Sep 30, 2010

சிறப்பு அடையாள அட்டை

16 கருத்துக்குத்து

 

    நண்பர் ஒருவர் மின்னஞ்சலில் பகிர்ந்துக் கொண்ட விஷயம். பலரை சென்றடைய வேண்டுமென அவர் விரும்பியதால் என் பங்கிற்கு இந்தப் பதிவு.

__________________________________________________________________________________
   சென்ற ஆண்டிலிருந்து, பாரத அரசு, சிறப்பு அடையாள அட்டை வழங்குவதற்கு முயற்சிகள் எடுத்து ஆணையம் அமைத்து அதற்குரிய நடவடிக்கைகளை மேற்கொண்டு வருகிறது, அதன் தகவல்களை இங்கேகாணலாம்.

   பாரத நாடு, மக்கள் தொகையில் உலகிலேயே இரண்டாமிடத்திலுள்ளது, அதனால், இந்த சிறப்பு அடையாள அட்டை வழங்குதல் என்பது மிகவும் கடினமான பணி.
இந்தப் பதிவின் நோக்கமே, நம்மால் எப்படி இத்திட்டத்திற்கு உதவ முடியும் என்பதற்கான மெய்நிகர் கலந்துரையாடலே.

   நம் நாட்டில், மதம், மொழி, இனம், சாதி, சாதிய உட்பிரிவு, நண்பர்கள் குழு, கலைக் குழு போன்ற லட்சக்கணக்கான (ஏன் கோடிக்கணக்கான) சங்கங்கள் உள்ளது. இதில் பதிவு பெற்ற / பதிவு பெறாத சங்கங்கள் என்று வகைப்படுத்தலாம். ஏனெனில், அரசின் பதிவு பெறாத சங்கங்கள் மூலம் தனி நபர் சேவையாற்ற முடியுமே ஒழிய, சிறப்பு அடையாள அட்டை ஏற்படுத்தும் பணியில் பங்கு கொள்ள முடியுமா என்பது தெரியவில்லை. எனினும், சிறப்பு அடையாள அட்டை ஆணையம் இவ்விஷயத்தில் தன்னார்வ தொண்டு புரிய விருப்பமுள்ள தனி நபர் மற்றும் நிறுவனங்களையும் பங்கு பெறுவதற்கு வழி வகைகளை செய்துள்ளது.

அதன் விவரங்கள் இங்கே.
இத்திட்டத்தில் பங்கு பேர விருப்பமுள்ள, தன்னார்வ தொண்டு புரிய விருப்பமுள்ள தனி நபர் மற்றும் நிறுவனங்கள் செய்ய வேண்டியது.

தனிநபர்:
முதலில் உங்களின் அனைத்து அரசு ஆவணங்களையும் சரியாக வைத்துக் கொண்டு, பின் வரும் மின்னஞ்சலுக்கு (webadmin-uidai@nic.in) தகவல் அனுப்பவும். பிறகு அவர்களின் வழிகாட்டுதலின் படி செயல்படவும்.(நண்பர்களே: அந்த மின்னஞ்சலுக்குரிய நடவடிக்கை போன்றவை இந்தப் பதிவைத் தாண்டிய விஷயங்கள், அதனால் சொல்ல முடியவில்லை).

நிறுவனங்கள் (பதிவு பெற்ற நிறுவனங்கள்):
பதிவு பெற்ற சபைகள், நிறுவனங்கள், மகளிர் சுய உதவி குழுக்கள், நண்பர் குழு அமைப்புகள், நற்பணி மன்றங்கள் இந்த சிறப்பு அடையாள அட்டை திட்டத்தில் விருப்பமுள்ள உறுப்பினரையோ அல்லது உறுப்பினர் குழுவையோ
அமைக்கலாம்.
அவ்வாறு அமைக்கப்பட்ட உறுப்பினரோ/குழுவோ முதலில் அந்த அமைப்பினைச் சேர்ந்த உறுப்பினர்களின் பின் வரும் அரசு ஆணையங்களை சரி பார்க்கலாம்.
௧. பிறப்புச் சான்றிதழ் (Birth Certificate).
௨. பிறப்பிடச் சான்றிதழ் (Nativity Certificate).
௩. சமுதாயச் சான்றிதழ் (Community Certificate).
இம்மூன்றுமிருந்தால், ஒருவரின் அடிப்படை விவரங்கள் அரசில் பதிவு செய்யப்படுள்ளதாகக் கொள்ளலாம்.
இது தவிர,
௪. வாக்காளர் அடையாள அட்டை (Voter's Identity Card).
௫. குடும்ப அட்டை (Family/Ration Card).
௬. (தனிநபர்) நிரந்தர கணக்கு எண் (Permanent Account Number).
௭. கடவுச்சீட்டு (Passport).
மேற்கூறிய ஏழு ஆவணங்களிருந்தால், நம் நாட்டில் பிறந்த ஒருவரின் அனைத்து விவரங்கள் அரசில் பதிவு பெறப்பட்டுள்ளதாகக் கொள்ளலாம்.
(இந்த ஆவணங்கள் மட்டும் தானா, அல்லது வேறு ஏதாவது உள்ளதா என்பது தெரியவில்லை ?)
முதல் முயற்சியே, அவர்கள் உறுப்பினர்கள் மேற்கூறிய ஆவணங்கள் வைத்திருக்கிறார்களா என்பதை சரி பார்ப்பதே.
இரண்டாவதாக, இதில் எதாவது ஒரு ஆவணம் இல்லையென்றால், அதைப் பெற உதவுவது, அது சாத்தியமா ? (நம் நாட்டில் நிலவும் நடை முறைச் சிக்கல்கள் தெரிந்துள்ளதால்) தெரியவில்லை.

  இறுதியாக, மேற்கூறிய ஆவணங்களை வைத்துள்ள உறுப்பினர் விவரங்களை, மென்பொருள் வடிவாக்கி, சேமித்து, மூன்றுக்கு மேற்பட்ட மென்தகட்டில் (CD/DVD) பத்திரப்படுத்திவிட்டு, இது தவிர தனியாக பத்திரப்படுத்திய மென்தகடை (CD/DVD)'சிறப்பு அடையாள அட்டை ஆணையத்திற்கு' சமர்பிக்க வேண்டியது.
இவ்வாறு, ௧௦௦ (நூறு) உறுப்பினர் கொண்ட ௧௦ (பத்து) நிறுவனங்கள் செய்தால், குறிப்பிட்ட கால அளவிற்குள், ௧௦௦௦ (ஆயிரம்) இந்தியர்களின் தகவல்கள் 'சிறப்பு அடையாள அட்டை ஆணையத்திற்கு' சென்று சேரும்.

கல்வி நிறுவனங்களின் பங்கு:
பள்ளிகள், பயிற்சி நிறுவனங்கள், கல்லூரிகள், பொறியியல் கல்லூரிகள், பல்கலைக்கழகங்கள் மற்றும் பிற கல்வி நிலையங்கள் தங்களிடம் பயில்வோர் மற்றும் பணி புரிவோர் விவரங்களை 'சிறப்பு அடையாள அட்டை ஆணையத்திற்கு வழங்கலாம்'.
இதன் மூலம் அரசின் பணிச் சுமை குறைவதோடல்லாமல், கணிசமான தனி நபர்களின் துல்லியமான விவரங்கள் பிழையின்றி 'சிறப்பு அடையாள அட்டை ஆணையத்திற்கு' சென்று சேரும்.

பதிவராக:
தமிழ்ப் பதிவராக, நாமும் இவ்விஷயத்தில் சிறு அக்கறை எடுத்துக் கொண்டு, நம்மிடமுள்ள ஆவணங்களையும் சரி பார்த்து விட்டு, நம்மிடம் இல்லாத ஆவணத்தை பெற்று, நம்குடும்பத்தினர் ஆவணங்களையும் பெற்றுக்கொண்டு. தனி நபராக நம் நண்பர்கள் உறவினர்களின் தகவல்களை (குறைந்தது ஐம்பது நபர்கள்) 'சிறப்பு அடையாள அட்டை ஆணையத்திற்கு' சமர்பிக்கலாம்.
ஆயிரக்கணக்கான, தமிழ்ப் பதிவர்களில் பத்து பதிவர்கள் இதனைச் செய்தால், குறைந்தது ஐநூறு நபர்களின் தகவல்கள் பிழையின்றி 'சிறப்பு அடையாள அட்டை ஆணையத்திற்கு' சென்று சேரும்'.

