஏதாவ‌தொன்றை த‌ர‌ வேண்டாமா? பிர‌க்ஞையோ, அறிவோ, த‌ர்க்க‌மோ.. ஏதேனும் ஒன்றை புதிதாய் அவ்வாசிப்பு த‌ர‌ வேண்டாமா? வெறும் வாசிப்பின்ப‌மோ, நேர‌க்க‌ட‌த்த‌லோ என்றால் அது வேறு"

   இத‌ற்காக‌த்தான் க‌ட்டுரை ஆர‌ம்ப‌த்தில் எழுத்தாள‌ர்க‌ள் பெருகுவ‌தை நான் விரும்ப‌வில்லை என்று சொன்னேன். வ‌லைப்பூவில் இருந்து புத்த‌க‌ எழுத்தாள‌ர் ஆகியிருக்கும் எல்லோருமே க‌தை, க‌விதைக‌ள் தான் பிர‌சுரிக்கிறார்க‌ள். சினிமா வியாபார‌ம் போன்ற‌ புத்த‌க‌ங்க‌ள் வேறு வ‌கை. அவை எழுத்து, இல‌க்கிய‌ம் என்ற‌ வ‌கையில் சேரா. அவை ஒரு த‌க‌வ‌ல் க‌ளஞ்சிய‌மாக‌ பார்க்க‌ப்ப‌டுகின்ற‌ன‌. நான் சொல்வ‌து மொழியின் வ‌டிவ‌ங்க‌ளாக‌ இருக்கும் க‌தை, க‌விதை போன்ற‌ ப‌டைப்புக‌ளை. நான் வாசித்த‌ வ‌ரையில் ப‌திவ‌ர்க‌ள் புத்த‌க‌ங்க‌ளில் தான் அதிக‌ பிழைக‌ள். அப்ப‌டியென்றால் ப‌திவ‌ர்க‌ள் புத்த‌க‌மே போட‌க்கூடாதா என்று கைக‌ளை முறுக்காதீர். அத‌ற்கான‌ உழைப்பை முத‌லில் வ‌லைப்பூவில் காட்டினால் ந‌ல‌ம். வ‌லைப்பூவில் இருந்துதான் அய்ய‌ணார், யுவ‌கிருஷ்ணா போன்ற‌ எழுத்தாள‌ர்க‌ள் வ‌ந்திருக்கிறார்க‌ள். நான் சொல்வ‌து எழுத்து எல்லோருக்கும் கைக்கூடி வ‌ர‌ வேண்டுமென்ற‌ க‌ருத்தை ம‌ட்டுமே.

நாம் செய்ய‌ வேண்டிய‌வை வ‌லைப்பூவிலே ஏராள‌ம் இருக்கின்ற‌ன‌. இன்றும் வ‌லைப்பூக்க‌ளை அச்சு ஊட‌க‌த்தின் நீட்சியாக‌த்தான் எல்லோரும் பார்க்கிறார்க‌ள். நாமும் அவ்வாறுதான் இருக்கிறோம். நான் முன்ன‌ரே சொன்ன‌து போல‌ க‌தை, க‌விதைக‌ள், த‌க‌வ‌ல் என்ப‌தை தாண்டி எந்த‌ புத்த‌க‌மும் ப‌திவ‌ர்க‌ளிட‌மிருந்து வ‌ர‌வில்லை.(ஏதேனும் வ‌ந்திருந்தால் குறிப்பிடுங்க‌ள்.மாற்றி விடுகிறேன்). இணைய‌ம் ஒரு புதிய‌ வ‌டிவ‌ம். புதிய‌ உல‌க‌ம்.  அது தரும் சாத்திய‌ங்க‌ள் ஏராள‌ம். அதை எந்த‌ அள‌விற்கு நாம் ப‌ய‌ன்ப‌டுத்துகிறோம்? ச‌வால் போட்டியில் கூட‌ ஒரு புகைப்ப‌ட‌த்தை த‌ந்து அத‌ற்கேற்ற‌ க‌தையை எழுத‌ சொன்னார்க‌ள். அடுத்த‌ வருட‌ம் ஏன் ஒரு ஒலிக்குறிப்பை த‌ர‌க்கூடாது? இது கூடுத‌ல் சுவார‌ஸ்ய‌ம் த‌ர‌க் கூடுமல்ல‌வா?

ஒரு நல்ல கதாசிரியனால் ஒரு நல்ல திரைப்படம் எடுத்து விட முடியாது. சினிமா என்னும் தொழில்நுட்பத்தை விரல்நுனியில் வைத்திருக்கும் மணிரத்னம் போன்றவர்களால் ஒரு நல்ல கதையை எழுதிவிட முடியாது. இரண்டையும் இணைக்கும் ஆற்றல் பெற்றவர்களே நல்ல திரைப்படம் கொடுக்க முடியும். இணையமும் அப்படித்தான். இணையத்தின் சாத்தியங்களை அறிந்த பலரால் நல்ல படைப்புகள் எழுத முடிவதில்லை. படைப்புகளின் ஆசான்களுக்கு இணையத்தின் அசாத்தியமான சாத்தியங்கள் குறித்து தெரிவதில்லை.சில உதாரணங்கள் பார்ப்போம்.

உங்கள் வலைப்பூவின் பேக்கிரவுண்ட் வெள்ளை நிறம் என்று வைத்துக் கொள்வோம். எழுத்துகளின் நிறமும் வெள்ளையாய் இருந்தால் படிப்பவர்களுக்கு தெரியப்போவதில்லை. ஆனால் அதையே “செலக்ட்” செய்தால் தெரியும். இந்த யுத்தியை பயன்படுத்தி ஒரு மொக்கை பதிவொன்றை எழுதியிருந்தேன். அதை பயன்படுத்தி ஒரு கதை எழுதினால் எப்படி இருக்கும்?

இன்னொரு ஐடியா. GIFF படங்கள் குறித்து அறிவோம். சலனப்படம் போன்றிருக்கும் இதை கதையின் நடுவே இணைத்து, கதைக்கு ஒரு முக்கிய திருப்பத்தை அதில் சேர்த்தால் சுவாரஸ்யமாக இருக்குமல்லவா?

ஒரு க்ரைம் கதை எழுதுவோம். 24 மணி நேரத்தில் நடக்கும் ஒரு கொலையை நேரவாரியாக பத்தி பிரித்து எழுதிக் கொள்வோம். ஒரு கடிகாரத்தை நம் பதிவில் சேர்த்துவிடுவோம். நேரம் மாற மாற கதையின் தொடக்கம் அதற்கேற்றது போல மாறிவிடும். இது சற்று சிரமம்தான். ஆனால் கணிணி ஜாம்பவான்களுக்கு இது ஒரு பெரிய விஷயமே இல்லை. நீங்கள் எந்த நேரத்தில் உண்மையில் அக்கதையை படிக்க தொடங்குகறீர்களோ அந்த சமயத்தில் கதை தொடங்கும். பிறிதொரு நாள் வேறு நேரத்தில் படிக்க நேர்ந்தால் கதை வேறு இடத்தில் தொடங்கும். இது இணையத்தில் மட்டும்தானே சாத்தியம்?

நானும் ஒரு ச‌ராச‌ரி ப‌திவ‌ன் என்ப‌தால் க‌ட்டுரை திசை மாறிப்போன‌தை த‌விர்க்க‌ இய‌ல‌வில்லை. ம‌ன‌தில் இருந்த‌ விஷ‌ய‌ங்க‌ளை சொல்லியிருக்கிறேன். த‌வ‌றாக‌ அர்த்த‌ம் கொள்ளாம‌ல் யோசித்து பாருங்க‌ள். அச்சு ஊட‌க‌த்தை விட‌ வ‌லையுல‌க‌மே ந‌ம‌க்கான‌ க‌ள‌ம். புத்த‌க‌மாய் அச்சிடுமுன் வ‌லையில் ப‌ட்டைத் தீட்டிக் கொள்வோமென்றே சொல்ல‌ வ‌ருகின்றேன்.அவ்வ‌ள‌வே!

Dec 16, 2011

take REST

11 கருத்துக்குத்து

நாம‌ளாம் ஸ்வீட் சாப்பிட்டாதான் "ஸ்வீட் சாப்பிடிறியா"ன்னு கேட்பாங்க‌. தோழி என்ன‌ சாப்பிட்டாலும் "ஸ்வீட்..சாப்பிட‌றியா"ன்னு கேட்கிறாங்க‌.

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

பொண்ணுங்க அழகாகணும்ன்னா ப்யூட்டி பார்லருக்கு போறதுக்கு பதிலா உன் கண்ணுல பட்டா போதும்ன்னு சொல்றா தோழி.. கலாய்க்கிறாளான்னு தெரியலையே!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

என் Twitter BIOவில் "mokkai lover" என்ப‌தை எடுக்க‌ சொல்கிறாள் தோழி. அவ‌ள் மொக்கை என்றும் அர்த்த‌ம் வ‌ருகிற‌தாம். #வேற‌ அர்த்த‌ம் கூட‌ இருக்கா???

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

தோழி அரட்டைப்பெட்டியில் ஹாய் சொல்கிறாள். அரட்டைப்பெட்டி அழகுப்பெட்டியாகிறது.. அப்பாலிக்கா வறேன்ப்பா

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

miss u chellam என்று டைப்புவதில் மட்டும் தவறே செய்ய மாட்டாள் தோழி. #கடுப்ஸ்

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

அலைபேசி முத்தம் தந்த தோழி, கடைசியா take REST என்கிறாள். என்ன உள்ளர்த்தமோ தெரியலையே

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

ஒஸ்திக்கு இசை த‌ம‌ன்னா என்று கேட்டாள் தோழி.த‌ம‌ன்னா ந‌டிகை செல்ல‌ம் என்றால் அடிக்க‌ வ‌ருகிறாள்.#ஏம்ப்பா.நான் க‌ரெக்ட்டாதானே பேசுறேன்?

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

தோழி ஒரு ந‌ட‌மாடும் கால‌ண்ட‌ர்

திங்கள்        -  சேலை

செவ்வாய்    - அதிக‌ லிப்ஸ்டிக்

புத‌ன்            -  த‌ங்க‌ கொலுசு

வியாழ‌ன் -  _________

வெள்ளி      - ‍ஸ்லீவ்லெஸ்

Dec 13, 2011

Dont miss this!!

6 கருத்துக்குத்து

 

YUVAN ROCKSSSSSSSSSSSSSSSSSSSSSSSSSSSSSSSSSS

______________________

அப்ப‌டியே இதையும் கேளுங்க‌ :))

Dec 1, 2011

test

2 கருத்துக்குத்து

Nov 30, 2011

Have a break Selva!

22 கருத்துக்குத்து

 

பின்ந‌வீன‌ சூழ‌லில் உய‌ர்ப‌டைப்புக‌ள் என‌ வித‌ந்தோம்ப‌ப்ப‌டும் ப‌டைப்புக‌ள் அனேக‌மாய் காம‌ம், வ‌ன்ம‌ம், துரோக‌ம் போன்ற‌ அதீத‌ உண‌ர்வுக‌ளின் எல்லைய‌ற்ற உய‌ர‌ங்க‌ளை தொடுவ‌த‌ற்கான‌ உன்ன‌த‌ அல்ல‌து அதிப‌ய‌ங்க‌ர‌ முய‌ற்சிக‌ளின் எச்ச‌ங்களாக‌ இருப்ப‌தை நீங்க‌ள் அவ‌தானித்திருக்க‌க்கூடும். ஒரேயொரு மிகுபுனைவு முய‌ற்சியான‌ ஆயிர‌த்தில் ஒருவ‌னை த‌விர்த்து பார்த்தால் அச்சுழ‌லிலே செல்வ‌ராக‌வ‌னும் சிக்கித் த‌விப்ப‌தை நாம் அறிய‌லாம். ம‌ய‌க்க‌ம் என்ன‌ திரைப்ப‌ட‌மும் அதில் ஒரு நீர்க்குமிழிதான் என்ப‌தை இந்நேர‌ம் உங்க‌ளுக்கு இணைய‌ம் வழி வ‌ந்த‌ விம‌ர்ச‌ன‌ங்க‌ள் எடுத்துயிய‌ம்பியிருக்கும். பெரிதாய்‌ சொல்ல‌ ஏதுமில்லையென்றாலும் என்னை க‌வ‌ர்ந்த‌ முத‌ல் பாதியை ப‌ற்றி கொஞ்ச‌மும், பொட‌னியில் பொளேர‌ன‌ அடித்த இர‌ண்டாம் பாதியைப் ப‌ற்றி கொஞ்ச‌மும், த‌னுஷை ப‌ற்றி நிறைய‌வும் பார்க்க‌லாம்.

  தேசிய‌ விருது பெற்ற‌ நாய‌க‌ன், பிரிட்னி ஸ்பிய‌ர்ஸ் த‌ற்போது முணுமுணுக்கும் ஒய் திஸ் கொலைவெறிடியின் கார‌ண‌க‌ர்த்தா என்ற‌ அடையாள‌ங்க‌ளைத் தாண்டி மாப்பிள்ளை, வேங்கையின் நாய‌க‌ன் என்ற‌ முத்திரையைத்தான் த‌மிழ் ர‌சிக‌ர்க‌ளுக்கு த‌ந்திருக்கிறார் த‌னுஷ். ஆனால் ஜீவாவை போல‌ எல்லா ப‌ட‌ங்க‌ளுக்கும் ஒரே உழைப்பை த‌ராம‌ல் தேர்ந்தெடுத்து சில‌ ப‌டைப்புக‌ளுக்கு ம‌ட்டும் த‌னிக்க‌வ‌ன‌ம் செலுத்துவ‌து த‌னுஷின் வ‌ழ‌க்க‌ம். அவ்வ‌கையில் ம‌ய‌க்க‌ம் என்ன‌ ப‌ட‌த்திற்கு இன்னும் அதீத‌ க‌வ‌ன‌ம் செலுத்தியிருக்கிறார். ப‌ட‌த்தில் ஆக‌ச் சிற‌ந்த‌து இவ‌ரின் ந‌டிப்பு. க‌தை, பாத்திர‌ம் தாண்டி சோக‌ம் என்றால் இதுதான், காத‌ல் என்றால் இதுதான் என‌ டெம்ப்ளேட் உண‌ர்வுக‌ளின் குத்தகைத்தார‌ரான‌ சூர்யாவை வெகு சாத‌ர‌ண‌மாக‌ இவ‌ரால் தாண்ட‌ முடிகிற‌து என்ப‌தை ந‌ம்புவ‌த‌ற்கு ச‌ற்று சிர‌ம‌ப்ப‌ட‌த்தான் வேண்டியிருக்கிற‌து. 3 ஐ தொட‌ர்ந்து, அத‌ன் பின்  இவ‌ர் ந‌டிக்கவிருக்கும் சில‌ப் ப‌ட‌ங்க‌ள் அதை இல‌குவாக்குமென‌ எதிர்பார்க்கிறேன். சூர்யா, விக்ர‌ம் வ‌ரிசை தாண்டி ர‌ங்காராவ், சிவாஜி, க‌ம‌ல் வ‌ரிசையில் இட‌ம்பிடிக்க‌ப் போகும் ந‌டிக‌ரென‌ த‌னுஷை நான் கொண்டாடுகிறேன். இவ‌ருக்காக‌ ம‌ட்டுமே ப‌ட‌ம் பார்க்க‌லாம். பார்க்க‌லாம்.

பாலாவின் நாய‌க‌ர்க‌ள், ம‌ணிர‌த்ன‌த்தின் நாய‌கிக‌ள் போல‌ செல்வ‌ராக‌வ‌னின் பாத்திர‌ங்க‌ள் எல்லாமுமே ஒரே அச்சில் வார்க்க‌ப்ப‌ட்ட‌ பிம்ப‌ங்க‌ளாக‌ இருப்ப‌து அசூசை உண‌ர்வை த‌ருகிற‌து. காத‌ல் கொண்டேன் திவ்யாவையும், ரெயின்போ கால‌னி அனிதாவையும் தாண்டி யாமினியிட‌ம் குறிப்பிட்டு‌ சொல்ல‌ வேண்டிய‌ விஷ‌ய‌ம் ஏதுமில்லை, "உன் பொண்டாட்டிய‌ நீதான் தேடிக்க‌ணும்,அடுத்த‌வ‌ன் பொண்டாட்டி மேல‌ ஆசைப்ப‌ட‌க்கூடாது" என்ற‌ வ‌ச‌ன‌த்தை த‌விர‌. தீபா வெங்க‌ட்டின் குர‌லும், ரிச்சாவின் உட‌ல்மொழியும் ந‌டிப்பு என்ற‌ வ‌கையில் பாராட்ட‌த்த‌க்க‌து. த‌னுஷிட‌ம் முத்த‌ம் வாங்கிய‌ பின் வ‌ரும் காட்சிக‌ளில் ரிச்சாவின் உட‌ல்மொழியில் காண‌ப்ப‌டும் சின்ன‌ சின்ன‌ துள்ள‌ல்க‌ள் எல்லாம் அவ‌ரைத் தாண்டி இய‌க்குனரை திரையில் காட்டும் காட்சிக‌ள். இவ‌ரின் அடுத்த‌ ப‌ட‌ம் சிம்புவின் ஒஸ்தி என்ற திடுக்கிற‌ செய்யும் செய்தியான‌து இங்கு தேவைய‌ற்ற‌ ஒன்றாக‌ என‌க்கு தோன்ற‌வில்லை.

க‌தை ப‌ற்றி க‌தைப்போம். த‌னுஷும் அவ‌ரின் த‌ங்கையும் பெற்றோரை இழ‌ந்து ந‌ண்ப‌ர்க‌ள் உதவியில் வாழ்கிறார்க‌ள். த‌னுஷிற்கு புகைப்ப‌ட‌ க‌லைஞ‌ன் ஆக‌ விருப்ப‌ம். பிர‌ப‌ல‌ புகைப்ப‌ட‌ க‌லைஞ‌ரிட‌ம் உத‌வியாளாராக சேர‌ ஆசை‌‌ப்படுகிறார். ஒரு ச‌ந்த‌ர்ப்ப‌த்தில் த‌னுஷின் ந‌ண்ப‌ன் த‌ன‌து தோழியை ந‌ண்ப‌ர்க‌ள் குழாமிற்கு அறிமுக‌ப்ப‌டுத்துகிறார். த‌னுஷ் ஒரு புகைப்ப‌ட‌ வேலை தொட‌ர்பாக‌ காட்டுக்குள் செல்ல‌ நேரிடும்போது, ந‌ண்ப‌னும் அவ‌ர்த‌ம் தோழியும் இணைந்துக் கொள்கிறார்க‌ள். கொஞ்ச‌ம் கொஞ்ச‌மாக‌ நாய‌கிக்கு த‌னுஷின் மீது ஈர்ப்பு வ‌ருகிறது. ஒரு க‌ட்ட‌த்தில் த‌னுஷிற்கும் ரிச்சாவிற்கும் திரும‌ண‌ம் ந‌ட‌ந்து விடுகிற‌து. இடையில், த‌னுஷின் புகைப்ப‌ட‌த்தை அந்த‌ பிர‌ப‌ல‌ க‌லைஞ‌ர் அவ‌ர் புகைப்ப‌ட‌மென‌ ஏமாற்றி ஒரு போட்டியில் வென்றுவிடுகிறார். இதை பார்த்த‌ த‌னுஷ், மாடியில் இருந்து கீழே விழுந்து ம‌ன‌ந‌ல‌ம் பிற‌ழ்ந்த‌வ‌ர் ஆகி விடுகிறார். அத‌ன் பின் அவ‌ரை நாய‌கி எப்ப‌டி பார்த்துக் கொன்டார், த‌னுஷ் மீண்டாரா, புகைப்ப‌ட‌த்துறையில் சாதித்தாரா என்ப‌தை மீதிப் ப‌ட‌ம் சொல்கிற‌து. கொல்கிற‌து.

செல்வ‌ராக‌வ‌னின் க‌தையை, க‌தையாக‌ சொல்வ‌தில் இருக்கும் சிக்க‌ல் அலாதியான‌து. நாம் பார்த்த‌ க‌தையை குதூக‌ல‌ ம‌ன‌தோட‌ த‌ட்ட‌ச்சிய‌ பின் வாசித்துப் பார்க்கையில் ம‌ன‌ம் ஏனோ துணுக்குற‌ செய்கிற‌து. முக‌த்திலைறையும் ய‌தார்த்தம் தான் எனினும் "ஐஷ்வ‌ர‌யா ராயா இருந்தாலும் ஆய் போனா அசிங்க‌மாக‌த்தான் இருக்கும்" என்ப‌தை கூசாம‌ல் சொல்ல‌ முடிவ‌தில்லை என்னால். ஆனால் செல்வ‌ராக‌வ‌னோ குசு விடுவ‌திலே ரொமான்ஸ் காட்சியை வைக்கிறார். முத‌ல் பாதி செல்வ‌ராக‌வ‌னின் வ‌ழ‌மையான‌ பாணியில் செல்கிற‌து. ர‌சிக்க‌வும் வைக்கிற‌து. பேருந்து எங்கு செல்கிற‌து என்று தெரியாவிடினும் ம‌லை முக‌டுக‌ளும், அருவிக‌ளும் ந‌ம் ப‌ய‌ண‌த்தை சுவார‌ஸ்ய‌மாக்க‌க்கூடும். முத‌ல் பாதி அவ்வாறுதான் ப‌ய‌ணிக்கிற‌து. ஆனால் அப்பேருந்தே ஷெட்டுக்கு போகிற‌து என்று தெரியும்போது வ‌ரும் எரிச்ச‌லை இர‌ண்டாம் பாதி தருகிற‌து. இல‌க்க‌ற்று அலையும் திரைக்க‌தை அய‌ர்ச்சியை உண்டாக்குகிறது. செல்வ‌ராக‌வ‌ன் மீண்டும் நா.முத்துக்குமாரோடு இணைந்துக் கொண்டு க‌தை, திரைக்க‌தை எழுதும் வேலையை ம‌ட்டும் செவ்வ‌னே செய்ய‌லாம்.

முத‌ல் பாதியில் பாட‌ல்க‌ள் ஆர‌ம்பிக்கும் புள்ளிக‌ள் எல்லாமே எதிர்பாராத‌து. அதுவே அத‌ற்கு ஒரு அழ‌கு சேர்க்கிற‌து. ஆனால் காத‌ல் என் காத‌ல் பெரிய‌ ஏமாற்ற‌ம். அப்போது த‌னுஷ் காத‌லிக்க‌வேயில்லை. அத‌னால் தோல்வியுமில்லை. ஆனால் அந்த‌ப் பாட‌லை அவ‌ர்தான் பாடுகிறார். இப்ப‌டி ஒரு தெளிவ‌ற்ற‌ சூழ‌லில் செல்வ‌ராக‌வ‌ன் இதுவ‌ரை பாட‌ல் வைத்த‌தில்லை. ஆயிர‌த்தில் ஒருவ‌னில் வ‌ரும் குத்துப்பாட‌லுக்கு கூட‌ அவ‌ர்க‌ள் போதையில் இருப்ப‌தாக‌ ஒரு கார‌ண‌ம் சொல்லியிருப்பார். ப‌ட‌த்திற்கு இன்னொரு ப‌ல‌ம் ராம்ஜியின் ஒளிப்ப‌திவு. ந‌ல்ல‌ வேளை த‌னுஷ் இசைத்துறையில் சாதிக்க‌ நினைவில்லை. ஜி.வி.பிர‌காஷின் இசையை வைத்துக்கொண்டு செல்வ‌ராக‌வ‌னால் அதை செய்திருக்க‌ முடியாது. இசையினூடாக‌ ப‌ல‌ காட்சிக‌ள் ப‌ய‌ண‌ம் செய்கின்ற‌ன‌. செல்வ‌ராக‌வ‌னின் அந்த‌ யுத்திக்கு யுவ‌ன் தான் தோதான‌வ‌ர். மொத்த‌மே 2.20 ம‌ணி நேர‌ம் தான் ப‌ட‌ம். ந‌ல்ல‌ விஷ‌ய‌மென்றாலும் திரைக்க‌தையில் ஆங்காங்கே இருக்கும் ஓட்டைக‌ளுக்கு இது கார‌ண‌மோ என்ற‌ எண்ண‌ம் எழாம‌லில்லை.

ம‌ய‌க்க‌ம் என்ன‌ உட்ப‌ட‌ எல்லா செல்வ‌ராக‌வ‌னின் ப‌ட‌ங்க‌ளில் வ‌ரும் க்ளிஷேக்க‌ளை நேச‌மித்ர‌ன் இப்ப‌டி ப‌ட்டிய‌லிடுகிறார்

 

எப்படியேனும்  ஒரு கழிவறை சார்ந்த ஒரு காட்சி/உரையாடல் இடம்பெற்று விடுவதும் தற்செயலானதல்ல என்றே தோன்றுகிறது.முதல் படத்தில் இருந்து கா.கொ. கல் அடையாளம் வைப்பது, 7ஜியில் போஸ்டர்களை அலங்கரித்த மேற்கத்திய பாணி கழிவறை சித்திரம் .ஆ.ஒ-னிலும் காட்டுப் பயணத்தில் ஓர் உரையாடல் ,ம.எ வில் ஒரு காட்சி மற்றும் சொல்லாடல்.(செல்வராகவன் கதை எழுதிய யா.நீ.மோ -விலும் )

நெருப்பு /மழை நடனம் ,புறக்கணிக்கும் ஆசிரியர்கள்/மேலாளர்கள்/தகப்பன்மார்களின் வசையில் முண்டம்/முண்டக் கலப்பை (து.இ-தலைவாசல் விஜய்,கா.கொ-டஸ்டர் எறியும் ஆசிரியர்,யா.நீ.மோ ரகுவரன்,7ஜி- விஜயன்,ம.எ.வில் தனுஷ்)வெறித்த கண்களுடன் ஒரு பாடல் /காட்சி,சட்டை அல்லது சுடிதார் டாப்ஸ் மட்டும் போட்டுக் கொண்டு ஒரு காட்சி உறுதி(பாலுமகேந்திரா வினோதினி துவங்கி ரோகிணி,மணிரத்னத்தின் மதுபாலா வரை பயன்படுத்திய உத்தி) ,நாயகனின் நோக்காடு அல்லது நோய்க்காலத்தில் மருந்திடும்/கவனிக்கும் ஒரு காட்சி ,நாயகணைத் தவிர மொத்த உலகமும் வாகனங்களாய் /சாலை மாந்தர்களாய் விரையும் ஒரு ஷாட், கண்டிப்பாய் ஒரு மொட்டைமாடித் துயர நிகழ்வு/புலம்பல் காட்சி ,விஜய குமார், நாகேஷ்,நண்பனின் தகப்பன் என்று கலாச்சாரப் பாலம் கேரக்டர் ஒன்று,
தாடியுடன் கோணல் நடை நடக்கும் மங்கிய நிறத்தில் மட்டும் உடுத்தும் நாயகன் காஸ்ட்யூம்,எழ மறுத்து மீண்டும் போர்த்தும் ஒரு போர்வை , விரல்கள் தீண்டும் பேருந்து காட்சியை மூன்று படங்களோடு விட்டு விட்டது பெரும் மகிழ்ச்சி. நிச்சயமாய் ஒரு அழும் நைட்டித் தங்கை,நாயகன் நாயகி அணுக்கமாக கூடவே இருக்கும் அப்பாவிக் காதலனுடன் ஒரு தியேட்டர் சீக்வன்ஸ் ,நாயகனுக்கு நாயகி கையால் ஒரு அறை,மாதவிடாய் பஞ்சு ,கண்ணாடி நாயகன்....

நீரின் ஆழ‌ம‌றியா த‌க்கை‌யை போல‌வே திரைப்ப‌ட‌ங்க‌ளை பார்க்க‌ ப‌ழ‌கிவிட்ட‌ த‌மிழ்ப் பார்வையாள‌னுக்கு, ச‌ல‌ன‌ம‌ற்ற‌ ந‌தியின் ஆழ‌த்தில் இருக்கும் வேக‌ம் போல‌ இக்க‌தையின் அடிநாத‌மாக‌ இய‌க்குன‌ர் சொல்ல‌ வ‌ந்த‌து புரியும‌ள‌விற்கு பிர‌க்ஞை இருக்க‌ வாய்ப்பில்லை. ஆங்காங்க‌ வ‌ச‌ன‌ம் மூல‌மும், காட்சிக‌ள் மூல‌மும் செல்வ‌ராக‌வ‌ன் சொல்ல‌ வ‌ருவ‌தை எழுதி இப்ப‌திவை நிறைவு செய்கிறேன்.

"அடுத்த‌வ‌ன் ஃபோட்டோவ‌ ஆட்ட‌ய போட்டா த‌ப்பு.அடுத்த‌வ‌ன் பொண்டாட்டியை ஆட்டையை போட‌ நினைச்சாலும் த‌ப்பு. ஆனா அடுத்த‌வ‌ன் ஃபிக‌ரை ஆட்டையை போடுற‌து த‌ப்பேயில்லை"

முத‌ல் பாதி           - ம‌யக்க‌ம்
இர‌ண்டாம் பாதி -  என்ன‌

ப‌ப்லு

9 கருத்துக்குத்து

 

   போர் ந‌ட‌ந்து முடிஞ்ச‌ மாதிரி‌தான் இருக்கும்னு நினைச்சேன். ஆனால் வீடு விக்ர‌ம‌ன் ப‌ட‌ ஷூட்டிங் ந‌ட‌க்கிற‌ மாதிரி‌ க‌ல‌க‌லன்னு‌ இருந்த‌ச்சு. இன்னைக்குத்தானே வ‌ரும்ன்னு சொன்னான் ப‌ப்லு? என்ன‌ ஆச்சுன்னு ச‌ந்தேக‌ம், ர‌ம‌ண‌ன் சொல்லும் புய‌ல் மாதிரி வ‌லுத்துச்சு என‌க்கு. வெடிச்சிருப்புட‌ன் அம்மா ஒரு லெட்ட‌ர் த‌ந்தாங்க‌.