ஒரு, பாரத நாட்டினனாக, என்னாலான முயற்சியை ('சிறப்பு அடையாள அட்டை ஆணையத்தினை' மின்னஞ்சல் மூலம் தொடர்பு கொண்டு) இன்றிலிருந்து ஆரம்பித்துள்ளேன்.

என் எண்ணங்களை ஏற்று, செயல்படுத்த அனுமதியளித்தால் என்னால் இயன்றதைச் செய்ய உள்ளேன்.
அனுமதி கிடைத்த பின், அது பற்றிய விவரம், இன்னொரு பதிவாக வெளியிடுகிறேன்.

இந்த பதிவினை பார்க்கும் அனைவருக்கும் ஒரு வேண்டுகோள், இந்தப் பதிவை தங்கள் நண்பர்கள், உறுப்பினர்கள் மற்றும் தாங்கள் உறுப்பினராக உள்ள வலைக் குழுக்களுக்கு பரிந்துரைப்பதின் மூலம், 'சிறப்பு அடையாள அட்டை திட்டம்' வெற்றியடையச் செய்யலாம்.
பதிவுலகின் மூலம் எத்தனையோ நல்ல விஷயங்கள் நடைபெறுகிறது, இது மட்டும் வெற்றியடையாமலா போய்விடும் ?

மேலும், இந்தப் பதிவை அப்படியேவோ அல்லது தங்கள் எண்ணங்களை கொடுத்து 'மீள் பதிவாகவோ' எந்தப் பதிவர் வேண்டுமானாலும் பதிப்பதற்கு பயன் படுத்திக்கொள்ளலாம்.

Sep 27, 2010

யெளவனமான நிலையில் ஏழு

23 கருத்துக்குத்து

 

இதுவரை ஏழுவை அப்படி யாரும் பார்த்திருக்க மாட்டார்கள்.  ஒரு வித யெளவனமான நிலையில் கிணற்றின் மீது அமர்ந்தபடி நிலவைப் பார்த்து ஏதோ யோசித்துக் கொண்டிருந்தான். கிணற்றில் பின்னல் வலை போடப்பட்டிருந்தாலும் அந்த கேப்பில் இவன் உள்ளே விழுந்துவிடுவானோ என்ற கவலையோடு அவனை சுற்றி மூன்று ஜூனியர் மாணவர்கள் நின்றுக் கொண்டிருந்தார்கள்.

”காதலைப் பற்றி நீ என்ன நினைக்கிறாய்?”

  அரைபீர் ஆனந்தமயானந்த ஏழுமலை சுவாமிகள் தன் சீடரில் ஒருவனைப் பார்த்து கேட்டுவிட்டு. அருகில் இருந்த பியர் பாட்டிலை கோப்பைக்குள் கவிழ்த்தார் . அவர் ஊற்றிய பியருக்கு ஏற்ற அளவில் தண்ணீரை கலந்து நன்றாக மிக்ஸ் செய்து கோப்பையை சுவாமிகளிடம் தந்தான் ஒரு சீடன்.  கல்ப்பாக அடிப்பது ஆகம விதிப்படி ஆகாது என்பதால் சிப் சிப்பாக அடிக்கத் தொடங்கினார் சுவாமிஜி. முதல் சிப்பை சிப்பியபின் கோப்பையை கீழே வைத்துவிட்டு சீடர்களைப் பார்த்தார்.

”உன்னைத்தான் கேட்கிறேன்.காதலைப் பற்றி என்ன நினைக்கிறாய்”

ஒரு சிப்பிலே குரு ஏகாந்த நிலை அடைந்துவிட்டதை புரிந்துக் கொண்ட சீடன் ஒருவன் பதில் சொன்னான் “அதெல்லாம் எதற்கு குருவே? பெற்றெடுத்த அப்பா அம்மாவுக்கு தெரியாதா யாருடன் வாழ வேண்டும் என்று”.

  ஆசிரமத்தில் சேர அடிப்படைத் தகுதியே இல்லாமல் பதில் சொன்னான் மூடன். இல்லை இல்லை சீடன். சுவாமிகளுக்கு கோவம் வந்துவிடுமோ என்று அஞ்சியபடி சீடனை முறைத்தார்கள் மற்ற இருவரும். ஆனால் ஒரு அகோர சிரிப்பு சிரித்து தன்னை மற்றவர்கள் புரிந்துக் கொள்ள முடியாது என்று மீண்டும் ஒரு முறை நிரூபித்தார் அரை….. சுவாமிகள்.

சிஷ்யா.. பிசையப்படும் மைதா மாவு பரோட்டா ஆகுமா, பூரி ஆகுமா என்று மாவுக்கு தெரியாது. ஆனால் பிசையும் மாஸ்டருக்கு தெரியும் இல்லையா?

தலை சொறிந்தபடி ஆம் என்றான் ஒரு சீடன். இன்னொரு சீடன் ஞானம் பெற்றவன். அவனுக்கு சுவாமிகள் சொல்வது புரிந்து, ”ஆம். சுவாமி. பரோட்டா மாஸ்டர் தானே பெற்றவர்கள். அவர்களுக்கு தெரியாதா?” என்றான்.

”நீ அரைபியர் போலவே அரைஞானஸ்நானம் பெற்றிருக்கிறாய். நான் முடித்து விடுகிறேன். அந்த பரோட்டாவை யார் சாப்பிட போகிறார்கள் என்பது  மாஸ்டருக்கு கூட தெரியாது இல்லையா?” சுவாமிகள் கேட்ட கேள்வியை விட கேட்டபின் விட்ட லுக் சீடர்களுக்கு அடிவயிற்றில் பிரளயத்தையே உண்டு பண்ணியது.

”காதலும் அவ்வாறுதான். இந்த பூமியில் பிறந்த யாருக்கும் அவர்கள் துணை யாரென்று தெரிவதில்லை. அதற்கு காலம் தான் பதில் சொல்லும். எனக்கான காலமும் வந்துவிட்டது. எனக்குள் காதலும் வந்துவிட்டது” என்றார் சுவாமிகள்.

காதல் எல்லாம் போலி குருவே. சில காலம் சென்ற பின் போரடித்துவிடும்.

”இல்லை சிஷ்யா. ஒரு காகிதம் இரண்டு நொடி எரிந்தாலே சாம்பல் ஆகிவிடும். ஒரு கட்டை 10 நிமிடம் எரிந்தால் சாம்பல் ஆகிவிடும். ஒரு மரம் ஒரு மணி நேரம் எரிந்தால் சாம்பல் ஆகிவிடும். ஆனால் ஒரு குண்டு பல்பு எவ்வளவு நேரம் எரிந்தாலும் சாம்பல் ஆகாது. காதல் பல்பு போன்றது”

இவர் பல்பு வாங்க போறது என்னவோ நிஜம்தான் என்று முனகிய இன்னொரு சீடன் அடுத்த கேள்வியைக் கேட்டான். “குருவே த்ரிஷா போனா திவ்யா. அல்லது ரஞ்சிதா போனா ரகசியா என்பதுதானே காதல்?”

மீண்டும் தன் அ”கோர” சிரிப்பை உதிர்த்த சுவாமிகள் ஒரு கேள்வியை முன் வைத்தார். “ஒரு பூனையின் முன் இரு தட்டுகள். ஒன்றில் மீன் துண்டு. இன்னொன்றில் பால். பூனையின் கண் எதன் மேலிருக்கும்?”

யோசித்த சீடர்கள் ஆளுக்கொரு விடையை சொன்னார்கள்.

இரண்டுமே தவறு சிஷ்யர்களே. பூனையின் கண் மூக்கு மேலதான் இருக்கும். அது மாறவே மாறாது. அது போலதான் காதல். மீனும், பாலும் சைட்டடிக்கும் பெண்கள் போல. ஆனால் காதல் மூக்கைப் போல. புரிகிறதா?

இதற்கு மேலும் புரியவில்லை என்று சொல்லி வாங்கிக் கட்டிக் கொள்ள விரும்பாத சிஷ்யர்கள் குருவோடு ஒத்துப் போனார்கள்.  இந்தக் கொடுமையெல்லாம் கேள்விப்பட்ட ஆறு, பாலாஜியை அழைத்துக் கொண்டு மடத்திற்கு, ச்சே கிணத்தடிக்கு சென்றான். சீடர்களை ஓடுங்கடா என்று விரட்டிவிட்டு என்னடா பிரச்சினை என்றான் . தன் காதலை விளக்கிய ஏழு அவளில்லாமல் தான் வாழ்வது என்பது பாராட்டு விழா இல்லாமல் வாழும் கலைஞரைப் போன்றது. அது சாத்தியமில்லை என்றபடி மிச்ச பியரை குடித்தான். ஏற்கனவே பியரில் அரைபாட்டில் இல்லாததைக் கண்ட ஆறு, இனிமேல் இவனை இங்கே விட்டால் கிணத்துக்குள் விழுந்து விடுவான் என்பதால் பாலாஜியின் துணையோடு அவனை அறைக்கு தூக்கி சென்றான்.

பதறியபடி வந்த நண்பர்களிடம் ”இன்னைக்கும் அரை பீர முழுசா குடிச்சிட்டாண்டா. ராவா அடிச்சானா என்னன்னு தெரியல” என்று புலம்பினான் ஆறு. நிலைத் தடுமாறி படுக்கையில் விழுந்த ஏழு சொன்னான் “ஹாஃப் முடிஞ்சுதா? இந்த மொடா குடிகாரனை கட்டிக்கிட்டு என்ன செய்ய போறாளோ அவ”. ஆறுவைத் தவிர அனைவரும் சிரிக்க தொடங்கினார்கள், மொடா குடிகாரன் என்ற சொல்லாடலைக் கேட்டு.

மறுநாள் அரைபீர் மயக்கம் தெளிந்து எழுந்த ஏழு, தேடிப்பிடித்து அதிகம் அழுக்கில்லாத ஒரு ஜீன்ஸூம், டீஷர்ட்டும் அணிந்துக் கொண்டு ஆறு எழுதி தந்த காதல் கடிதத்தோடு புறப்பட்டான். முதலாம் ஆண்டு கணிணி துறையில் படிக்கும் ஏழுவின் காதலி சரியாக எதிரில் வந்துக் கொண்டிருந்தாள். நேராக எதிரில் சென்ற ஏழு கடிதத்தை தந்து படிக்க சொன்னான். எழுத்துக் கூட்டி கூட்டி ஒரே ஒரு பக்கத்தை 14 நிமிடம் படித்த பின் வாய் திறந்தாள் ஏழுவின் தேவதை

:

:

:

:

“அண்ணா யாரையாவது லவ் பண்றீங்களா?”

ஏழு தன் சீடர்களோடு டாஸ்மாக்கை நோக்கி நடந்தான்.

ராதிகா விநாயகர்

19 கருத்துக்குத்து

 

   பிறந்தநாளன்று வாழ்த்தோ வாழ்த்துவென்று வாழ்த்தின அனைவருக்கும் நன்றி என்று சொல்வதைத் தவிர வேறென்ன செய்வது? பிளாக், ட்விட்டர், ஃபேஸ்புக் என இணைய வாழ்த்துகளோடு இந்த வருடம் குறுஞ்செய்திகளும் அதிகம் வந்தது. சில வாரங்களாக தினமும் எழுத முடியாமல் போனதால் அனைவரும் சந்தோஷத்தில் மிதப்பதையே இது காட்டுவதாக உள்மனம் சொல்கிறது. இருந்தாலும் இன்னும் சில வாரங்கள் இதே வானிலை நீடிக்கக்கூடும் என சாளர வானிலை நிலையம் தெரிவிக்கிறது. பதிவிட்டு வாழ்த்திய

இளா, வசந்த், சுசி, சென், விக்னேஷ்வரி, புன்னகை, ராதிகா, கோபி

ஆகியோருக்கு ஸ்பெஷல் நன்றிகள் சொல்லியே ஆகணும்.

______________________________________________________________________________

பரிசலும் ஆதியும் ஒரு சிறுகதை போட்டி அறிவித்திருக்கிறார்கள். கொஞ்சம் ஈசியா தந்திருந்தா நானும் களமிறங்கியிருப்பேன். திட்டமிட்ட சதியால் கைக்கட்டி வேடிக்கை பார்க்கிறேன். கலந்து கொண்டவர்களுக்கும், கலந்துக் கொள்ளவிருப்பவர்களுக்கும் வாழ்த்துகள்.

______________________________________________________________________________

சென்ற வாரம் விநாயகர் ஊர்வலத்தை நானும் பப்லுவும் பார்த்துக் கொண்டிருந்தோம். மாப்பிள்ளை விநாயகர், கற்பூர விநாயகர், மணக்குல விநாயகர்னு வரிசையா பார்த்த பப்லு திடிரென நம்ம ராதிகா(அட.. திருமதி.சரத்குமார்)  ஃபோட்டோவைப் பார்த்து இது எதுக்குடான்னு கேட்டுட்டான். என்ன சொல்றதுன்னு தெரியாம நானும் யோசிச்சேன். விநாயகர் ஊர்வலத்தில் அவருக்கு என்ன வேலை? எதுக்கு ஃபோட்டோ? அப்புறம்தான் தெரிஞ்சுது அது “சித்தி” விநாயகராம்.

______________________________________________________________________________

ஒரு வழியா சென்னை சூப்பர் கிங்க்ஸ் ஜெயித்துவிட்டார்கள். கொல்கத்தா நைட் ரைடர்ஸ் இதில் பங்கேற்காததால் ஆரம்பத்தில் இருந்தே நான் விசில் போட்டது சென்னை சூப்பர் கிங்க்ஸுக்குத்தான். நேற்று இறுதி ஆட்டத்தில் வென்றவுடன் உடைத்த சோடாவைப் போல ட்விட்டரில் பொங்கிவிட்டேன்.  இந்தாங்க சோடா..

வெண்ணையினா வெட்டுடா.. சென்னையினா ஹிட்டுடா

வீட்டுக்கு வெளிய இருந்தா திண்ணைடா.. வெற்றிக்கோப்பை இருந்தா அது சென்னைடா

தென்னாப்பிரிக்கா கிட்ட நிறைய தங்கம் இருக்கலாம். சென்னைக்கிட்ட நிறைய சிங்கம் இருக்குடா

பேஸ்மென்ண்ட்டும் ஸ்ட்ராங்க..பில்டிங்க்கும் ஸ்ட்ராங்க.. எங்க ஓனரு சிமெண்ட் கம்பெனி வச்சிருக்காருடோய்

சிகரெட்னா வில்ஸ்கிங்க்ஸ்... கிரிக்கெட்னா சூப்பர்கிங்க்ஸ்

______________________________________________________________________________

என் பதிவை ஒரு பிரபலம் (அட.. இவர் நிஜமாகவே பிரபலங்க) படித்துவிட்டு தோழி அப்டேட்ஸ் நல்லா இருப்பதாக சொன்னதாக நண்பரொருவர் சொன்னார். நல்லவேளை அவர் கண்ணில் இது போன்ற பதிவுகள் படவில்லை. பட்டிருந்தால் என்ன சொல்லியிருப்பார்?

என்ன சொல்லியிருப்பார் என யோசிச்சதில் இரண்டு மேட்டர் தேறியது. இதே போல யோசிச்சு பின்னூட்டங்களில் சொல்லுங்க பார்க்கலாம்.

சந்தானம் : தினம் தினம் சாளரம் படிக்கிறவன் எல்லாம் நல்லா இருக்கான். இந்த ஒரே ஒரு பதிவ படிச்சிட்டு நான் படுற அவஸ்தை இருக்கே.. அய்ய்யய்ய்ய்ய்யோ..

விஞ்ஞானி ரஜினி : நல்லா இருக்கிற பதிவ மட்டும் எனக்கு ரெஃபெர் செய்ய சொன்னா, இத கொடுத்து இருக்கியே! இதுக்கு பேருதான் துரோகம்

ரோபோ ரஜினி : எல்லா மொக்கையும் நான் படிச்சிட்டு டேமேஜ் கம்மியா இருக்கிறத தந்தேனே! அதுக்கு பேருதான் தியாகம்.