Dear mom,

I am sorry. I got less rank. But dont take my aim by that. I got the results because of not obeying parent’s words. So, I got less rank. From Now on wards, I will obey and study hard and get good marks. First read tamil book Pg.No:49. Then turn next page. You will find the report card.

அடுத்த‌ப் ப‌க்க‌த்தை திருப்பினால் PLAY STATION என்றிருந்த‌து.

2011-11-30 09.40.37

ச‌ரி, முத‌ல்ல‌ த‌மிழ் புக்க‌ பார்க்க‌லாம்ன்னு எடுத்தேன். இதாங்க‌ இருந்துச்சு.

2011-11-24 21.43.32

ப‌ய‌புள்ள‌ அடி வாங்குற‌துல‌ இருந்து த‌ப்பிச்ச‌து ம‌ட்டுமில்லாம‌ எல்லோரும் சூப்ப‌ர்டான்னு சொல்ற‌ மாதிரி சீன‌ மாத்திட்டான். மொக்கை க‌தைக்கு செம‌ ஸ்க்ரீன்ப்ளே எழுதி எஸ் ஆயிட்டான் ப‌ப்லு.

_________________

ப‌ப்லு யாரென‌ கேட்ப‌வ‌ர்க‌ளுக்கு.. அக்கா பைய‌ன். அக்கா எப்ப‌டி பைய‌னா இருக்க‌ முடியும்ன்னு எல்லாம் யோசிக்காதீங்க‌. இந்த‌ ஜோக்க‌(?) நான் 2009லே அடிச்சிட்டேன்.

ப‌ப்லுவின் ஊருக்கு போயிருந்த‌ப்ப‌ எல்லோரும் நீங்க‌தான் கார்க்கியான்னு கேட்டாங்க. ச‌ரி,ப‌ப்லு ந‌ம்மள‌ ப‌த்தி பெருமையா சொல்லியிருக்கான் போல‌ன்னு நினைச்சேன். வீட்டு ஹாலில் கிட்ட‌த்த‌ட்ட‌ 20 பேர் இருந்த‌ப்ப‌ ப‌ப்லு இழுத்துட்டு போய் "நான் சொன்னேன் இல்லை. கார்க்கி மாமா . இவ‌ன் தான்"னு சொன்னான். ச‌ந்தோஷ‌மா சிரிக்க‌ நினைச்ச‌ப்ப‌ ப‌ப்லு அடுத்த‌ ட‌ய‌லாக்க‌ சொன்னான் "டேய் மாமா. உன் மொக்கைல‌ 2 சொல்லுடா. இவ‌ங்க‌ எல்லாம் ஜோக் சொல்றேன்னு க‌டுப்பேத்துறாங்க‌" .

கிர்ர்ர்ர்ர்ர்ர்ர்ர்

_________________

ச‌ரி.இப்ப எதுக்கு ப‌ப்லு புராண‌ம்ன்னா நேத்து ப‌ய‌புள்ளைக்கு ப‌ர்த்டே. ஃபோட்டோ கேக் எல்லாம் ஆர்ட‌ர் ப‌ண்ணி ந‌ல்லா போச்சு. ட‌புள் ச்சீஸ் ப‌ர்ஸ்ட் போய், ட்ரிபிள் ச்சீஸ் ப‌ர்ஸ்ட்டா வ‌ந்துடுச்சாம் டொமினாஸ்ல‌. அதையும் ஃபுல்லா க‌ட்டியாச்சு. இதெல்லாம் போஸ்ட்ல‌ போட‌லைன்னா கொண்டேபுடுவேன்னு மிர‌ட்டினான். அதான்.. என்ன‌, இப்ப‌ முத‌ல் மேட்ட‌ர‌ ஏன்டா போட்டேன்னு அடிப்பான்.. இதெல்லாம் பார்த்தா தொழில் ப‌ண்ண‌ முடியுமா பாஸ்?

babloo B'day

Nov 29, 2011

கேப்டனின் கோவம்

12 கருத்துக்குத்து

 

கேப்டன் அம்மாவைப் பார்த்து why this kolaiveri என்று பாடுவதாக போன வாரமே எழுதி, பாடி ரெக்கார்ட் செய்து வைத்திருந்தேன். வார இறுதியில் கேப்டனின் சாகச நடனங்களை எடிட் செய்து சேர்க்கலாம்னு இருந்தப்ப டமால்ன்னு ஒரு வேலை வந்து ஊருக்கு போயாச்சு. இனியும் ஆறப்போட்டால் வேஸ்ட் ஆகிடும்ன்னு முடிஞ்சவரைக்கும் எடிட் செய்து போட்டேன்..

கோச்சிக்காம பாருங்க. இன்னும் பெட்டரா பண்ணியிருக்கலாம்ன்னு எனக்கே தெரியும்.

 

Nov 23, 2011

ஏழுவின் அறிவு

10 கருத்துக்குத்து

 

அடுத்த குறும்படம். மெர்சில் ஆவாதீங்க.. இது டிரெயிலர் தான்.. படம் இன்னொரு ஷெட்யூல் பாக்கி இருக்கு. 20 நிமிட படமா வரும்.மத்த படங்கள விட அதிக நேரம், பாத்திரங்கள், லொகேஷன்ஸ்னு ஆயிருக்கு. அதனால் அவசரப்படாம பொறுமையாதான் எடுக்கிறோம்.

இந்தப் படம் Hangoverன் தழுவல், உருவல்ன்னு எப்படி வேணும்னாலும் சொல்லலாம். இதனோட டீசர்ல சொன்ன மாதிரி இது “A bee beaten copy of Hangover” இல்லை. 4 பசங்க ஒரு நைட்டு தண்ணியடிச்சிட்டு பிரச்சினைல மாட்டிக்கிறாங்க. அங்க என்ன நடக்குதுன்றதுதான் கதை.

அந்த 30 விநாடி டீசரை இங்கே பார்க்கலாம்.

படம் வெளியாக ஒரு மாதம் மேலே ஆகலாம். பொறுத்துக்கோங்க. அல்லது நல்லதுடான்னு நினைச்சுக்கோங்க.

Nov 22, 2011

மாமா.குறிப்பெடுத்துக்கோ. அப்படியே குழாய் எடுத்துக்கோ

9 கருத்துக்குத்து

 

நேத்துதான் இதேப் பாட்ட கேப்டன் பாடுற மாதிரி எழுதினேன். உடனே இன்னொரு வெர்ஷன் எழுதினால் போரடிக்கும்னு தெரியும். இருந்தாலும் எழுதியத பதிவு செஞ்சு வைக்கணும் இல்லையா? அதான்.. இந்த தடவ ராமதாஸ். அதாங்க. பாட்டு ஃபுல்லா இங்குலிஷுல இருக்கு இல்லையா? அத கண்டிச்சு இதே மெட்டுல,இதே அர்த்தத்த தமிழிலும் சொல்ல முடியும் காட்றதுக்காக பாடுறாரு. கேட்கலாமா?

________________________

டேய் பசங்களா!!.. நான் பாட்டு பாடுறேன் (yo boys i am singing song)
சோக்கு பாட்டு.. (soup song)
மொக்க பாட்டு.. (flop song)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

தாளம் சரியா? (rhythm correct)

ஏனிந்த கொலைவெறி கொலைவெறி கொலைவெறிடி (why this kolaveri kolaveri kolaveri di)
ஆங்.. இத புடிச்சிக்கோ (maintain this)

ஏனிந்த கொலைவெறி கொலைவெறி கொலைவெறிடி (why this kolaveri..di)

தூரத்துல நிலவு நிலவு (distance la moon-u moon-u)
நிலவு நிறம்தான் வெள்ளை (moon-u  color-u  white-u)
வெள்ளை பின்னாடி இரவு இரவு (white background night-u nigth-u)
இரவு வந்தால் தொல்லை. (night-u color-u black-u)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

வெள்ளைத் தோலு பொண்ணு பொண்ணு (white skin-u girl-u girl-u)
பொண்ணு மனசு கருப்பு (girl-u heart-u black-u)
ஒண்ணா பார்த்துச்சு கண்ணு கண்ணு (eyes-u eyes-u meet-u meet-u)
இனிமேல் வாழ்க்கை வெறுப்பு (my future dark)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

மாமா குறிப்பெடுத்துக்கோ.. (maama notes eduthuko)
அப்படியே கைல குழாய் எடுத்துக்கோ (apdiye kaila sax eduthuko)

பப்பப்பான்..பப்பப்பான் ..பப்பாபான் பப்பபா..pa pa paan pa pa paan pa pa paa pa pa paan
சரியா வாசி (sariya vaasi)

கலக்கல் மாமா.. (super maama )
சொல்லு 1..2..3..4. (ready 1 2 3 4)
என்னம்மா மாத்திட்டடா மாமா (whaa wat a change over maama)
சரி மாமா.. மெட்ட மாத்துவோம் (ok maama now tune change-u)

கைல டம்ப்ளர் (kaila glass)
ஒ.. தமிழ் மட்டும்தான் இல்ல (only english..)

கைல டபரா..அதுல வோட்கா  (hand la glass..glass la scotch)
கண்ணீர் கண்ணு முழுக்க  (eyes-u full-aa tear-u)

காலி வாழ்க்கை..கன்னி வந்தா (empty life-u.. girl-u come-u)
தல ஆகிடும்டா வழுக்க (life reverse gear-u)

காதல் காதல்.. எந்தன் காதல் (lovvu lovvu ..oh my lovvu)
ஆயிப்போச்சு கந்தல் (you showed me bouv-u)
மாடு மாடு.. சாமி மாடு (cow-u cow-u holi cow-u)
இப்ப கேட்கணும்டா பாடு (i want u hear now-u)

செத்துப்போறேன் சாமி நானு (god i m dying now-u)
அவ வாழ்க்கை மட்டும் தேனு (she is happy how-u)
இந்தப் பாட்ட பசங்கலாம் கேளு (this song for soup boys-u)
காதல் நமக்கு தேளு (we dont have choice-u)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

ஒய் திஸ் கொலைவெறி by கேப்ட‌ன்

13 கருத்துக்குத்து

 

  எல்லோரும் இந்நேர‌ம் ஒய் திஸ் கொலைவெறி பாட‌ல‌ கேட்டு ம‌ஜாவ‌ இருப்பிங்க‌. சில‌ பேரு நிஜ‌மாவே கொலைவெறி ஆயிருப்பீங்க‌. பாட்டு செம‌ ஹிட்டுன்ற‌து ம‌ட்டும் ம‌றுக்க‌வே முடியாது. இப்ப‌ நான் என்ன‌ சொல்றேனா, இதே பாட்ட‌ ந‌ம்ம‌ கேப்ட‌ன் அம்மாவ‌ பார்த்து பாடினா எப்ப‌டி இருக்கும்? அம்மா செய்ற‌ லுச்சாத்த‌ன‌த்த‌ பார்த்து க‌டுப்பாகி ச‌ர‌க்கு வுட்டுக்கிட்ட‌ கேப்ட‌ன் பாடுற மாதிரி கீழ‌ இருக்கிற‌த‌ ப‌டிங்க‌. அதே கொலைவெறி மெட்டுதான்.

யாராச்சும் புண்ணிய‌வான் இத‌ பாடி ரெக்கார்ட் ப‌ன்ணி அனுப்பினா அதையும் ப‌திவுல‌ சேர்த்திட‌லாம். ஜூட்

 

 

Hello ajoks.. I am jinging Song..
Soup Song.. Flop Song..

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?
Why This Kolaveri? Dee..

Ruling party motheru motheru
Motheru colouru white’tu
White'tu heart worst’tu worst’tu
worst’tu CM waste’u

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?

Mother’u changing aalu aalu
what is her goal’lu?
I was like a shark’ku shark’ku
Now’wu Future Dark'ku..

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?

Mama, sarakku Eduthuko..
Apdiye Kaila murukku Eduthuko..
Papapa Papapapa Papapa Pa Pa..
Šeriya Vaasi..
Šuper Mama Ready.. Ready 1 2 3 4..
What A Change Over Mama
Nøw Tune Change'ju..

Paalu price'su.. Only Ènglish'sa..

Milk price’su.. Goes’u high
people spill’u Tear'ru

thatha went’u Motheru come’mu
Life'fu Reverse'su Gear'ru

Bus’su Bus’su Oh ! my Bus’su
ur ticket cost’tu sucks’su
Book’ku book’ku reading book’ku
you dont have luck’ku

All price’su hike’u hike’u
People dont like’u
My shoes’vu nike’u nike’u
My hairu stylu spike’u

Why This Kølaveri Kølaveri Kølaveri Dee
Why This Kølaveri Kølaveri Kølaveri Dee
Why This Kølaveri Kølaveri Kølaveri Dee
Why This Kølaveri Kølaveri Kølaveri Dee

Nov 20, 2011

வண்டை வீட்டுக்காரன்

12 கருத்துக்குத்து

 

முதல் முறையாக புட்டிக்கதைகள் படிப்பவர்கள் ஒரு அறிமுகத்திற்கு இங்கே செல்லலாம்

_________________________________

ஏழுவுக்கு ஒரு கெட்டப்பழக்கம் உண்டு. அதீத போதையேறினால் கெட்ட வார்த்தை கோவை சரளாவாக பேசுவான் அல்லது சரளமாக பேசுவான். காது கொடுத்து கேட்க முடியாது. அதற்காக கண், மூக்கு கொண்டு கேட்கவா இயலும்? அதனால் அவன் பேசுவதை கேட்கவே முடியாது என பொருள் கொள்வோம். இவன் இப்படி வண்டை வண்டையாக பேசுவதை கேட்டு இவன் பக்கத்து வீட்டுக்காரர்கள் எல்லாம் இவனை அண்டை வீட்டுக்காரன் என்று சொல்லாமல் வண்டை வீட்டுக்காரன் என்று சொல்லுமளவிற்கு அவன் புகழ் குன்றின் மேலிட்ட CFL லைட்டாக இருந்தது.