Sep 21, 2010

தோல்விகள் துரத்தும் தருணம்

35 கருத்துக்குத்து

 

   எப்போதும் எல்லோரும் ஒரே மாதிரி இருப்பதில்லை. வாழ்க்கைத் தரும் அனுபவங்கள் நாள்தோறும் ஏதேனும் ஒன்றை நமக்கு கற்றுக்கொடுத்துக் கொண்டுதானிருக்கின்றன. அதைக் கற்றுக் கொண்டு நாமும் மாறிக் கொண்டுதானிருக்கிறோம். ரசனையாக வாழும் நற்பணியை அன்றாடம் அனைவருக்கும் வழங்குவதில்லை. சிறுவயதில் ஒரு குச்சி மிட்டாய் தந்த சந்தோஷத்தை வேறெதுவும் எனக்கு இன்று தருவதில்லை. கொடுமையான விஷயம் யாதென்றால் அந்தக் குச்சி மிட்டாயும் இப்போது அந்த சந்தோஷத்தை தருவதில்லை.

பள்ளிக்காலத்தில் அரையாண்டு தேர்வுகள் அண்ட சராசரத்திலே கடினமான ஒன்றாகத்தான் தெரிந்தன. அதனால் தானோ என்னவோ தேர்வுகள் முடியும் நொடி அளவில்லாத ஆனந்தத்தை கொடுப்பதாய் தெரியும். சிரங்கு வரும்வரை மண்ணில் விளையாடுவது உலகின் தலையாயப் பணி என்ற எண்ணம் தூளான கணம் எதுவென்று நினைவிலில்லை. அரைக்கால் சட்டையில் அன்னபூரணி கைப்பிடித்து விளையாடிய விளையாட்டு, பேண்ட் அணிந்த போது வேறெதுவாகவோ மாறிப்போனது எப்படி? வாழ்வின் எல்லாக் கடமைகளையும் முடித்தாலொழிய காதலைப் பற்றி யோசிக்கக் கூடாது என முடிவெடுத்த ஆண்டு நினைவிலிருக்கிறது. காரணம்தான் எலிப்பொறியில் சிக்கிய எலியைப் போல எங்கேயே சிக்கிக் கொண்டு தவிக்கிறது.

ஒரு விஷயம். நகரவே நகராது. ஆனால் இங்கிருந்து பெங்களூரு செல்லும். எதுவென்று தெரியுமா? அதிகம் யோசித்தால் முடி கொட்டிவிடுமாம். நானே சொல்கிறேன். சாலை அல்லது ரோடு. இப்படியாகத்தான் என் காலம் இருக்கிறது. இருந்த இடத்தில், இருப்பது போலவே இருப்பதாகத்தான் நினைக்கிறேன். ஆனால் சில பல வயதுகள் ஏறிவிட்டது என்பது ஏதேனும் ஒரு அரசாங்க அலுவலக ஃபாரத்தை பூர்த்தி செய்யும்போது தெரிந்து விடுகிறது. சம்பளத்தை மாற்றி போட்டு வரி ஏய்க்க வகை செய்து தந்த அரசாங்கம் வயதை மாற்றினால் கண்டுபிடித்து காறித்துப்புவது அயோக்கியத்தனம். அதற்காக பாஜகவிற்கெல்லாம் வாக்களிக்க முடியாது. என் பேரன் வாய்ப்புகளே இல்லாமல் “இந்து”வென மேலே சொன்னது போன்ற ஒரு ஃபாரத்தில் எழுதுவதில் எனக்கு உடன்பாடில்லை. அவன் மதத்திற்கு நேராக காதல் என்றோ அன்பு என்றோ எழுதுவான் என்ற நம்பிக்கை இருக்கிறது.

“நிக்கறதுக்கே வழியில்லையாம்…” என்ற சந்திரமுகி புகழ் பழமொழி உங்களுக்கு நினைவில் வந்திருக்கலாம். அதுக்குள்ள பேரனா என்ற கேள்வியின் இணைத்தோழியாக அந்தப் பழமொழி நினைவில் வந்திருக்கலாம். என்ன செய்ய? எங்க தாத்தா யார் தெரியுமா? எங்க அப்பா யார் தெரியுமா என்று இறுமாந்த காலங்கள் மியுசியத்தில் தெரியும் கேடயமாகத்தான் இருக்கிறது. எதுவோ குறைகிறது இன்று என்னிடம்.

இதே போன்றொரு திராணியற்ற பொழுதில்தான் வலையுலகம் அறிமுகமனாது. குச்சி மிட்டாய் அளவிற்கு இல்லையென்றாலும் சந்தோஷத்தை தந்தது என்பதில் ஐயமில்லை. நல்லெழுத்துக்காரனாய் வருவேன் என்றெண்ணியெல்லாம் தொடங்கவில்லை. குப்பைகளை சேர்த்து வைப்பதை விட கொட்டிவிடுவதே மேல் என்றெண்ணம் காரணமாய் இருந்திருக்கலாம். எப்படியாவது சில நூறு பேர்களின் மனப்பதிவேட்டில் இடம் பிடித்து விடவேண்டும் என்ற முனைப்பு இருந்தது என்பதை மறுக்கவியலாது. சில நூறை ஒரு சிலரே ஈடு செய்யமுடியும் என்று தெரிந்துக் கொண்டபின் முனைப்பின் முனை மழுங்கிப்போகத்தானே செய்யும்?

ஏதேதோ வழியினில் உளறினாலும் சொல்ல வரும் விஷயம் ஒன்றே ஒன்றுதான். சரியாக யூகிக்க முடிந்தவர்களுக்கு இமயமலை அடிவாரத்தில் மாசில்லாக் காற்றும், மருந்தில்லா நீரும் ஆசுவாசப்படுத்திக் கொள்ள சி்ல நாட்கள் தங்கவும் வாய்ப்பு கிடைக்க வேண்டுகிறேன். யூகிக்க முடியாதவர்கள் சில படிகள் இறங்கி வருதல் உசிதம்

 

**

 

**

 

**

 

**

 

**

முன்ன மாதிரி மொக்கைப் போட முடியலங்க. :(((

Sep 18, 2010

யெஸ் பாய்.. யெஸ் பாய்..

51 கருத்துக்குத்து

 

இது ஒரு வெங்காயப் பதிவு. தமிழ் எழுத்தாளர்கள் குறித்த பிரக்ஞை இல்லாதவர்கள் இதைத் தாண்டியோ, சுற்றியோ போய்விடுங்கள். தயவு செய்து மிதித்து மட்டும் வைத்துவிடாதீர்கள்.

  சுமார் இரண்டு வருடங்களுக்கு முன்பு ஒருவர் எனக்கு போன் செய்து “என் மகள் உங்களுக்கு 5 கமெண்ட் போட சொன்னாள்; உங்கள் வலைப்பூ முகவரி என்ன?” என்றும் கேட்டார்.  அப்போதெல்லாம் நான் 10 கமெண்டுக்கும், 100 ஹிட்ஸூக்குமே சிங்கியடித்துக் கொண்டிருந்த காலம்.  இருந்தாலும் மாணவிகளிடமிருந்து கமெண்ட்  பெறுவதில்லை என்று மறுத்தேன்.  ஆனாலும் பிடிவாதமாக கமெண்ட் போட்டார்.  அந்த மாணவி அப்போது என்னுடைய தீவிர வாசகி.  பிறகு அவருக்குத் திருமணமான பிறகும் அதே வேலையை ஆரம்பித்தார்.  புட்டிக்கதைகள் பதிவுகள் அனைத்தும் படித்தார். அவர் ஐடி துறையில் இருப்பதால் இதை மின்னஞ்சலில் ஃபார்வர்ட் செய்யப்போவதாக சொன்னார்.   ”இதெல்லாம் ஆபத்தான காரியம்; உங்கள் கணவர் ஆட்சேபிக்கலாம்; வேண்டாம்” என்றேன்.  கேட்கவில்லை.  கணவர் அந்தப் பெண்ணை விவாகரத்து செய்து விட்டதாக பின்னர் அறிந்தேன்.  அந்தப் பெண்ணும் என்னைத் தொடர்பு கொள்வதில்லை.