முன்பெல்லாம் ஏழு நல்ல பையனாகத்தான் இருந்தான். முன்பு என்றால் எங்கள் கல்லூரியில் சேர்வதற்கு முன்னால். ராகிங்கின்போது சீனியர்ஸ் இன்னொருவனை பச்சை பச்சையாக திட்ட சொன்னபோது   “போடா கோவக்காய். மூஞ்சப்பாரு வெண்டைக்காய்” என்றுதான் திட்டினான் என்றால் பார்த்துக் கொள்ளுங்களேன். அப்போது நடந்ததை இப்போது உங்களால் பார்க்க முடியாதென்பதால் தெரிந்துக் கொள்ளுங்களேன். அப்படி இருந்தவனை மாற்றிய பெருமை மல்லுவுக்கே உண்டு. அது யாரந்த மல்லு என்கிறீர்களா? முழு பீரையடித்தால் மல்லையா என்று சொல்லியிருப்பேன். ஏழு எப்போதும் அரை பீரென்பதால் மல்லையா மல்லுவாகி போனார்.

கல்லூரியில் யாரையாவது அடிக்க வேண்டுமென்றால் அடியாட்களாக சிலருக்கு சரக்கும், சிக்கன் பிரியாணியும் வாங்கித் தந்து அழைத்து செல்வது வழக்கம். ஆனால் யாரையாவது திட்ட வேண்டுமென்றால் ஏழுவைத்தான் நாடுவார்கள். அவர்கள் இவனை நாட, இவன் இன்னொருவனை சாட, அதை கேட்டவன் ஓட, ஏழு ஓடியவனை தேட.. இப்படி ஒரே டடடடடட தான். வட்டிக்கு விட்டு பிழைப்பதுதான் தவறு. திட்டி திட்டி பிழைப்பதில் என்ன தவறென்பது ஏழுவின் வாதம். சில நேரங்களில் அவன் திட்டியது திட்டு வாங்கியவனுக்கு புரியாது என்பதால் அர்த்தம் சொல்லித் திட்டுவது ஏழுவின் ஸ்பெஷாலிட்டி. அவ்வாறு அர்த்தமும் சொல்லி திட்ட வேண்டுமென்றால் பீருக்கு மிக்ஸிங்கிற்கு தண்ணீருக்கு பதிலாக கோக் வாங்கி தரவேண்டுமென்பது அவனது விலைப்பட்டியலில் அடக்கம்.

ஏழுவிடம் இருக்கும் இன்னொரு கெட்டப்பழக்கம். யாராவது Lager beer வாங்கித் தந்து திட்ட சொல்லும்போது, எதிரணிக்காரன் Imported beer வாங்கித் தருவானென்றால் இவனது கிளையண்ட்டையே திட்டிவிடுவான். தொழில் பக்தி சிறுதேனும் வேண்டுமே என்ற எண்ணமே அவனுக்கு கிடையாது. இப்படித்தான் ஒரு நாள் ரமேஷ் என்பவன் ஏழுவை பாருக்கு அழைத்து சென்றான். உண்மையான உலகம் பாரில் தான் இருக்கு என்பது ஏழுவின் சித்தாந்தங்களுள் ஒன்று. எனவே பார் என்பது ஆங்கிலம் அல்ல. தமிழ்தான். பார் என்றால் உலகம் என்றுதானே அர்த்தமென கதாகலாட்சேபம் வேறு செய்வான். பின் அதே வாயால்தான் Go Green Projectஐயும் தொடங்குவான். நாம் நம்ம ரமேஷ் கதைக்கு வருவோம்.

அவனுக்கு கடன் கொடுத்த யாரோ ஃபோனில் அழைத்து தொல்லை தருவதால் அவரைத் திட்ட வெண்டுமென அசைன்மெண்ட் தந்தான். 4 நிமிடம் திட்டுவதற்கு ஒரு மினி கிங் ஃபிஷரும், அர்த்தமெல்லாம் வேண்டாமென்பதால் வாட்டர் பாக்கெட் கூலிங் இல்லாமலும், சின்னிஸ் ஊறுகாயும், ஓட்டடை ரெண்டும் பேரம் பேசப்பட்டது. பாரில் இருக்கும் போதே ரமேஷுக்கு ஃபோன் வந்தது. முதல் கால் வந்த போது அமைதியாக இருந்த ஏழு லைன் கட்டாகிவிட்டதென்றான்.ரமேஷ் அடுத்த முறை ஸ்பீக்கரில் போட்டு பேசு என்றதற்கு ஒரு ஆஃப்பாயில் எக்ஸ்ட்ராகவாக சார்ஜ் செய்துவிட்டு கால் வந்தபோது ஸ்பீக்கரில் போட்டான் ஏழு.

ஹலோ..ரமேஷ்.

ரமேஷா? அப்படி எந்த ******தியும் இங்க இல்லை.

அப்புறம் நடந்த சம்பாஷனைகளை பதிவேற்ற இது சாருஆன்லைன்.காம் இல்லையென்பதால்..

சுபம்.

Nov 18, 2011

பாஸ் பாஸ்.. சின்ன‌ப்ப‌ பாஸ் பாஸ்

12 கருத்துக்குத்து

 

ம‌னைவி அமைவ‌தெல்லாம் இறைவ‌ன் கொடுத்த‌ வ‌ர‌ம்னு சொல்வாங்க‌. ந‌ம்ம‌ள‌ மாதிரி மாத‌ச் ச‌ம்ப‌ள‌த்துக்கார‌ங்க‌ளுக்கு எல்லாம் பாஸ் அமைவ‌து சாத்தான் த‌ந்த‌ சாப‌ம்னு தான் சொல்ல‌ணும். என்ன‌தான் ஒழுங்கா வேலை செய்தாலும் தின‌ம் ஒரு தட‌வையாச்சும் ந‌ம்ம‌ பாஸ் ந‌‌ம்மள‌ கடிக்காம‌ இருக்க மாட்டாரு. அதுக்குன்னு பாஸ‌ ந‌ம்ம‌ கைக்குள்ள‌ போட்டுக்கிட்டா அவ‌ர் வேலையையும் சேர்த்து ந‌ம்ம‌ள‌ செய்ய‌ வ‌ச்சிடுவாரு. ம‌த்த‌ள‌த்துக்கு ரெண்டு ப‌க்க‌மும் அடின்ற‌ மாதிரி ஏதாவது ஒரு வ‌கையில் நாம‌ எல்லோருமே "பாஸ்வ‌தைக்கு" ஆளாயிட்டுதான் இருக்கோம். வ‌ல்ல‌வ‌னுக்கு வ‌ல்ல‌வ‌ன் பூமியில் ம‌ட்டுமில்ல‌, ஆஃபிஸ்ல‌யும் இருப்பாரு. அத‌னால‌ ந‌ம்ம‌ பாஸின் பாஸும் இப்ப‌டித்தானா என்ற‌ ச‌ந்தேக‌ம் என‌க்கு அடிக்க‌டி வ‌ரும். ஆனா எப்ப‌டி இருந்தாலும் பாஸ் என்ப‌வ‌ர் பாஸ்தான் என்ற‌ த‌ர்க்க‌த்தில் என‌க்கு முழு ந‌ம்பிக்கை உண்டு.

ச‌ரி. எங்க‌ பாஸ் என்ன‌வெல்லாம் ப‌ண்ணியிருக்காருன்னு சொல்றேன். ஒரு க‌ம்பெனிக்கு அக்ரீமென்ட் அனுப்ப‌ணும். Terms எல்லாம் மாத்தி நானும் ப‌க்காவா அவ‌ருக்கு மெயில் அனுப்பி ஓக்கே வாங்கிட்டேன். அப்புற‌மா ரெண்டு காப்பி பிரின்ட் அவுட் எடுத்துட்டு கையெழுத்து வாங்க‌ போனா, ம‌னுஷ‌ன் ம‌றுப‌டியும் எல்லாத்தையும் செக் ப‌ண்ணாரு. அட‌ங்கொய்யால‌!! இவ்ளோ உஷாரா இவ‌ருன்னு எங்க‌ பாஸ நானும் பெருமையா நினைச்ச‌ த‌ருண‌ம‌து. வ‌ச்சாரு பாருங்க‌ ஆப்பு. அதுல‌ கையெழுத்துப் போட்டு ரெண்டாவ‌து காப்பியையும் அதே மாதிரி செக் ப‌ண்ணாரு. இவ‌ரெல்லாம் plain A4 sheet இல்லைன்னு சொன்னா ஒரு பேப்ப‌ர‌ கொடுத்து இத‌ 4 ஜெராக்ஸ் போடுங்க‌ன்னு சொல்ற‌ ஆளுன்னு நிரூபிச்சிட்டாரு.

இதுல‌ இன்னும் தினுசான‌ பாஸூங்க‌ இருப்பாங்க‌. லேப்டாப்ப‌ ப்ரீஃப்கேஸ்ல‌‌ வ‌ச்சு எடுத்துட்டு வ‌ருவாங்க‌. ஏதாச்சும் மெயில் அனுப்பினா, அத‌ பிரின்ட் அவுட் எடுத்துத்தான் ப‌டிப்பாங்க‌. அட‌ இதை விட‌ கொடுமை என்ன‌ன்னா, நாம‌ ஏதாச்சும் SMS அனுப்பினா அவ‌ங்க‌ளுக்கு ஃபோன் ப‌ண்ணி அனுப்பியிருக்கேன்னு சொல்ல‌ணுமாம். அட‌ நிஜ‌மா ந‌ட‌ந்துச்சுங்க‌. ஒரு நாள் என‌க்கு உட‌ம்பு ச‌ரியில்லைன்னு அரை நாள்..அரையே நாளு லீவுன்னு SMS அனுப்பினேன். 10.30 ம‌ணிக்கு ஃபோன் வ‌ந்துச்சு..SMS அனுப்பியிருந்தேனே த‌ல‌ன்னு சொன்னா "இனிமேல‌ SMS ப‌ண்ணா ஒரு ஃபோன் ப‌ன்ணி சொல்லிடுங்க‌. க‌ரெக்டா பார்த்துடுவேன்னு" சொன்னாரு. இதோ வ‌ந்துட்டேன்னு 10.45க்கே ஆஃபிஸ்க்கு போயிட்டேன் அன்னைக்கு.

எல்லாத்துக்கும் மேல‌ அப்ரைச‌ல் டைம்ல‌தான் இந்த‌ வியாதி பீக்ல‌ இருக்கும். வாடா ம‌ச்சின்ற‌ ரேஞ்சுக்கு ப‌ழ‌கின‌ ஆளு அப்ப‌தான் ந‌ம்ம‌ள‌ க‌சாப் ரேஞ்சுக்கு பார்ப்பாரு. நாம‌ ஒரு அப்பா ட‌க்க‌ரு. க‌ம்பெனி ந‌ம்ம‌க்கிட்ட‌ இன்னும் நிறைய‌ எதிர்பார்க்குதுன்னு சீனா போடுவாரு. என்னை விட‌ க‌ம்பெனி பெரிய‌ அப்ப‌ப்பா ட‌க்க‌ரு. கொஞ்ச‌ம் ச‌ம்ப‌ள‌த்த‌ ஏத்துக்குன்னு சொன்னா கொடுப்பாரு பாருங்க‌ லுக். மேட்டுக்குடில‌ க‌வுன்ட‌ம‌ணி விட்ட‌ ரொமான்ட்டிக் லுக் எல்லாம் தோத்து போயிடும்.  ஆனா ஒண்ணுங்க‌.. இந்த‌ மாதிரி பாஸூக்கு எல்லாம் வீட்டுல‌ ஒரு பாஸு இருப்பாங்க‌. அத‌ நினைச்சு நாம‌ ச‌ந்தோஷ‌ப்ப‌ட்டுக்க‌ வேண்டிய‌துதான். இப்ப‌ என் க‌டுப்பு எல்லாம் நான் எப்போ பாஸ் ஆவ‌ற‌து, என‌க்கு எப்போ  வீட்டுல‌ பாஸு வ‌ர்ற‌து!!!!!

Nov 17, 2011

என் lord & god

10 கருத்துக்குத்து

 

தோழிக்கு தற்புகழ்ச்சி அதிகமாகிவிட்டது.. இன்று நிலா செமயா இருக்கில்லை என்கிறாள் அலைபேசியில்

_________________________________________________________________________________

ட்வீட்ட ஃபேவரிட் செய்ய , ஃபேஸ்புக் ஸ்டேட்டஸ லைக் எல்லாம் பண்ன வேண்டாம். உன்னையே ஃபேவரிட், லைக் பண்ண எதுல வழி இருக்கு என்கிறாள் தோழி

_________________________________________________________________________________

நண்பர்கள் எல்லோரும் தீபாவ‌ளி ஸ்வீட் கொண்டு வ‌ந்தார்க‌ள்.என் ஸ்வீட் ம‌ட்டும் க‌ண்ணுல‌ தீபாவ‌ளியை கொண்டு வ‌ந்திருக்கிறாள்

_________________________________________________________________________________

காட்டன் புடவைகளை தோழி கட்டிவிட்டு கழட்டினால் காஞ்சிபுரம் பட்டாக மாறுகிறதாம். ஆய்வாளர்கள் தகவல்

_________________________________________________________________________________

அலுவலகத்தில் Ethinic day வாம். தோழியைத்தான் வேட்டிக் கட்டிவிட சொல்லியிருக்கிறேன். பதிலுக்கு என்றாவது புடவைக்கட்டி விடலாமே என்ற நப்பாசைதான். _________________________________________________________________________________

ரெண்டில் ஒண்ணு பார்க்கும் வ‌ரைக்கும்.. அட‌ ரெண்டு க‌ண்ணில் இல்லை உற‌க்க‌ம் என்றேன்.. #நீ கெட்டு போய்ட்டடா கார்க்கி என்கிறாள் தோழி.

_________________________________________________________________________________

நிலா காதலிக்கும் போது கர்வா சவுத் கொண்டாட ஆசைப்பட்டால் தோழியைப் பார்க்க என் வீட்டிற்குத்தான் வந்தாகணும்

_________________________________________________________________________________

காதல் வந்தா கன்னம் பன்னு மாதிரியாகி, மூஞ்சுல தேஜஸ் வருமா என்ற தோழியிடம் உனக்கு அப்படியாகலையே என்றேன். “உன்னை சொன்னேன்” என்று சிரிக்கிறாள்

_________________________________________________________________________________

சைனா புராடக்ட் தான் மட்டம். உங்க நைனா புராடக்ட் சூப்பர் என்றேன் தோழியிடம். புரியாமல் என்னடா சொல்ற என்கிறாள்.

_________________________________________________________________________________

நான் மட்டும் வக்கீல் ஆயிருந்தா “Oh! My thozi” என்றுதான் வாதத்தை தொடங்குவேன். என் லார்டு, god எல்லாமே அவதான்.