பெண்ணுக்கு மட்டும் இல்லை; என் நெருங்கிய சகா ஒருவன் திருமணமான புதிதில் தோழி அப்டேட்ஸைக் கொண்டு போய் தன் மனைவியிடம் கொடுத்து படிக்கும்படி சொல்லியிருக்கிறான்.  நல்ல ஆசாரமான குடும்பத்தைச் சேர்ந்த அந்தப் பெண் அடுத்த மாதமே அவனை விவாகரத்து செய்து விட்டார்.  அந்தப் பெண் விவாகரத்து வேண்டி என் நண்பனுக்கு அனுப்பியிருந்த நோட்டீஸைப் படித்து நானே மிரண்டு போனேன்.  குளோபல் வார்மிங், 10 மாத வைரக்கல் என்று என்னென்னவோ எழுதியிருந்தது.  கெளதம் இயக்கிய விண்ணைத் தாண்டி வருவாயா  என்ற படத்தைப் பார்ப்பது போல் இருந்த்து அந்த நோட்டீஸ்.  இப்படி மொக்கைக்கு சம்பந்தமில்லாத சராசரிகளிடம் கொண்டு போய் என் மொக்கையை அறிமுகப்படுத்தும் போது இம்மாதிரி மரண விபத்துகளே ஏற்படும்.

அப்படி ஒரு விபத்து என் சிநேகிதி ஒருவருக்கு ஏற்பட்டிருப்பதாக யூகிக்கிறேன்.  அவர் எனக்கு ஓரிரு சந்தர்ப்பங்களில் கமெண்ட் போட்டிருக்கிறார்.  திடீரென்று அவருக்கு என்ன ஆயிற்றோ தெரியவில்லை.  இனிமேல் பதிவு போட்டு எனக்கு லிங்க் தர வேண்டாம் என்று ஒரு மெயில் வந்தது.  இது போல் அடிக்கடி நிகழ்வதால் சரி என்று விட்டு விட்டேன்.  அதோடு முடிந்திருந்தால் இந்தக் கட்டுரையை எழுதியிருக்க மாட்டேன்.  இரண்டு நாட்கள் கழித்து “I would not be able to do comment you henceforth and would not be liked to be communicated. Hope you understand and thanks for your co-operation” என்று ஒரு கடிதம் வந்தது.

என் வாழ்வில் நான் சந்திக்க நேர்ந்த மிக அவமானகரமான தருணங்களில் இதுவும் ஒன்று என எண்ணினேன்.  என்னோடு தொடர்பு கொள்ள விரும்பவில்லை என்று எழுதும் நபரிடம் போய் கமெண்ட் வாங்கும் அளவுக்கு நான் கீழ்த்தரமாகப் போய் விடவில்லை என்று ஒரு வரி எழுதிப் போட்டாலும் அந்தக் கடிதத்தின் அவமானகரமான அடி என்னை மிகவும் அதிர வைத்தது.

எனக்கு கமெண்ட் போடும் அளவுக்கு நீங்கள் பெரிய பதிவராக இருக்கிறீர்களா என்ன?  ஒரு துறவியின் திருவோட்டில் நீங்கள் இடும் அன்னம் அந்தத் துறவிக்கு நீங்கள் செய்யும் உதவி என்றா நினைப்பீர்கள்?  உங்கள் குழந்தைக்கு ஒரு வாய் சோறு ஊட்டுவதை அந்தக் குழந்தைக்கு நீங்கள் செய்யும் உதவி என்றா நினைப்பீர்கள்? தமிழ்ப் பதிவு  சமூகத்தால் நிராகரிக்கப்பட்டு அநாதைகளாக அலைந்து கொண்டிருக்கும் என்னைப் போன்ற மொக்கைவாதிகளை ஆதரிப்பது நீங்கள் அவர்களுக்குச் செய்யும் உதவியா?

நான் மற்ற சராசரி மனிதர்களைப் பற்றிச் சொல்லவில்லை.  என் மொக்கையின் முக்கியத்துவம் தெரிந்த ஒன்றிரண்டு வாசக நண்பர்களிடம் மட்டுமே இதைக் கேட்கிறேன்.  எல்லோரிடமும் என்று நினைத்து விடாதீர்கள்.

தமிழின் மிக முக்கியமான மொக்கைப்பதிவரான குசும்பனுக்கு ஒரு பதிவுக்கு 30 கமெண்ட் மட்டுமே தேவைப்பட்டது. அதுவும் தமிழ்மண பக்கவாட்டு இடத்தில் தெரிவதற்காக . அவர் எப்போதும் கலாய்த்துக் கொண்டே இருப்பார்.  அதனால்தான் அவர் பிரபல பதிவர் என்று எழுதியிருக்கிறார் ஒருவர்.  அப்படி அல்ல அது.  ஒழுங்காக எழுத தெரியாததால்தான் அவர் பிரபல பதிவர் ஆனார்.  நானே அடுத்த நாள் மொக்கைப்பதிவுக்கு சிங்கியடித்துக் கொண்டிருந்த காலம்.  அவருடைய மொக்கைகளை எடுத்துக் கொண்டு ஒவ்வொரு பதிவரின் பதிவாக ஏறி இறங்கினேன்.  சிலர் மட்டுமே அவர் கலாய்த்தலை ஏற்றுக் கொண்டார்கள். டமார் கொமார் போல பலர் வேண்டாம் என்று சொல்லிவிட்டார்கள். நாம் 4 கமெண்ட் போட்டால், அவர்கள் ஒன்றுதான் போடுவார்கள் .  அதுவும் ஒரு மாதம் கழித்துத்தான் கமெண்ட் வரும்.  (இப்போதும் அதே நிலைதான்). 

இப்படி அனாதையாக தெரு நாய்களைப் போல் செத்துக் கொண்டிருக்கிறார்கள் மொக்கைவாதிகள்.  இந்த நிலை எனக்கு வேண்டாம் என்று நான் தீர்மானம் செய்தேன். அதற்கு நான் முதலில் செய்ய வேண்டியது, என் சுயகௌரவத்தை விட்டுக் கொடுப்பது. சுயகௌரவத்தைக் குப்பையில் எறிந்து விட்டு கும்மியடிப்பது என்ற முடிவுக்கு வந்தேன்.

எனக்கு என் சுயகௌரவத்தை விட நான் வாழும் சமூகமும் மொக்கையும் முக்கியமாகத் தோன்றியதால்தான் கும்மியடிக்க முடிவு எடுத்தேன்.  ஏனென்றால்,  மொக்கைவாதிகளால்தான்  நகைச்சுவையே வாழ்ந்து கொண்டிருக்கிறது. ஒரு மொக்கையையும் அம்மொக்கை சார்ந்த கலாச்சாரத்தையும் முன்னெடுத்துச் சென்று கொண்டிருப்பவர்கள் மொக்கைவாதிகள் மட்டுமே. 

தமிழ்நாட்டில் ஒரு மொக்கைவாதியாக வாழ்வதென்பது பாகிஸ்தான் கிரிக்கெட் அணியில் ஒரு பவுலராக இருப்பதற்கு ஒப்பாகும்.

ஆதியின் நடவடிக்கைகளையும், அவருடைய மொக்கையும் எனக்குப் பிடிக்காது.  ஆனால் தமிழில் எங்கள் எல்லோரையும் விட அதிகம் மொக்கைப் போட்டவர் அவர்தான். அப்படிப்பட்ட ஒரு மொக்கைவாதியே தான் குறும்படம் எடுத்தால்தான் தன் புகழ் ஓங்கியது  என்றும்,புலம்பல்களைக் கேட்க ஒரு கூட்டம் வந்ததும் என்றும் எழுதுகிறார்.    என்ன ஒரு சமூக அவலம் பாருங்கள்! உலகில் வேறு எந்த இடத்திலும் நீங்கள் இப்படிப்பட்ட ஒரு கலாச்சார அவலத்தைப் பார்க்க முடியாது.

எனவேதான் என் சுயமரியாதையைக் கைவிட்டு கும்மியடிக்க துணிந்தேன்.  அதனால்தான் ஒரு பதிவர்  ஒரு பிரச்சினையில் என்னைப் பற்றி ‘பொறுக்கி” என்று எழுதவும், அதைப் பின்பற்றி பதிவுலக அன்பர்கள் என்னை பொறுக்கி என்று தூற்றவும் ஆரம்பித்தார்கள்.