Nov 16, 2011

கார்க்கியும் அவனது ஏழு காதல்களும்

16 கருத்துக்குத்து

 

   விசில் என்று ஒரு படம் வந்தது. பென்ட்டாமீடியாவின் தயாரிப்பு என்பதால் சுஜாதாவின் பங்கும் இருந்தது. விதியே என்று அவரும் கற்றதும் பெற்ற‌துமில் பாராட்டி நாலு வரிகள் எழுதினார். படம் ஊத்திக் கொண்டாலும் பாடல்கள் ஹிட். அந்தப் படத்தில் ஒரு பாடலின் சரணம்தான் இது

 

எல்லோர் வாழ்விலும் நண்பா
ஏழு காதல்கள் உண்டு..
பள்ளிப் பருவத்தில் ஒன்று
காலேஜ் காம்பவுண்டில் ஒன்று
அட அடுத்த வீட்டுப் பொண்ணு
தெளிச்சு கோலம் போட்டு
வெறிச்சுப் பார்க்கையில ஒன்று
ரயில் சினேகம் போலவே வரும் ஒன்று
தங்கை திருமணக் கூட்டத்தில் வரும் ஒன்று
மணம் முடிக்கும் பெண்ணிடத்தில் வரும் ஒன்று..
இன்னொன்று.."

இது அப்ப‌டியே என‌க்கு ஒத்துப் போகுதுங்க‌. இனி ஓவ்வொரு வ‌ரியா கொசு வ‌த்தி சுத்த‌லாமா?

alotofgirls

(1,2,3,4,5,6,7… ரைட்டு. சரியா ஏழு பேர் இருக்காங்க)

1) ப‌த்தாம் வ‌குப்பு பொதுத் தேர்வு நேர‌ம்.  எங்க‌ டியூஷ‌ன் மாஸ்ட‌ர் அவ‌ர் வீட்டின் முத‌ல் த‌ள‌த்தை எங்க‌ளுக்காக‌ கொடுத்துவிட்டார். அதுதான் அவ‌ர் டியூஷ‌ன் எடுக்கும் இட‌மென்றாலும் எங்க‌ள் நான்கு பேருக்கு 24 மணி நேர‌‌மும் சிற‌ப்பு அனும‌தி . அவ‌ள் பெய‌ர் ம‌துமிதா. முன்ன‌ரே தெரியும் என்றாலும் தாம‌த‌மாக‌த்தான் என் ம‌ன‌தை திருடினாள். இன்ன‌மும் நினைவிருக்கிற‌து அவ‌ளின் முக‌ம். பின் புத்தக‌த்தில் ”மதுமிதாய நமஹ“ எழுதி வைத்து அண்ண‌னிட‌ம் மாட்டிக் கொண்டு "ச்சும்மா ஃப்ரெண்ட்ஸ் விளையாட‌றாங்க‌டா" என்று ச‌மாதான‌ப்ப‌டுத்தி எஸ்கேப்பினேன். உண்மையில் அழ‌கி அவ‌ள். ம‌துமிதாஆஆஆஆஆஆ

2) பத்தாவது முடித்தவுடனே டிப்ளோமா சேர்ந்து விட்டேன்.(ஓ அப்பதான் எல்லோரும் சேருவாங்கில்ல) முதல் நாள் அவள் வரவில்லை. இரண்டாம் நாள் அவள் உள்ளே நுழைகையில் சரியாக என் தலையில் மோதினாள். (தலயோட மோதினாளானு அஜித் ஃபேன்ஸ் மறுபடியும் நெகடிவ் ஓட்டு குத்தாதீங்கப்பா) சினிமாவில் வருவது போல தேவதைகள் கும்மியடிக்க, அலை அப்படியே அந்தரத்தில் நிற்க, பறவைகள் ஸ்தம்பித்தன, அவள் சாரி என்று சொல்லும்வரை. அவள் சொன்னபின் அவையாவும் இன்னும் வேகமெடுத்தன. மூன்றாண்டுகள் வேறு எந்த அழகியையும் பார்த்து மயங்காமல் பார்த்துக் கொண்டாள். பேர சொல்லலையா? அனிதாஆஆஆஆ

3) கோலம் போட்டு வெறிச்சு பார்த்தவ முகம் மறந்துப் போய் விட்டது. பெருசா ஒன்னும் அழகு இல்ல. ஆனாலும் புடிச்சிருந்தது. பேரு மட்டும் நியாபகமிருக்கு. ஜெயாஆஆஆஆ

4) ரயில் சினேகம் போலவே. கல்லூரி முடிந்து நண்பர்களுடன் குற்றாலம் வரை சென்றோம். அப்போதுதான் அவளைப் பார்த்தேன். நல்லா பேசினா. பார்த்தவுடனே கவரும் விதத்திலா நாமிருக்கிறோம்? பேசித்தான் கரெக்ட் செய்யனும். இறங்கும்போது சொன்னாள். "உன் கண்ணும் பேச்சும் பொண்ணுங்களுக்கு ரொம்ப புடிக்கும்னு.” (நோட் பண்ணிட்டீங்களா?) அப்ப எல்லாம் மொபைல் கிடையாது.(என்கிட்டப்பா) டாடா காட்டி சென்றாள் திவ்யாஆஆஆஆ

5) தங்கை திருமண கூட்டத்தில் அல்ல. ஆனால் ஒரு திருமண நிகழ்ச்சியில்தான் பார்த்தேன். மணபெண்ணின் தங்கை. ஆனால் மொத்த கூட்டமும் அவளைத்தான் பார்த்தது. ஒருவேளை அவள் என் மனதை கொள்ளையடித்தது ஊருக்கு தெரிந்து விட்டதோனு கவிதை வேறு. தூரத்து சொந்தம்தான். மறுநாள் அலுவலக நண்பர்களை கவிதை சொல்லி கடுப்படிக்க, அப்படி யாருடான்னு எல்லோரும் கிளம்ப, அவள் வீட்டு பெல்லை அடித்து ”டாக்டர் மணிமாறன் வீடு இதுதானானு நண்பன் கேட்க, அவளும் அடுத்த தெருன்னு வழிகாட்ட,(உங்க ஊருலயும் மணிமாறன்னு ஒரு டாக்டர் இருப்பாரே!!) அவன் வழியை விட்டு அவள் விழியிலே சொக்கி போக, வந்து நல்லா வாங்கினான் என்னிடம். அந்த நாள்முதல் இரண்டு மாதம் கம்யா கோயான்னு அரைகுறை இங்கிலீஷ் பேசவில்லை. வாய தொறந்தா வித்யாஆஆஆஆஆ

6) மணம் முடிக்கும் பெண் இன்னும் யாரென்று தெரியாததால் அதை பற்றி அப்புறமா பேசுவோமா?

7) இன்னொன்று. வேணாங்க. சொன்னா கேளுங்க. அட நான் தண்ணியடிக்க கூடாதுனு முடிவெடுத்திருக்கேன். விட மாட்டிங்களா? புரிஞ்சுக்கோங்க. அடம் பிடிக்காதீங்க.  வேணும்ன்னா பேரு மட்டும் சொல்றேன் கம்லாஆஆஆஆஆ.

___________________________

அப்புறம் எல்லா பொண்ணுங்க பேரும் ’ஆ’ ல முடியுது பார்த்திங்களா? அவங்க ஆச்சரியமானவங்கனு காதல் இளவரசர்கள் நினைச்சுக்கலாம். இல்லைன்னா கடைசில அவங்கள பார்த்து பயந்துதான் ஆகனும்னு நினைச்சுக்கலாம்.

மறுபடியும் அந்தப் பாடலைக் கேட்டேன். எழுதியவன் மேல் கோபம் கோபமாக வந்தது. ஏன் தெரியுமா?

எல்லோர் வாழ்விலும் நண்பா
பத்து காதல்கள் உண்டுனு

எழுதினாலும் tune செட்டாகுதில்ல. ஏன் ஏழோட நிறுத்திட்டான்?

பிகு: "ஒண்ணு தெரிது கார்க்கி. ஆக‌ உன் லைஃபுல‌ எல்லா ல‌வ்வும் முடிஞ்சுடுச்சுன்னு" யாராச்சும் க‌மென்ட் போட்டா, சாரு நிவேதிதாக்கிட்ட‌ சொல்லி ஏவ‌ல் விட்டுடுவேன்.

Nov 14, 2011

என்னடா கார்க்கி குண்டாயிட்ட?

23 கருத்துக்குத்து

 

முன்னாடி எல்லாம் யாராச்சும் என்ன பார்த்தா “இளைச்சிட்டியேடா கண்ணு”ன்னு தான் கேட்பாங்க. 4 கிலோ ஏறியிருந்தாலும் அதே டயலாக்தான். ஆனா இப்ப எல்லாம் கஷ்டப்பட்டு ஜிம், டயட்ன்னு 750 கிராம் குறைச்சிட்டு போனா ஊதிட்டே போறியே மச்சின்னு உளர்றானுங்க. அட இது கூட பரவாயில்லை.. போன ஆஃபீஸ்ல ஒரு பொண்ணு “Karki.. You will look awesome if you loose few kgs.”ன்னு சொல்லுச்சு. நானும் செம கடுப்பாகி “அப்படி குறைச்சா நீ என்ன லவ் பண்ணுவியான்னு” கேட்டேன். திருதிருன்னு முழிச்சது.  “நீ குறைக்கலனாலும் லவ் பண்ணுவேண்டா செல்லம்”ன்னு அவ மனசு சொன்னது என் காதுல நல்லா கேட்டுது. ஆனா கஷ்டப்பட்டு கண்ட்ரோல் பண்ணிக்கிட்டு மாட்டேன்னு சொன்னா. அப்புறம் எதுக்கு நான் சாப்பிடாம காயணும்ன்னு சொல்லிட்டு சமோசா சாப்பிட போய்ட்டேன்.

சமோசான்னு சொன்ன உடனே எனக்கு டீக்கடைத்தான் ஞாபகத்துக்கு வருது. நல்ல கலரா, புஸுபுஸுன்னு பங்களா நாய்க்குட்டி மாதிரி இருந்தாலும் உருளைக்கிழங்கு சமோசா எனக்கு அவ்வளவா புடிக்கிறதில்லை. டீக்கடையில் கிடைக்கும் நம்ம ஊரு வெங்காய சமோசாதான் என் சாய்ஸ். அதுவும் ஹைஜீனா இருக்கணும்ன்னு ஒரு பட்டர் பேப்பர் பாக்கெட்டுல குட்டிக்குட்டியா 4,  5 சமோசா போட்டு தருவாங்களே.. அத பிரிக்கிறப்ப பாருங்க.. நாமளே செஞ்ச ராக்கேட்டு சக்ஸஸா போன சந்தோஷம் இருக்கும். காஞ்சு போன பிரெட்டை சாப்பிடற ஆளுங்களுக்கு இதெல்லாம் எங்க தெரியும்?

அது என்னவோ தெரில. நல்லா சாப்பிடறவனுங்கள கண்டாலே இப்பலாம் யாருக்கும் ஆக மாட்டேங்குது. உண்மையா மனசில எந்த தப்பும் இல்லைன்னா யாரா இருந்தாலும் கண்ண பார்த்துதானே பேசுவாங்க? ஆனா என்கிட்ட பேசுற எல்லோரும் என் தொப்பையை பார்த்தே பேசுறாங்க. இவ்ளோ வருஷம் வாழ்ந்தும் கண்ண மட்டும் பார்த்து பேசுற ஒரு உண்மையான நண்பனை கூட நான் சம்பாதிக்கலன்னு நினைக்கும்போது… விடுங்க. இத நினைச்சு கஷ்டப்படுறதுக்கு பதிலா நான் போய் பானி பூரி சாப்பிடுவேன்.

தினம் மதிய சாப்பாடா 3 சப்பாத்தி சாப்பிட சொல்றாரு டாக்டர். ஏற்கனவே போதி தர்மர மறந்துட்டோம்ன்னு செம கோவத்துல இருக்காங்க முருகதாசும், உதயநிதி ஸ்டாலினும்.. இதுல நாம பஞ்சாப் நாட்டு கோதுமைல செஞ்ச சப்பாத்திய சாப்பிட்டா நம்ம ஊர் இட்லிய யார் சாப்பிடுவா? அப்படியே காலப்போக்குல இட்லியை மறந்தே போயிட மாட்டாங்களா? அப்புறம், அரிசி விளைச்சல் குறைஞ்சிடும். தஞ்சை பகுதி மக்கள் எல்லாம் என்ன வேலை செய்வாங்க? நம்ம நாட்டோட பொருளாதாரமே பாதாளத்துல விழுந்திடும். இதெல்லாம் நடக்காம இருக்கணும்ன்னா நான் உடனே இப்போ 4 இட்லி சாப்பிட்டாகணும்.

இட்லின்னு சொல்லும்போதே நாக்குல சாம்பார் ஊறுது. சங்கு சுட்டாலும் வெண்மை தரும்ன்னு சொல்லுவா. அது போல ஆவியில வெந்தாலும் வெண்மையை தந்தருளும் பகவான் ஆச்சே இட்லி. அப்பரம்பொருளை சாம்பார் என்னும் பக்தி வெள்ளத்தில முக்கி, திருநீறு போல நெய்யை விட்டு பின்  நாவில் போட்டுக்கொண்டால்…அடடடடடா.. அதுவல்லவா தெய்வீகம். நம்ம கேபிள் சங்கர் இதைத்தான் ஒவ்வொரு சாப்பாடுக்கடை பதிவிலும் “divine” என்று சொல்கிறார் என்பதை எத்தனை பேரு அறிவார்கள்?? நாம் இட்லிக்கு வருவோம். சூடாக சாப்பிடுவதுதான் இட்லியா? இல்லையில்லை. மறுநாள் காலை மீந்து போன இட்லியை உதிர்த்து உப்புமா செய்வதில் தொடங்கி குஷ்பூ இட்லி,  இட்லி ஃப்ரை வரை காலத்திற்கேற்ப வளர்கிறதே.. அதுதான் இட்லி. இட்லியின் பெருமைக்கு பெருமை சேர்க்கும்வண்ணம், சிங்கம் திரைப்படத்தில் ஒரு பஞ்சாப் சிங் பாடியிருப்பதை குறிப்பிட்டே ஆக வேண்டும். “சட்டினியை விட்டுப்புட்டு இட்டாலியை தொட்டுக்கிட்டேன்” என்கிறார் இந்த பஞ்சாப் நாட்டு பாடகர்.  இட்லி என்பதை நீட்டி இட்டாலி என்ற நாடு வரை கொண்டு சேர்ந்த அந்த தாடிக்காரருக்கு நாம் காலமெல்லாம் வெங்காய சாம்பர் செய்து போட்டால்தான் நன்றிக்கடன் தீரும்.

இட்லி சாப்பிடலாம்டா. ஆனா பூரியெல்லாம் ஆகவே ஆகாது என்போரும் உண்டு. நல்லா யோசிச்சு பாருங்க. தக்குணூண்டு பூரி வச்சிக்கிட்டு, அதுல ஓட்டையை வேற போட்டு சாப்பிடுறதுக்கே junk foodனு பேரு வச்சிக்கிறாங்க. நாம பல நூறு ஆண்டுகளா பெரிய பெரிய பூரி செஞ்சு அதுக்கு மசாலா வேற வச்சு சாப்பிடறோமே.. அந்த பரம்பரைல வந்துட்டு நாம காஞ்சு போன சேண்ட்விச்சும், ஃப்ரூட் சாலடும் சாப்பிடறதா? கடைசியா ஒரு பஞ்ச் சொல்லி முடிச்சிடறேன்.

பேசாம கொயட்டா இருக்கிறவனும், ஒழுங்கா சாப்பிடாம டயட்ல இருக்கிறவனும் தமிழனே இல்லை.

கார்க்கியின் காக்டெயில்

15 கருத்துக்குத்து

 

  யுடான்ஸ் ப‌ற்றி தெரியும்தானே?. ப‌திவ‌ர்க‌ள் கேபிள் ச‌ங்க‌ரும், ஜோச‌ப் பால்ராஜும் இணைந்து தொட‌ங்கியிருக்கும் திர‌ட்டி. வ‌ழ‌க்க‌ம் போல‌ இவ‌ர்க‌ளும் ந‌ட்ச‌த்திர‌ம் ப‌குதி வைத்திருக்கிறார்க‌ள். இந்த‌ வார‌ ந‌ட்ச‌த்திர‌மாக‌ ந‌ம்ம‌ பேரை அறிவித்திருக்கிறார்க‌ள். மீண்டும் தின‌மும் ப‌திவு எழுதும் ப‌ழ‌க்க‌ம் வ‌ர‌ இதை ப‌ய‌ன்ப‌டுத்திக் கொள்ள‌லாம் என்றிருக்கிறேன். உட‌னே ஜோசிய‌ரிட‌ம் ஜாத‌க‌த்தை எடுத்துக் கொண்டு ஓட‌ வேண்டாம். இது சுக்ர‌திசையெல்லாம் இல்லையென்ப‌தை மிக‌வும் தாழ்மையுட‌ன் தெரிவித்துக் கொள்கிறேன். :)

__________________________________________________________________

ப‌ப்லுவின் (அக்காவின் ம‌க‌ன்) தாத்தா இற‌ந்துவிட்டார். ச‌ற்று வ‌ய‌தான‌வ‌ர்தான்.உட‌ல் ந‌ல‌ம் குன்றியும் இருந்த‌த்தால் பொதுவாக‌ ம‌ர‌ண‌ வீடுக‌ளில் காண‌ப்ப‌டும் அழுகுர‌ல்க‌ள் அதிக‌மாக‌ கேட்க‌வில்லை. நான் சென்ற‌போது ப‌ப்லு விளையாடிக் கொண்டுதான் இருந்தான். இறுதி ஊர்வ‌ல‌ம் தொட‌ங்கும் ச‌ம‌ய‌ம் வ‌ந்த‌வ‌ன் தேம்பி தேம்பி அழ‌த் தொட‌ங்கிவிட்டான். அவ‌ன் பேசிய‌தை எல்லாம் கேட்ட‌போது என‌க்கும் ச‌ற்று அழுகை வ‌ந்த‌து உண்மைதான். இடுகாட்டிற்கு நானும் வ‌ருவேன் என்று அட‌ம்பிடிக்க‌, நான் அழைத்துச் சென்றேன். முக‌த்தை போட‌ப் போறேன் க‌டைசியா பார்க்கிற‌வ‌ங்க‌ பார்த்துக்கோங்க‌ என்ற‌ சொன்ன‌போது ப‌ப்லு ம‌ட்டும்தான் பார்த்தான். அவ‌னை தேற்றுவ‌த‌ற்கு இர‌ன்டு ம‌ணி நேர‌மான‌து.இர‌ண்டு ம‌ணி நேர‌மும் அவ‌னுக்கு தாத்தாவை எவ்வ‌ள‌வு பிடிக்குமென்றே சொல்லிக் கொண்டிருந்தான். குழ‌ந்தைக‌ளின் அன்பை புரிந்துக் கொள்ள‌வே முடிவ‌தில்லை. எந்த‌வித‌ பாசாங்குமின்றி இருக்கிரார்க‌ள். அவ‌னுக்கு தாத்தாவை அவ்வ‌ள‌‌வு பிடிக்குமென்ப‌து தாத்தாவிற்கு தெரிந்திருக்காது என்றே நினைக்கிறேன்  ப‌ப்லுக்க‌ளின் அன்பை பெற்ற எல்லா தாத்தாக்க‌ளுக்கும் சொர்க்க‌த்தில் இட‌ம் முன் ப‌திவு செய்ய‌ப்ப‌ட்டிருக்கும். என்ப‌து ம‌ட்டும் திண்ண‌ம்.

____________________________________________________

அடுத்த‌ குறும்ப‌ட‌ம் தொட‌ங்கிவிட்டோம். இம்முறை நானும் ப‌ரிச‌லும் வ‌ச‌ன‌ம், க‌தையை எழுதி இருக்கிறோம். புட்டிக்க‌தைக‌ள் சீரிஸ் தான் என்றாலும் ப‌திவில் வ‌ராத‌ க‌தையொன்றைத்தான் எடுக்க‌விருக்கிறோம். புதிதாய் வாங்கியுள்ள‌ Samsung Galaxy S2தான் கேம‌ரா.  குவாலிட்டியில் அடி பின்னுகிற‌து. Optical zoom இல்லையென்ப‌தை த‌விர‌ வேறு எதையும் குறையாக‌ சொல்ல‌ முடியாது.உங்க‌ளுக்காக‌ இர‌ண்டு ஸ்பெஷ‌ல் வ‌ச‌ன‌ம்

"ஆஃப்பாயில்ல‌ பெப்ப‌ர‌ போட்டு சாப்பிட‌லாம். ஆனா குப்புற‌ப் போட்டு சாப்பிட‌ முடியாது"

"என்ன‌டா ஃபாரின் ச‌ர‌க்கு. இங்கிலாந்துகார‌னுக்கு ந‌ம்ம‌ Bols தான் ஃபாரின் ச‌ர‌க்கு"

உட‌ம்ப‌ ப‌த்திர‌மா பார்த்துக்கோங்க‌. விரைவில் வெளிவ‌ரும்.

pic.twitter.com/iXhSi0DY

_____________________________________________

  இன்று குழ‌ந்தைக‌ள் தின‌ம்.அனுஷ்காவை வாழ்த்த‌லாம் என்று அவ‌ரின் புகைப்ப‌ட‌த்தை தேடும்போதுதான் இன்று ச‌ர்க்க‌ரை நோய் தின‌மும் கூட‌ என்ற‌றிந்தேன். இது த‌ற்செய‌லான‌து என்றால் கூட‌ பொருத்த‌மான‌து என்ற‌ முடிவுக்கே வ‌ர‌ வேண்டியிருக்கிற‌து.  நீங்க‌ளும் என‌க்காக‌ அந்த‌ முடிவையே எடுத்து விடுங்க‌ள்.

Anushka Photos

______________________________________________

ஒரே ப‌திவில் ம‌ர‌ண‌ச்செய்தி, குறும்ப‌ட‌ம், அனுஷ்கா என‌ எல்லாவ‌ற்றையும் வாசிப்ப‌து  நெருட‌லாக‌ இருக்க‌லாம். இப்ப‌டித்தானே ந‌ம் வாழ்க்கையும் இருக்கிற‌து.அலுவ‌ல‌க‌ ந‌ண்ப‌ர் அடிக்க‌டி கூறுவார் "பூமியே அண்ட‌வெளியில் ஒரு சின்ன‌ பார்ட். அப்புற‌ம், இந்த‌ உல‌க‌ம் ல‌ட்ச‌க்க‌ண‌க்கான‌ வ‌ருஷ‌மா இருக்கு. நாம் வாழுற‌து என்ன‌வோ அதுல‌ 60,70தான்.அப்ப‌வும் ந‌ம்ம‌ கூட‌ 700 கோடி பேருக்கு மேல‌ வாழுறான். இதுல‌ ந‌ம‌க்கு தெரிஞ்ச‌து, ந‌ம்ம‌ள‌ தெரிஞ்ச‌து என்ன‌வோ 1000 பேருதான். இதுல‌ என்ன‌ பெருசா புக‌ழ், காசு , ப‌ண‌ம் எல்லாம். வ‌ர்ற‌த‌ அ‌ப்ப‌டியே ஏத்துக்கிட்டு போய்ட்டே இருக்க‌ணும்". ச‌ரிதான் இல்லை? ம‌க்க‌ள் அர‌க்க‌ ப‌ர‌க்க‌ ஏறி சீட் போடும் வைகை எக்ஸ்பிர‌ஸ் சென்ட்ர‌லை அடைந்த‌தும் இருக்கும் நிலைப் பார்த்தால் தோன்றுவ‌து இதுதான் “That is the life”

திங்கட்கிழ‌மை. ஆணிக‌ள் ட்ர‌ங்க் கால் போட்டு அழைக்கின்ற‌ன‌. பை.

Nov 7, 2011

அனுஷ்காஆஆஆஆஆ!

17 கருத்துக்குத்து

 

  ஆழ்வார்க‌ளும், நாய‌ன்மார்க‌ளும் இன்னும் பிற‌ரும் க‌ட‌வுளை புக‌ழ்ந்து பாடிய‌து இறைவ‌னுக்கு எந்த‌வித‌ பெருமையும் சேர்க்க‌வில்லை. இறைவ‌ன், அதையும் தாண்டிய‌வ‌ன். மாறாக‌, அவ்வாறு பாடி அவ‌ர்க‌ள்தான் பெருமைய‌டை‌ந்தார்க‌ள். அத்த‌கைய‌ நிலையில் இருந்துதான் இந்த‌ப் ப‌திவை நான் எழுத‌த் தொடங்குகின்றேன். இன்று அனுஷ்காவின் பிற‌ந்த‌ நாள். டீ.ஆர் மொழியில் அடுத்த‌ வ‌ரியை சொல்வ‌தென்றால் ந‌ம் வாழ்வின் சிற‌ந்த‌ நாள். திங்கிள்கிழ‌மை கூட‌ ந‌ம‌க்கு பிடித்து போவ‌து இன்று ம‌ட்டும்தான்.

pic.twitter.com/S8areZzr

(Manlinessபோல‌ பெண்க‌ளுக்கு ஏதேனும் வார்த்தை உண்டெனில் அது இதுதான்)

அனுஷ்காவை என‌க்கு "ரெண்டு" ப‌ட‌ம் தொட்டே பிடிக்கும். எல்லோருக்கும் முத‌ல் ப‌ட‌மாக‌ ஏதாவ‌து ஒரு ப‌ட‌ம்தான் அமையும்.ஆனால் அனுஷ்காவுக்கு ம‌ட்டுமே "ரெண்டு" ப‌ட‌மாக‌ அமைந்த‌து. அழ‌குக்கான‌ வ‌ரைவுக்குறிப்பை மாற்றிய‌மைக்க‌ போகும் பேபேபேபேர‌ழகி அவ‌ர் என்ப‌தை அப்போதே நான் அறியாம‌ல் இல்லை. எதிர்கால‌ம் இளைஞ‌ர்க‌ள் கைக‌ளில் என்ப‌து போய், எதிர்கால‌த்தில் எல்லா இளைஞ‌ர்க‌ளின் கைக‌ளிலும் மொபைல்தான் இருக்கும் என்ப‌தை மிக‌ச்ச‌ரியாக‌ க‌ணித்து, அனுஷ்காவின் முத‌ல் பாட‌லையே "மொபைலா மொபைலா" என்றெழுதிய‌ பா.விஜ‌யை இப்போது நினைத்தாலும் ஆச்ச‌ரிய‌ம‌டைகிறேன். பிற்கால‌த்தில் அந்த‌ அனுஷ்காதாச‌னும் "கார்க்கி" என்ற‌ பெய‌ரோடு ஒரு ப‌ட‌த்தில் ந‌டித்த‌து த‌ற்செய‌ல் நிக‌ழ்வென‌ கொண்டு முன் செல்லுவோம்.

த‌மிழ் சினிமா வ‌ர‌லாற்றில் என‌க்கு மிக‌வும் பிடித்த‌வ‌ர்க‌ளென‌ மூவ‌ரைத்தான் எப்போதும் குறிப்பிடுவேன். சாத்வீக‌ம், ப‌யான‌க‌ம், பிர‌ச்சோத‌க‌ம் என‌த் த‌லைவ‌ர் சொன்ன‌து போல் என‌க்கு "ந‌தியா, ஷாலினி,மாள‌விகா" என‌ மூன்று பேரை பிடிக்கும். இதில் யார் பிர‌ச்சோத‌க‌ம் என்ற‌ ஆராய்ச்சி தேவைய‌ற்ற‌து. இது வேறு அள‌வுகோல். இப்ப‌ட்டிய‌லில் நான்காம் இட‌த்திற்கு சுனைனா, சிநேகா போன்ற‌ வெகு சில‌ர் போராடி வாய்ப்பை த‌வ‌ற‌விட்ட‌ன‌ர். ஆனால் அனுஷ்கா Quantum Leap என்பார்க‌ளே அப்ப‌டி ஒரு ஜ‌ம்ப் அடித்து முத‌லிட‌த்திற்கே வ‌ந்துவிட்டார்.ஆம், இப்போது என‌க்கு அனுஷ்கா ம‌ட்டுமே பிடிக்கிற‌து.

( தமழ் ஹிரோக்களை உயரமாக பிறக்கவில்லையே என ஏங்க வைத்தவ‌ளே)

அவ‌ர் அனுஷ்கா அல்ல‌. அனுஷ் அக்கா என்று சில‌ர் ஏள‌ன‌ம் செய்ய‌க்கூடும்.60,70 வ‌ருட‌ங்க‌ள் வாழும் மானிட‌ ப‌த‌ர்க‌ளுக்கே 20 ஆண்டுக‌ள் இள‌மை. 1000 ஆண்டுக‌ள் வாழ‌ப்போகும் அனுஷ்காவிற்கு 100 ஆண்டுக‌ள் வ‌ரை இளமைதான்.அணுவிற்கும், அனுவிற்கும் சுழிக‌ளின் எண்ணிக்கையில் வித்தியாச‌ம் இருக்க‌லாம். ஆனால் உயிரை ப‌றிக்கும் விஷ‌ய‌த்தில் வித்தியாச‌மில்லை என்கிறார் என்னைப் போன்ற‌ இன்னொரு அனுஷ்கா விசிறி. நான் எல்லாம் அனுஷ்கா ஃபேன் இல்லை, ஏசி என‌ எகிறுவோரும் இப்பூவுல‌கில் இல்லாம‌ல் இல்லை.