இந்தப் கும்மியிலிருந்து ஒரே நாளில் நான் வெளியே வந்து விட முடியும்.  ஒன்றுமில்லை.  ஒரு நல்ல சிறுகதை எழுதி விட வேண்டும். யுவன் சந்திரசேகரின் சிட்டுக்குருவி போல 4 நல்ல கவிதை எழுதி விட வேண்டும். சமூக அவலங்களைக் கண்டித்து கட்டுரை எழுத வேண்டும் . ஒரே நாளில் கமெண்டுகள் என் பதிவில் குவிந்து விடும்.  ஆதிக்கு அல்ல; அவருடைய குருநாதரான பாலாவுக்கே நான் நடித்துக் கொடுப்பேன். ஆனால் என்னால் முடியுமா?  நான் கடவுள் படத்தை கிழித்துத் தோரணம் கட்டிக் கட்டியிருக்கிறேன்.   அவர் எப்படி என்னை நடிக்கக் கூப்பிடுவார்?

கடைசியாகச் சொல்கிறேன்.  இது எனக்கு கமெண்ட் போடும் அன்பர்களுக்கான வார்த்தை.  மற்றவர்கள் வழக்கம்போல் என்னை மொக்கை, பொறுக்கி என்று தங்கள் இஷ்டம் போல் திட்டிக் கொண்டு திரியலாம்.

நீங்கள் எனக்குச் செய்யும் உதவி உதவி அல்ல. அது உங்களுடைய பொறுப்பு; கடமை.  நான் உங்களுடைய மனசாட்சியாக இருக்கிறேன்.  அதனாலேயே இந்த சமூகத்தால் கைவிடப்பட்ட அநாதைக் குழந்தையாக இருக்கிறேன்.  எனவே ஒரு தாய் தன் குழந்தைக்கு சோறு ஊட்டுவதைப் போன்றதுதான் நீங்கள் எனக்கு செய்யும் உதவி.  என்னுடைய தினசரி பதிவுக்கு ஆளுக்கொரு கமெண்ட் எனக்குத் தர வேண்டும்.  என் மொக்கையின் முக்கியவத்தும் உங்களுக்குத் தெரிந்தால் நான் சொல்லும் இந்த வார்த்தைகளைப் புரிந்து கொள்ளுங்கள். 

அப்படியே உங்களால் எனக்கு கமெண்ட் செய்ய முடியாமல் போனாலும் மேற்கண்டவாறு அந்தப் பெண் செய்தபடி ஃபார்வர்ட் செய்யாதீர்கள். அதனால் எனக்கு ஹிட்ஸ் குறைகிறது. . பெருமாளுக்குக் கோவில் கட்டுவதற்காக திருமங்கை ஆழ்வார் வழிப்பறிக் கொள்ளையில் ஈடுபட்டார்.  நான் அப்படியெல்லாம் செய்யவில்லை; திருவோடுதான் ஏந்துகிறேன்.  அதையும் தயவுசெய்து அவமானப்படுத்தாதீர்கள். ஏனென்றால், என்னுடைய மொக்கைக்கு உங்களால் உதவி செய்ய முடியாத நிலையில் நீங்கள் இருந்தாலும், என் மொக்கையின் முக்கியத்துவம் உங்களுக்குப் புரிந்தால் உங்களை என்னுடைய சகபயணியாகவே கருதுவேன்.  அதில் சந்தேகமில்லை.

ஒரு துறவியைப் போலவே நான் உங்களிடம் வருகிறேன்; அன்னமிடுங்கள். அந்த அன்னம் எனக்கு நீங்கள் தரும் உணவு; உதவி அல்ல.

18.9.2010.

1.30 PM

(அலுவலகத்திலிருந்து)

(என் வலைப்பூ முகவரி)

www.karkibava.com

Twitter ID

http://twitter.com/iamkarki

Sep 16, 2010

ஏழுவின் தோழி

29 கருத்துக்குத்து

 

  ஏழுவுக்கு காதல் வராதா என்ன? ஒரு நல்ல பெண்ணாக பார்த்து காதலைச் சொல்லி, அவளும் ஓக்கே சொல்லி , எல்லாம் நல்லபடியாக போய்க் கொண்டிருந்தது. ஏழுவின் காதலி பிறந்தநாள்  ஃபிப்ரவரி 29. காத்திருந்து காத்திருந்து 28ஆம் தேதி இரவே அசத்தலான பார்ட்டி வைத்தான் ஏழு. மறுநாள் மாலை ஊரெங்கும் மெல்லியதாய் தூறல் தூறிக் கொண்டிருந்தது. கையில் அழகிய பொக்கேவும், ஒரு நல்ல கிஃப்ட்டும், கூடவே தோழி அப்டேட்ஸில் உருவிய சில வரிகளும்,பாலாஜியின் பைக்கும், அதோடு முந்தைய நாளின் கிங்ஃபிஷர் தந்த போதையில் மிச்சத்தையும் எடுத்துக் கொண்டு காதலியை பார்க்க கிளம்பினார் ரோமியோ.

எதற்கும் இருக்கட்டும் என நானும் ஆறுவும் இன்னொரு வண்டியில் அவனை ஃபாலோ செய்யத் தொடங்கினோம். அமைதியான திருவான்மியூர் எலியட்ஸ் பீச்சிற்கு ஏழு சென்றபோது அங்கு வெகு சிலரே இருந்தார்கள். . வண்டியை நிறுத்துவிட்டு ஸ்டைலாக இறங்கி நடந்தான் ஏழு. மிஸஸ். ஏழு வருவதற்குள் இருந்த சில பேரும் எஸ் ஆனார்கள். இனி அவர்களுக்குள் நடந்த உரையாடல்.

ரொம்ப நேரமா வெயிட் பண்றியா?

உனக்காக 25 வருஷம் காத்திருந்த எனக்கு 25 நிமிஷம் ஒண்ணுமேயில்ல.

(சிரிக்கிறார்) என்ன கிஃப்ட்?

என்னையே கிஃப்ட் wrap பண்ண சொன்னேன். முடியாதுன்னு சொல்லிட்டாங்க.

யூ நாட்டி. என்ன இருக்குன்னு சொல்லு.

நீயே பாரு.ஹேப்பி பர்த்டே, அகைன்.

(பிரித்து பார்க்கிறார். உள்ளே ஒரு குளோப் பொம்மை)

ஆமா செல்லம். உனக்கு தர ஒரு நல்ல கிஃப்ட் உலகம் ஃபுல்லா தேடினேன். கிடைக்கல. அதான் உலகத்தையே உனக்கு கிஃப்ட்டா தந்துட்டேன்.

(உணர்ச்சிவசப்படுகிறார் ஏழுவின் தோழி. விடாமல் தொடர்ந்தான் ஏழு)

எல்லா சாலைகளும் ரோமை நோக்கின்னு சொல்வாங்க. அது போல எல்லா பூக்களும் உன்கிட்ட வரும்னு நம்பித்தான் பூக்குது. ஆனா கொஞ்ச பூக்களுக்குத்தான் அந்த வாய்ப்பு கிடைக்குது, இந்த பூக்கள் போல (இப்போது பொக்கேவை தருகிறார் காதல் நாயகன்)

(ஒரு கையில் கிஃப்ட், ஒரு கையில் பொக்கேயென இப்போது இன்னும் அதிகமாக உணர்ச்சிவசப்பட்டு ஏழுவைப் பார்க்கிறார் பர்த்டே பேபி)

உன் கையில் பூக்கள பார்க்கிறப்ப “செடியில்தானே பூக்கும் பூக்கள்?இன்றெப்படி பூவிலே  பூக்கிறது?”ன்னு கவிதை எழுதலாம் போலிருக்குடா

”ஏழு” (என்று நா தழுதழுக்க ஏதோ சொல்ல வந்தவளை கைக்காட்டி நிறுத்த சொன்னான்)

இரு. நான் முடிச்சுடறேன். உனக்காக நிறைய எழுதி வச்சிருக்கேன். ”முத்தத்தைத்தான் பிறந்த நாள் பரிசாக கொடுக்கலாம் என்றிருந்தேன். எனக்காக இன்று பிறந்தவளை வருடம் முழுவதும் முத்தமிடலாம். இன்றாவது வேறொன்றை தரலாம் என மாற்றினேன்”

நான் சொல்றத ஒரு நிமிஷம் கேளேன்

ட்ரீட் தானே? உன்னை இது போன்ற ரம்மியமான வேளையில் பார்ப்பதே விஷுவல் ட்ரீட் தானே? இதை விடவா நல்ல ட்ரீட் இருந்துவிடப் போகிறது?

(இப்போது அவரின் கண்களில் லேசாக நீர் அரும்பியிருந்தது. ஏழுவுக்கு ஒரு நல்ல வாழ்க்கை அமைந்திருப்பதாக ஆறு சொன்னான். ஆம். அவள் கண்கள் கலங்கியிருந்தது. இப்போது அவள் கிஃப்ட்டையும், பொக்கேவையும் தூர வைத்துவிட்டு ஏழுவை நெருங்கினாள். கைகளைப் பற்றினாள். ஏழுவும் உணர்ச்சி வசப்பட்ட நிலையில் அடுத்த ஆயுதத்தை ஏவினான்)

வைரம் உருவாக பல வருஷம் ஆகுமாமே? நீ எப்படி செல்லம் 10 மாசத்துல?

ஏழு ப்ளீஸ்.

(அடுத்த காட்சி கிஸ்தான் என பெட் கட்டினான் ஆறு)

என்ன அம்மு? என்ன வேணும் சொல்லு. நான் உன்னை எவ்ளோ காதலிக்கிறேன் தெரியுமா? உயரம், அகலம், நீளம், எடையை எல்லாம் அளக்கலாம். காதலை அளக்க முடியுமா?அது இந்த கடலை விழ பெரியது. ஆழமானது

(கண்ணில் நீர்வர, கைளை பிடித்துக் கொண்டு தோழி சொன்னாள்)

ப்ளீஸ்டா. மொக்கை போடாத. என்னால் தாங்க முடியல.

Sep 14, 2010

கசக்கி எறியப்பட்ட காகிதங்கள் (குறும்படம்)

55 கருத்துக்குத்து

 

சில பல நாட்களாக ரொம்ப பிசி நான். ஆம். படத்தின் போஸ்ட் புரொடக்‌ஷன் என்றும் சொல்லலாம். உங்கள் ஆர்வம் புரிகிறது. இருந்தாலும் படத்தைப் பார்க்கும் முன் இதைப் படித்துவிட்டு செல்வது உசிதம். தொடர்ச்சியாக எப்படி இவ்வளவு மொக்கையாக படம் எடுக்க முடிகிறது? அதை தைரியமாக வலையேற்றவும் முடிகிறது என்ற கேள்வி உங்களில் பலருக்கோ, எல்லோருக்குமோ இருக்கலாம். அதற்கான பதிலை சொல்ல முயற்சிக்கிறேன்.

ஒரு நல்ல கவிதையை எழுதும் முன் ஒரு கவிஞன் எத்தனை காகிதங்களை கசக்கி எறிவான்? அந்த காகிதங்கள் தாங்கிய வரிகளை வாசிக்கும் பாக்கியம் அந்த கவிஞனுக்கு மட்டும்தானே கிட்டும்? ஆனால் நாங்கள் இணையத்தின் வசதிகளை பயன்படுத்தி உங்களுக்கு தருகிறோம். ஆம். இந்தப் படங்கள் எல்லாம் ஒரு நல்ல கவிதை எழுதுமுன் நாங்கள் கசக்கி எறியும் காகித குப்பைகள். உஸ்ஸ்ஸ்.. கண்ணை கட்டுதா? இருங்க.

படம் எடுக்கும் ஆர்வம் எல்லோரையும் போல எனக்கும், ஆதிக்கும் உண்டு. அதை செயல்படுத்தி பார்த்த முதல் அனுபவம்தான் ”நீ எங்கே”. எந்தவித முன்னேற்பாடும் இன்றி, மொக்கை கேமிராவில், ஒரு நள்ளிரவில் ஒரே ஷாட்டில் படமாக்கப்பட்டது அது. அதைத் தொடர்ந்து ஓரளவிற்கு கதையுடன் ஒரே இரவில் படமாக்கப்பட்டது “இரவின் நிறம்”. அதில் சில கேமரா கோணங்கள் நன்றாக இருப்பதாக வந்த பின்னூட்டங்கள் இன்னும் ஆர்வத்தைத் தூண்டியது. ஆனால் ஆடியோ சொதப்பியதால் படம் ஹிட் ஆகவில்லை. கற்றோம். அடுத்த கட்டமாக ஒரு புது கேமரா வாங்கினார் என் இயக்குனர். நல்லதாக ஒரு எடிட்டிங் மென்பொருள் வாங்கினார். ஆன் த ஸ்பாட் டப்பிங்கை மாற்றி, பிண்னனி குரல் சேர்க்க முடிவு செய்தோம். அதற்கு தேவையான மைக்கும் வாங்கியிருக்கிறோம். அதை எல்லாம் இந்தப் படத்தில் பயன்படுத்தி இருக்கிறோம்.

நிச்சயம் ஒரு நல்ல குறும்படம் எடுப்பதற்கான முழு உழைப்பையும் நாங்கள் இதுவரை கொடுக்கவில்லை. ஒரு படமெடுக்கும் போது வரும் பிரச்சினைகள் பற்றி தெரிந்துக் கொள்ள இதையெல்லாம் செய்கிறோம். கேமரா வெட்கம், தொழிநுட்ப பிரச்சினைகள் போன்ற பல விஷயங்களில் நாங்கள் அடுத்தக்கட்டம் செல்ல இந்த 3 படங்கள்தான் உதவி செய்தன. என்றாவது ஒரு நாள் நிச்சயம் நாங்கள் ஒரு முழுமையான குறும்படம் எடுப்போம். படம் நன்றாக வருகிறதோ இல்லையோ, எங்களின் 100% உழைப்பை தந்து அதை உருவாக்குவோம். அப்போது நாங்கள் இப்போது செய்வது போன்ற நகைச்சுவை கலாட்டாக்கள் ஏதுமின்றி வெளியிடுவோம்.

அதுவரை செய்யும் கலாட்டாக்களை ரசிக்க முடிந்தால் ரசிக்கமாறும், இல்லையேல் ஒதுக்கிவிட்டு செல்லுமாறும் கேட்டுக் கொள்கிறோம். இதுவும் ஒரு மொக்கை படம் தான். ஆனால்காதல் களம். பார்த்துவிட்டு தவறாமல் கருத்துகளை சொல்லுங்கள்.. ரெடி..ஜூட்

Sep 11, 2010

பாஸாகிவிட்டான் பாஸ்கரன்

20 கருத்துக்குத்து

 

சிவா மனசுல சக்தி ஆரம்பத்தில் பல பதிவர்களின் வயிற்றில் புளியைக் கரைத்தாலும் எனக்கு பிடித்திருந்தது. அந்த நம்பிக்கையில் பாஸ் என்கிற பாஸ்கரணுக்கு முதல் நாளே டிக்கெட் புக் செய்திருந்தேன்.  படம் தப்பித்துவிடும் என்று சொல்லிவிட்டே தொடர்கிறேன்.

Boss-Engira-Bhaskaran

முதல் பாதி முழுவதும் பிச்சைக்காரனின் சில்லறைகள் சிதறிய சத்தம் தான் தியேட்டரில். எதையும் யோசிக்க விடாமல் சிரிக்க மட்டும் வைக்கிறார் இயக்குனர். ராஜேஷின் பிரம்மாஸ்த்திரம் சந்தானம்தான் என்பதில் சந்தேகமே வேண்டாம். ஒத்தை வெடியாய் அவர் வெடிக்கும் ஒன் லைனர் பட்டாசுகளைக் கொண்டு 1000 வாலா பின்னியிருக்கிறார் இயக்குனர். முதல் பாதி முழுக்க ஒரே டமடமதான். கதாபாத்திரங்களை மட்டும் நமக்கு அறிமுகம் செய்துவிட்டு கதை என்னவென்பதை சொல்லாமலே இடைவேளை விடுகிறார்கள். முதல் பாதியில் ஒட்டாத ஒரே விஷயம் தலதளபதி சீன் தான்.மாயாஜாலில் அதற்கு யாரும் சிரிக்கவும் இல்லை. ஸ்டார்களின் படத்தைக் காட்டிய போது கைத்தட்டவும் இல்லை.