இன்று மேட‌ம் க்யூரிக்கு பிற‌ந்த‌ நாள் என்கிறார் அனுஷ்காவுட‌ன் கெமிஸ்ட்ரி ஒர்க் அவுட் ஆகாத‌ ஒரு ஃபிஸீக்ஸ் அன்ப‌ர். மானிட‌ர்க‌ளின் எல்லா பிர‌ச்சினைக்கும் ஒரு மாற்றாக‌, தீர்வாக‌, Cure ஆக‌ க‌ட‌வுள் அனுப்பிய‌ அனுஷ்காவையும் நாங்க‌ள் மேட‌ம் க்யூரி என்று சொல்வ‌தில் என்ன‌ த‌வ‌று இருக்க‌ முடியும்? இன்னொரு ந‌ண்ப‌ர் க‌ம‌ல‌ஹாச‌ன்,வெங்க‌ட் பிர‌பு, பாட‌க‌ர் கார்த்திக்கிற்கும் இன்று பிற‌ந்த‌ நாளாயிற்றே என்கிறார். அனுஷ்கா பிறந்த‌ அன்றே பிற‌ந்த‌வ‌ர்க‌ள் என்ற‌ ஒரே கார‌ண‌த்திற்காக‌ திரைத்துறையில் மின்னும் இவ‌ர்க‌ளையும் நாங்க‌ள் வாழ்த்துகிறோம். ஆனால் அனுஷ்காவை ம‌ட்டுமே நேசிக்கிறோம்.

(சென்ற‌ நூற்றாண்டின் ஆக‌ச் சிற‌ந்த‌ ப‌டைப்பான‌ அனுஷ்காவை வாழ்த்த‌ வ‌ய‌தில்லை. ர‌சித்துக் கொள்கிறோம்)

இன்னும் இப்ப‌டி ந‌டிக‌ர், ந‌டிகைக‌ள் பின்னாலே போனால் எப்படி? கொரியாவைப் போல‌, ஈரானைப் போல‌ உல‌க‌‌ப்பட‌ம் எடுக்க‌ வேண்டாமா என்ப‌து ந‌ண்ப‌ர் கானா.மூனாவின் ஏக்க‌ம். ப‌ட‌ம் எடுப்ப‌து இருக்க‌ட்டும். அனுஷ்காவை போன்ற‌ ஒரு உல‌க‌ ஃபிக‌ர் அவ‌ர்க‌ள் நாட்டில் உண்டா? இல்லை இனிதான் பிற‌க்கும் வாய்ப்பு இருக்கிற‌தா? போதி த‌ர்ம‌ரைத்தான் தாரை வார்த்துவிட்டோம். இம்முறை நாங்க‌ள் விடுவ‌தாக‌ இல்லை. அனுஷ்கா ப‌க்தி முற்றிப் போய் ந‌ண்ப‌ர் ராஜ‌ன் இவ்வாறு பாடுகிறார் ஃபேஸ்புக்கில்

அழகென்ற சொல்லுக்கு அனுஷ்கா
உன் அருளன்றி உலகிலே பொருளேது அனுஷ்கா!
அழகென்ற சொல்லுக்கு அனுஷ்கா

இன்னொரு ர‌சிக‌ர் ஒரு ப‌டி மேலே போய் இவ்வாறு தொட‌ர்கின்றார்

செருப்பானாலும் அனுஷ்கா காலில் செருப்பாவேன்....
ஜாக்கெட் ஊக்கானாலும் அனுஷ்கா முதுகில் ஊக்காவேன்...
ஹேர் பின்னானாலும் அனுஷ்கா தலையில் பின்னாவேன்...
தெரு மண்ணானாலுமவள் வாக்கிங் போகும் தெரு மண்ணாவேன்... நான்....

இப்ப‌டிப்ப‌ட்ட‌ ர‌சிக‌ர்க‌ள் இருக்கும்வ‌ரை அனுஷ்காவின் புக‌ழ் ம‌ங்காது. அனுஷ்கா நீடுழி வாழும்வ‌ரை இவ்வுல‌க‌மும் அழியாது.

  WISH YOU MANY MORE HAPPY RETURNS OF THE DAY DARLINGGGGG

Nov 6, 2011

ஓட ஓட தூரம் தெரியல

4 கருத்துக்குத்து

 

EUREKA CHILD FOUNDATION

அக்டோபர் 2ஆம் தியதி டில்லியில், டைம்ஸ் ஆப் இந்திய நாளிதளால் இந்நிறுவனத்திற்கு "Social Impact Award" கிடைத்தது குறிப்பிட தக்கது. மேலும் இந்த விருதை தமிழகத்திலுள்ள நெர்குனபட்டு என்ற கிராமத்தை சேர்ந்த அஸ்வினி என்கிற பெண் பெற்றுக்கொண்டார். அஸ்வினி 4ஆம் வகுப்பில் தமிழ் வாசிக்க தெரியாமால் தடுமாறிய ஒரு குழந்தை. இவரது தந்தை வீட்டை விட்டு வெளியேறிவிட்டார் மற்றும் தாயார் மன நலம் குன்றியவர். 4ஆம் வகுப்பில் இவரால் வாசிக்க இயலாததைக்கண்டு யுரேகா கல்வி இயக்கத்தினர், பகுதி நேர வகுப்பில் சேர்த்தனர்.. தற்போது 11ஆம் வகுப்பு படிக்கும் அஸ்வினி ஒரு கவிஞர். தன்னம்பிக்கையும் தைரியமும் உள்ள ஒரு புதுமை பெண். இதுபோல் ஆயிரமாயிரம் அஸ்வினிகள் யுரேகா கல்வி இயக்கத்தின் மூலம் பயனுருகின்றனர். இதற்கு நீங்களும் உதவி புரியலாம்.

ஒவ்வொரு வருடமும் நவம்பர் மாதம் 14ஆம் தியதி குழந்தைகள் தினமாக கொண்டாடப்படுகின்றது.. குழந்தைகள் தினத்தினை முன்னிட்டு யுரேகா கல்வி இயக்கம் இரண்டாவது ஆண்டாக சென்னை மரினாவில் "யுரேகா ஓட்டம்" நடத்தவுள்ளது .

தமிழ்நாட்டில் அனைத்து குழந்தைகளுக்கும் தரமான கல்வி கிடைக்க வேண்டுமென்பதற்காகவும், தற்போதய கல்வி நிலையை மக்களுக்கு எடுத்து சொல்வதற்காகவும் இந்த ஓட்டம் நடைபெற உள்ளது. யுரேகா கல்வி இயக்கம் தனது பணியை தற்போது தமிழகத்தில் 1000 கிராமங்களில் செய்து வருகிறது. ஒவ்வொரு கிராமத்திலும் மாலை நேர வகுப்புகள் மூலம் குழந்தைகளுக்கு தரமான கல்வியினை அளித்து வருகிறது. உங்களை மற்றும் என்னைப்போல தன்னார்வ தொண்டாளர்களின் உதவியுடன் கல்வி மட்டுமல்லாது ஆரோக்கியம், மற்றும் ஒருமித்த கிராம வளர்ச்சி பணிகளை செய்யத் துவங்கி உள்ளது. இன்னும் சில வருடங்களில் 1000 மாதிரி கிராமங்களை உருவாக்குவதை இலக்காக கொண்டு செயல்பட்டு வருகிறோம்.

இந்த யுரேகா ஓட்டத்தில் பங்கு கொள்ளுங்கள்... நீங்களும் யுரேகா கல்வி இயக்கத்திற்கு உங்கள் ஆதரவை அளியுங்கள்..

நாள் : நவம்பர் 12, 2011

இடம் : சென்னை மரினா கடற்கரை,

துவக்கம் : காந்தி சிலை அருகில்

நேரம் : காலை மணி 6.30

வலைத்தளத்தில் பதிவிட -http://www.eurekachild.org/run2011/

முகநூலில் உங்கள் வரவை பதிந்திட -https://www.facebook.com/event.php?eid=231319860256166

உங்களால் உங்கள் நண்பர்களிடதோ அல்லது உங்கள் அலுவலகத்திலோ பதிவு சீட்டை விற்க முடிந்தால் பதிவு சீட்டுகளை பெற அணுகவும் - செல்வா - 9790951652 , volunteer@aidindia.in

முகநூலில் பின்தொடர -https://www.facebook.com/EurekaChildFoundation

__________________________

இந்நிறுவனத்தின் முக்கியமான தன்னார்வத் தொண்டரான நண்பர் செல்வா எழுதிய பதிவு. அவரது வார்த்தைகளுடனே பதிவிடுவதில் மகிழ்ச்சியடைகிறேன். இயன்றதை செய்திடுவோம்.

அன்புடன்,

கார்க்கி

Nov 5, 2011

பிட்டு பட இயக்குனருக்கு ஒரு ஐடியா (18+)

19 கருத்துக்குத்து

 

ஸ்ட்ரிக்ட்லி அடல்ட்ஸ் ஒன்லி பதிவு. திட்டாதீங்கப்பா. ச்சும்மா ஜாலிக்குத்தான். இதிலெல்லாமா ஜாலி என்று பொங்குபவர்கள் மன்னிக்க. எனக்கு எல்லாமே ஜாலிதான்.

___________________________

நான் சுத்தி வளைச்சு பேச விரும்பல. நேரா விஷயத்துக்கே வந்துடறேன். நேத்து ஏழாம் அறிவு படம் பார்த்தேன். ஒவ்வொரு நரம்பும் புடைக்க, இருக்கிற நாலு முடியும் நட்டுக்க, தேகமெங்கும் சிலிர்க்க சிட்டி செண்ட்டரை விட்டு வெளியே வந்து, சிக்னலில் திரும்பினேன். அட தமிழன் என்ற உணர்வெல்லாம் இல்லீங்கண்ணா.. நைட்டு 1 மணிக்கு செம மழை ஜில்லுன்னு காத்து. பைக் வேற 70 கிமி. வேகத்துல ஓடுச்சு. அப்புறம் முடி நட்டுக்காம நளினமாவா ஆடும்?

அப்ப உனக்கு படம் பார்த்து தமிழன் என்ற உணர்வே வரலையா? உன் DNA தூண்டப்படலையான்னு கேட்கறீங்களா? ம்ஹூம். ஆனா அதுக்கான ஒரு அழகான கதை படத்துல இருந்து கிடைச்சுது. அந்தக் கதையை மட்டும் படமா எடுத்தா சும்மா தூள் பரத்தும். அப்படி என்ன கதைன்னு நீங்க கேட்கறதுக்கு முன்னாடி நானே சொல்றேன். ஒவ்வொரு தமிழனும் தெரிஞ்சிக்க வேண்டிய முக்கியமான வரலாறு அது.ஆனா அத வரலாற சொல்லாம ஒரு சினிமாவுக்கான கதையா சொல்றேன்.

அப்படியே 1600 வருஷத்துக்கு முன்னாலன்னு ஒரு ஸ்லைடு போடுறோம். ஒரு குட்டி கிராமம். குட்டியா இருந்தாத்தான் கிராமம்ன்னு க்ராஸ்டாக் பண்ணாதீங்க. இது “குட்டி” கிராமம். அங்க எல்லோரும் அப்படி இப்படின்னு ரொம்ப சந்தோஷமா இருக்காங்க. அதுக்கு காரணம் அந்த ஊருல இருந்த போதை தர்மர். அவரு கொடுத்த லேகியம், இன்ன பிற லாகிரி வஸ்துக்களால் அந்த ஊர் மக்கள் காமத்தில் கோலோச்சி வாழ்ந்து வருகின்றனர். அவருடைய பெருமைய காட்ட நாம அந்த ஊர் மக்களின் சிலபல கலவிகளை ஆடியன்ஸூக்கு காட்டுறோம். அப்படியே ஆடிப் போய் டேன்ஸ் ஆடுறாங்க. அதான் ஆடியன்ஸ். இந்த இடத்துல முதல் 15 நிமிஷத்துக்கு 15 கோடி செலவு  பண்றோம். ஏன்னா எல்லாம் ஃபாரின் ஃபிகர்ஸ். கிராமத்துல ஏதுடா ஃபாரின் ஃபிகர்ஸ்ன்னா, ஃபாரின்ல இருக்கிற கிராமத்து ஃபிகர்ஸா புடிக்கிறோம். ஏன்னா நம்ம படத்துல எது வேணும்னாலும் இடிக்கலாம். ஆனா லாஜிக் இடிக்கப்படாது பாருங்க. இப்ப அப்படியே கதை சைனாவுக்கு போகுது. ஏன் போகுதா? அதுக்கு செகண்ட் ஹாஃபுல ஒரு செகண்ட்ல ஒரு டயலாக் வரும். அப்போ சொல்றேன்.

சைனாவுக்கு போன போதை தர்மர் ஒரு மார்க்கமா இருந்ததால் மக்கள் எல்லாம் போட்டு அடிக்கிறாங்க. அப்ப அங்க ஒரு கல்யாணம் நடக்குது. ஃபர்ஸ்ட் நைட்டுல மாப்பிள்ளை தோத்துப் போய் ஊரை விட்டு ஓடுறாரு. அந்த பொண்ணு அழுதுட்டு இருக்கிறப்ப போதை தர்மர் வர்றாரு. அவர் பின்னாடி மாப்பிள்ளை. இப்ப அந்த பொண்ணு அப்படியே மாப்பிள்ளையை பார்த்து சொக்கிப் போய் அவர் பின்னாடியே போகுது. அம்சமான பிட்டு ஒண்ணு போடுறோம் இங்க. உடனே மக்கள் போதை தர்மர அவங்க ஊர் சிவராஜ் வைத்தியரா ஏத்துக்கிறாங்க. இவரு இப்படியே அந்த ஊருல இருக்கிற எல்லா ஆண்ட்டி, பொண்ணுங்க கூடவும் ஜல்சா பண்றத பார்த்து கடுப்பாகி இவர விஷம் வச்சு கொண்ணுடறாங்க.ஆனா இப்பவும் அந்த ஊருல இளந்தாரி பசங்களுக்கு இவர் ஒரு தெய்வமா இருக்காரு. ஃப்ளாஷ்பேக் ஓவரு.

இப்ப சென்னைக்கு வந்தா அரவிந்தன்ன்னு ஒருத்தரு பிட்டுப் பட டிவிடி விக்குறாரு. அவர்கிட்ட சிடி வாங்க சில பொண்ணுங்க வர்றாங்க. அவங்க ஒரு ஆராய்ச்சி பண்றதாவும் அதுக்கு சில சிடி வேணும்ன்னு கேட்கிறாங்க. நம்மாளும் நாக்க தொங்கப் போட்டுக்கிட்டு அவங்க கூடவே சுத்துறாரு. சிடி வாங்கின பொண்ணுங்க  தியரி பேப்பர் முடிச்ச உடனே பிராக்ட்டிக்கல்தான்னு கனவுல இருக்காரு. அங்க போடுறோம் சார் ஒரு சாங்கு.

முக்கூட்டு வீதியில்.
மூணு ஜிபி சிடியில்..
படம் பார்த்தது போதுமே..
நாம் படம் எடுப்போமே

பாட்டு முடிஞ்சது. இப்ப சைனாவ காட்டுறோம். அங்க நாலு கிழவனும், ஒரு ஆளும் பேசுறாங்க. அதை அப்படியே வாய்ஸ் ஓவர்ல தமிழ்ல போடுறோம்.

பெருச்சாளி

எஸ் சார்.

இப்படியே போனா இந்தியாக்காரங்க நம்மள மக்கள் தொகையில் ஓவர் டேக் செஞ்சிடுவாங்க.

ம்ம்.

அது நடக்காம இருக்கணும்ன்னா, அவங்க யாருமே செக்ஸ பத்தி நினைக்கக்கூடாது. அப்படியே பன்ணாலும் நாம கொடுக்கிற சிடிய பார்த்து தப்பு தப்பா செய்யணும். குழந்தையே பொறக்ககூடாது. அப்படி ஒரு ப்ளு ஃபிலிம இந்தியா ஃபுல்லா விக்கணும்.

ம்ம்

இதுக்கு பேரு “ஆப்பரேஷன் ப்ளூ”. ஏன்னா நாம விக்க போறது ஒரு ப்ளூ ஃபிலிம்.

இங்க அந்த பொண்ணு என்னன்னா, போதை தர்மரோட பரம்பரைல வந்த ஆளோட DNAவ தூண்டி விட்டா ஒரே பிரசவத்துல 10 குழந்தை பொறக்கும். அத வச்சு வேர்ல்ட் ஃபேமஸ் ஆயிடலாம்னு பிளான் போடுது. இந்த விஷயம் பாதி தெரிஞ்ச நம்ம ஹீரோ, அப்போ என் மேல உனக்கு காதல் இல்லையா? வெறும் செக்ஸ்தானான்னு மனசு உடைஞ்சு போயிடறாரு. அங்க ஒரு சாங்கு.

ஃபிகரே ஃபிகரே சப்பை ஃபிகரே

நீ ஸ்வீட்டே இல்லா ரேஷன் சுகரே..

பாட்டு முடிஞ்ச உடனே ஹீரோயின் ஹீரோக்கிட்ட மேட்டர சொல்லுது. உன் முன்னோர்கள் எல்லாம் ஜகஜ்ஜால கில்லாடிகள். மூக்கு நீட்டா இருந்தா சில விஷயத்துக்கு செட் ஆகலைன்னா, சப்பை மூக்க தேடி சைனாவுக்கு எல்லாம் போனாங்க. நீ என்னன்னா ஃபிகரே, சுகரேன்னு பாட்டு மட்டும்தான் பாடுறன்னு மகாபலிபுரத்துக்கு கூட்டிட்டு போய் சிற்பங்கள் எல்லாம் காட்டுது. அப்படியே சிற்பங்கள கிராஃபிக்ஸ்ல மனுஷனா மாத்தி ஹிஸ்டாரிக்கல் பிட்டு ஒண்ணு போடுறோம் சார். அடுத்த சீன்ல வில்லன் பெருச்சாளி ஒரு சிடிய ஓடவிட்டு ரெண்டு நாய பார்க்க வைக்கிறான். அத பார்த்து அதுங்க எக்குத்தப்பா செய்ய, அது பார்த்து ஒருவன் பரவசம் அடையறான். அங்க விடுறோம் இடைவேளை. எப்பூடி?

இனிதான் அதிரடி. நாய பார்த்து ஒருத்தன் அதே மாதிரி செய்ய, அது அப்படியே காட்டுத்தீ மாதிரி பரவுது. நாய் சிடின்ற பேருல இந்தியா முழுக்க சக்கை சேல்ஸ் ஆகுது சைனா சிடி. என்ன செய்றதுன்னே தெரியாம முழுக்கிறாங்க. போதாக்குறைக்கு பெருச்சாளி வேற கண்ணுல படுற எல்லா பொன்ணுங்க இடுப்பையும் கிள்றான். அந்த நாட்டி பாய் சேட்டையில் மயங்குற பொண்ணுங்களுக்கும் அத கத்துக் கொடுக்கிறான்.இத ஒரு நாள் ஹீரோவும், ஹீரோயினும் பார்த்துடறாங்க. இதுக்கு பேருதான் “ஹிப்”நாட்டி”சம் . இதுவும் நம்ம ஆளுங்க கண்டுபுடிச்சதுன்னு சொல்றாங்க ஹீரோயின். ஹீரோ , ஹீரோயின பார்க்கிறாரு. இடுப்பே இல்லாம தேமேன்னு நிக்குது ஹீரோயின். இருந்தாலும் மனச தளரவிடாத ஹீரோ ட்ரீம்ஸ்க்கு போறாரு. இங்க சாங்குன்னுதானே நினைப்பீங்க? அதான் இல்லை. அதிரடி பிட்டு.இதுல தான் லீட் ஸ்டார்ஸ் ரெண்டு பேரும்.. ம்ம்ம். ஆனா பாதிதான் காட்றோம். ஏன்னு அப்புறம் சொல்றேன்.அடுத்து இப்போ நம்ம ஹீரோ போதை தர்மர் ஆகணும். அதுக்காக ஹீரோயினும், அவங்க ஃப்ரெண்டு ரெண்டு பேரும் ஏலகிரில ரிசார்ட்ல தங்குறாங்க. யாருக்கும் தெரியாம. எப்படியாச்சும் நம்ம ஹீரோவ உசுபேத்துறதுதான் அவங்க குறிக்கோள்.

க்ளைமேக்ஸ்க்கு வந்துட்டோம். அட கதைல பாஸ். . ஹீரோயினுக்கு இத எப்படியாச்சும் பழக்கப்படுத்திணும்ன்னு பெருச்சாளி ஏலகிரிக்கு வந்துடறான். ஹீரோவ மூடு ஏத்த இருந்த ஹீரோயின் இப்ப பெருச்சாளிக்கிட்ட மாட்ற. பெருச்சாளி இத டிவில லைவ் ரிலேக்கு ஏற்பாடு செஞ்சிடறான். ஏன்னா இத பார்த்து இந்தியா முழுக்க இதுக்கு அடிமையாகணும். இப்ப ரெண்டே ரெண்டு ஆப்ஷன் தான். ஒன்ணு பெருச்சாளிக்கிட்ட ஓக்கே சொல்லி குழந்தை வராம மேட்டர் செய்யணும்.இல்லைன்னா, ஹீரோ எழுந்து 10 குழந்தைக்கு ஏற்பாடு பண்ணனும். எல்லா டி.என்.ஏவும் தூண்டப்பட்ட ஹீரோ பெருச்சாளிய அடிச்சிட்டு ஃபைனலா ஒரு பிட்டுக்கு ரெடியாகுறார். இதுதான் முழு பிட். இதுக்காகத்தான் முன்னாடி சீன்ல பாதில ஸ்டாப் பண்றோம். அப்புறம் 10 மாசம் கழிச்சு 10 குழந்தை பொறக்குது. .

கடைசி ஷாட்டுல 10 பசங்க கூடவும் ஹீரோ, ஹீரோயின் நம்ம நாட்டு கலாச்சாரம், பெருமையெல்லாம் பேசுறாங்க.நம்மளுக்கு தெரியாது எவனுக்குமே தெரியாதுன்னு படம் பார்க்கிற எல்லோரையும் தூண்டுறோம். அவ்ளோதான்.சுபம்.

தூண்டி விளையாடு பாப்பா – ஒரு
டி.என்.ஏவையும் விட்டு வைக்கலாகாது பாப்பா.

Nov 4, 2011

நாய் வளர்க்க ஆசைப்படும் இலக்கியவாதி

6 கருத்துக்குத்து

 

  நான் ஒரு இல‌க்கிய‌வாதி. இந்த‌ வ‌ரியை ப‌டித்த‌தும் நீங்க‌ள் துணுக்குறுவ‌தை என்னால் உண‌ர‌ முடிகிற‌து. நான் ஒன்றும் கூபாவிலோ, குறைந்த‌ப‌ட்ச‌ம் கேர‌ளாவிலோ வாழ்ப‌வ‌ன் அல்ல‌ என்ப‌தை ந‌ன்கு அறிவேன். இல‌க்கிய‌வாதி என்றாலே ஒரு நாயைப் போல‌ ந‌ட‌த்த‌ப்ப‌டும் சூழ‌லில் வாழும் சாதார‌ண‌ எழுத்தாள‌ன் தான் நான். நான் நாய் இல்லை என்ப‌தை என‌க்கு நானே அடிக்க‌டி சொல்லிக் கொள்ள‌ வேண்டுமென்ற‌ ஒரே கார‌ண‌த்திற்காக‌ நான் நாய் வ‌ள‌ர்க்க‌ப் போகிறேன். அத‌ற்காக‌ ஒரு நாயை வாங்க‌ப் போகிறேன்.

Pug-and-dog-worms

”வீடில்லாததும் ஈடில்லாததுமான என் நாய்” இந்த வரிகள் எங்கே படித்தேன் என்று நினைவிலில்லை. ஆனால் அன்று முதல் ஒரு கேள்வி என் ஆழ்மனதில் எதிரொலிக்கத் தொடங்கியது. அது அவருடைய நாய் என்றால் அவர் வீட்டில் இருக்கலாமே? அவருக்கே வீடு இல்லையெனில் அதையேன் நாய்க்கு வீடில்லை என்று சொல்ல வேண்டும்? போகட்டும். அந்த நாயைப் போலவே (அந்தப் போலவே இல்லை) அந்த வரியும் அவருக்கு சொந்தமானது. முழுமையாக தெரியாமல் குழம்புவானேன்?

உயிர்களிடத்தில் அன்பு செலுத்துவதில் எனக்கு நிகர் யாருமில்லை என நினைப்பவன் நான். நாய் வளர்க்கப் போகிறேன். என்னைப் போலவே நாய் வளர்க்க… இங்கே கொஞ்சம் நில்லுங்கள். நானும் நாய் வளர்க்க ஆசைப்படுகிறேன். அதே போல் நீங்களும் ஆசைப்படுகிறீர்கள். இதை எப்படி சொல்வது? என்னைப் போல் நாய் வளர்க்க ஆசைப்படும் நீங்கள் என்றால் நான் நாயாகிவிடும் அபாயம் இருக்கிறது. நாய் வளர்க்க வேண்டும் என்று நான் ஆசைப்படுவது போல நீங்களும் என்று எழுதலாம்தானே? எழுதலாம். அப்புறம் நடை சுவாரஸ்யமாக இருக்காது. அந்த நடை கிடக்கட்டும். வாங்க.  நாய் கடைக்கு ஒரு நடை போயிட்டு வருவோம். எவ்வளவு நேரம்தான் நீங்களும் நிற்பீர்கள்?

நாய் வாங்குவதில் பல சூட்சமங்கள் உண்டு.இது போன்று நுணுக்கமான விஷயங்களில் என் அளவுக்கு விவரம் தெரிந்தவர்கள் யாரும் இல்லை என உறுதியாக சொல்கிறேன்.  எந்த நாயாக இருந்தாலும் அதன் பெற்றோரின் பெயர் தெரிந்துக் கொள்ள வேண்டும். பெயர் வைப்பதில் நம்ம மக்கள் விவரமானவர்கள். ஒபாமாவின் பெயரை தன் நாய்க்கு வைத்துவிட்டு அமெரிக்காவுக்கே தான் தான் எசமான் என்ற ரீதியில் யோசிப்பவர்கள். இல்லையேல் ஒசாமா என்று பெயரிட்டு மாலையில் அதை வாக்கிங் அழைத்து செல்லும் போது ஸ்காட்லாந்து போலிஸ் கணக்காக ஒசாமா என் கையில் என கதையளப்பார்கள். ஒபாமாவோ, ஒசாமாவோ நமக்கு வேண்டாம். இல்லையேல் நம் நாய்க்குட்டியை ஒ.நாய் என்று பலர் கிண்டலடிக்க நேரிடும்.நில்லுங்க. இங்கே உங்களுக்கு ஒரு சந்தேகம் வரலாம். பத்தி பெரிதாகிறது. எனவே அந்த சந்தேகத்தைப் பத்தி அடுத்த பத்தியில் பார்ப்போம். அடுத்த பத்தி வரை நடந்து வந்து அங்கே நிற்கவும்.

நாயை நாய் என்று சொன்னால் அதன் அப்பா நாயையும் நாய் என்றுதானே சொல்ல வேண்டும்? அப்படியென்றால் எப்படி ஓ.நாய் ஆகும்? இல்லை,பெயரை வைத்து கூப்பிட்டால் நம் நாயின் பெயருக்கு முன்னால்தானே ”ஓ” சேரும்? இந்த சந்தேகம் உங்களுக்கு வந்ததா என்ற சந்தேகம் எனக்குண்டு. அதைப் பற்றி அடுத்த பத்தியிலும் பார்க்க மாட்டோம். பயப்பட வேண்டாம். இந்தப் பத்தியில் இந்த சந்தேகத்தை மட்டும் தீர்ப்போம். எதையும் நாம் அரைகுறையாக செய்வோம் என்பதால் இது சாத்தியமே. இன்னும் நாய் வாங்கவே இல்லை. அதற்குள் இந்த பெயர் பிரச்சினை தேவையில்லாதது. வேகமாய் நடங்க. கடை மூடிட போறான். நாய்கடைக்கு முன்னால் ஒரு நாயர் கடை உண்டு. டீ நன்றாக இருக்குமென நண்பன் சொன்னான்

என் நண்பனின் பெயர் நீலமேகம். ப்ளு க்ராஸில் உறுப்பினர்.  அதனால் அவன் பெயரை மாற்றிக் கொள்ளவில்லை. அந்த பெயர் இருந்ததாலும் அவன் அதில் சேரவில்லை. அது தற்செயலாக நடந்த ஒன்று. அவன் சொன்னான், நாய்களை வீட்டில் வைத்து வளர்ப்பது அவற்றின் மீது நம் அன்பு செலுத்தவதற்கு என்பது சொத்தை வாதமாம். அவற்றின் மீது உண்மை அன்பிருப்பவர்கள் அதை சுதந்திரமாக சுற்றவே அனுமதிப்பார்களாம். நானும் அவனும்தான் அறையை ஷேர் செய்திருக்கிறோம். வீட்டை நான் தான் சுத்தப்படுத்துவேன். வீட்டை பராமரிப்பதில் எனக்கு போட்டியாளரே இருக்க முடியாது.  ஆனால் வாடகையை அவன் மட்டும் பார்த்துக் கொள்கிறான். மோசக்காரன். இவ்வளவு விலை கொடுத்து வாங்கி செல்லும் என் ஆசை நாயை நான் இல்லாத போது அவிழ்த்துவிட்டால் என்ன செய்வது?யோசிக்க வேண்டிய விஷயம். எனக்கென ஒரு வீடு இல்லாத போது நாய் அவசியமா?

வீடில்லாத,ஈடில்லாத நான்..இப்போது என்ன செய்ய?

 

all rights reserved to www.karkibava.com