சரி கதையென்ன? நம்ம பாஸ் வேலை இல்லாமல் சுற்றி வருகிறார். அவர் அண்ணன் கால்நடை மருத்துவர். அம்மாவும், தங்கையும் உண்டு. அண்ணன் அடக்கமான பெண்ணாக பார்த்து திருமணம் செய்துகொள்கிறார். அண்ணியின் தங்கை நயன்தாரா. அப்புறம் என்ன? பாஸுக்கு காதல் வருகிறது. பாவம் வாழ்க்கையில் பொறுப்புதான் வர மாட்டேன் என்கிறது. அண்ணியிடம் பெண் கேட்க, அவர் இவருக்கு என்ன தகுதி இருக்கென்று கேட்டுவிட கோவத்தில் பொட்டியோடு சந்தானம் கடைக்கு வருகிறார். இரண்டாம் பாதியில் “நெருப்பு” போல வேலை செய்து, ஜெயித்து பாஸ்கரன் நாயகியை கைப்பிடிக்க போகிறார் என்றுதான் நினைத்துக் கொண்டேன். ஆனால் இரண்டாம் பாதியின் இரண்டாம் பாதிவரை நக்கலாகவே வாழ்கிறார் நம்ம பாஸு. ஆச்சரியம் என்னவென்றால் உடனிருக்கும் காமெடியன் சந்தானமே ஒரு கட்டத்தில் “டேய் உருப்படற வழிய பாருடா” என்கிறார். நம்ம ஆளு.ம்ஹூம். ஏக் காவ் மேன் ஏக் கிஸான் ரகுதாத்தாவாகவே இருக்கிறார். கடைசியில் ஒரு சப்பை கான்செப்டில் அவர் தொழில் வெற்றி பெற எல்லாம் சுபம் ஆகும் நேரம் வருகிறது. சிவா.ம.ச யில் வைத்த அதே குழப்பத்தை வைக்கிறார் இயக்குனர். படம் முடிந்தது என்று நினைக்கும் போது ஒரு பாடல். 13வது ரீலில் குத்துப்பாட்டு என்பது என்னைப் போன்ற தீவிர விஜய் ரசிகனுக்கே போரடித்துவிட்டது பாஸ். ப்ளீஸ் விட்டுடுங்க என்று கெஞ்ச வைக்கும் பாடல். போகட்டும். பாசுக்கு பிரச்சினை சந்தானம் மூலம் வருகிறது. நயனுக்கு வேறு மாப்பிள்ளை பார்க்கிறார்கள். சிவா.ம.சக்தியில் ஆர்யா மாப்பிள்ளையாக வருவார். இதில் ஜீவா. கோட்டும், சூட்டுமாக அதிரடி எண்ட்ரி கொடுக்கும் காட்சி அருமை. அதை விட சூப்பர் ஆர்யா அவரை டீல் செய்துவிட்டு மச்சான், மாமா ஆனவுடன் அவர் சொல்லும் டயலாக் “மச்சி.ஒரு குவார்ட்டர் சொல்லேன்”. தியேட்டரே ஆர்ப்பரித்த காட்சி அது. கடைசியில் சுபம்.

Arya-and-Nayanthara-in-Boss-Engira-Baskaran   முதல் பாதியில் செஞ்சுரி அடித்தவர்கள் இரண்டாம் பாதியில் ஹாஃப் செஞ்சுரிக்கே திணறுவது வேதனை.  இந்தப் படம் அப்படியே ஒருநாள் கிரிக்கெட் போல எனலாம். முதல் 20 ஓவர் பவர்ப்ளேயில் புரட்டி எடுக்கிரார்கள் சச்சின் சந்தானமும், வீரேந்திர ஆர்யாவும்.. பின் 45வது ஓவர் வரை லொட்டு லொட்டு என திராவிட், லஷ்மண் ரேஞ்சுக்கு மொக்கை. மீண்டும் கடைசி 5 ஓவரில் பேட்டிங் பவர்ப்ளே எடுத்து ஜீவா சிங்கைவை வைத்து ரன் ஸ்கோர் செய்கிறார்கள். ஆக மொத்தம் 300ஐ தொட்டுவிடுகிறது SMS டீம்.

boss-engira-baskaran11

கும்பகோணத்துல ஏதுடா ஏர்போர்ட் என ரப்சர் பார்ட்டியாக சந்தானம். இவரின் சலூன் கடைக்கு பின்னால் கிரி வடிவேலுவின் பேக்கரி போல ஒரு கதை சொல்கிறார்கள். படத்தை தாங்குவதே இவர்தான். தானத்தில் சிறந்தது கண்தானம், பெரியது மைதானம் என்றெல்லாம் இனி சொல்ல மாட்டார்கள். சந்தேகமேயில்லாமல் சந்தானம் தான். நயன் தாராவுக்கு பாதியில் நிறுத்திய கோவிலை மீண்டும் கட்ட சொல்லலாம். எனக்கு இதில் அழகாகவே தெரிந்தார். யுவன் முதன் 2 பாடல்கள் நச்சென போட்டு பிசியாகிவிட்டார் போலும். கேட்பதில் இருந்த திருப்தி பார்த்தபோது இல்லை. பாஸு பாஸூ பாடல் அட்டகாசமான ஓபனிங். அடடா மழைடா, வா வா நிலவ பிடிச்சி தரவா என தொடர்ந்த யுவன் -நா.மு-ராகுல் நம்பியார் கூட்டணி ”யார் இந்த பெண்” என ஹேட்ரிக் அடித்திருக்கிறது. அழகான மெலடி. கடைசியாக சொன்னாலும் கச்சிதம் எனலாம் ஆர்யாவை. ஜீவா அளவுக்கு பாடி லேங்குவேஜ் கலக்கவில்லை என்றாலும் பாஸு நம் மனதில் பச்சக்கென ஒட்டிக் கொள்கிறார். ஐ.எஸ்.டியாக வரும்போது ஜீவா சொதப்புவது போல் தெரிந்தாலும் லோக்கலாக மாறும் இடத்தில் ஆர்யா, ஜீவா முன்பு டெபாசிட் இழக்கிறார். ஆனால் ஒட்டு மொத்த ஓட்டையும் படம் முழுக்க அள்ளுகிறார். கங்கிராட்ஸ் ஆர்யா.

இயக்குனரின் சாமார்த்தியம் முதல் பாதியில் ஒவ்வொரு ஃப்ரேமிலும் தெரிகிறது. இரண்டாம் பாதியில் ஷகீலா காட்சி, இன்னும் சில காட்சிகளை தயவு தாட்சணயமின்றி கத்திரி போட்டிருக்கலாம் பாஸ். கரம் மசாலா என நாட்டுக்கோழியை கருக்கும் வரை வறுத்துக் கொடுக்காமல், சுத்தமான சரவணபவன் மினி டிஃபன் ரேஞ்சுக்கு தந்து அசத்துகிறார். இதே லைனில் போலாம் பாஸ். கொஞ்சம் கணமான கதை மட்டும் எடுத்துக்கோங்க.

ஜாலியா போங்க. ஜாலியா பாருங்க. ஜாலியா வாங்க. பாஸ் நமக்கு நல்ல டைம் பாஸ்..

Sep 10, 2010

ட்விட்டர் நிச்சயம் பெண்பால்தான்

20 கருத்துக்குத்து

 

  என் ஜொள்ளு கர்நாடகா காவிரி போல என்றாள் தோழி. அவள் கண்ணை தமிழ்நாட்டு காவிரி போல் தண்ணியில்லாம பார்த்துக்கிறேன் என்றேன்.

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

  இன்று மட்டும்தான் நீ உதட்டுச்சாயம் பூசுவாயா என்றேன் தோழியிடம். ஆம் என்கிறாள். இப்படித்தான் செவ்வாய்க்கிழமை என்ற பெயர் வந்திருக்குமோ?

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

   என்னை தொழிலதிபரே என்று கிண்டல் செய்வது தோழியின் வழக்கம். சிறுவயதில் அவள் கடித்து வீசிய கற்களைத்தானே உலகம் தேன்மிட்டாய் என வியாபாரம் செய்தது?

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

வீட்டுக்கு வந்த தோழியிடம் ”இவன் மனசுல எதுவுமே வச்சிக்க மாட்டான்” என்றார் அம்மா. “இல்லை. ஆண்ட்டி.அவன் மாறிட்டான்” என்ற தோழி காதில் சொன்னாள் ”அதான் என்னை வச்சிருக்கியே அம்மு”

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

தோழியின் அப்பா உஷாரானவர். வீட்டு ஹாலில் “இங்கே தொலையும் இதயங்களுக்கு வீட்டு நிர்வாகம் பொறுப்பேற்காது” என்று போர்டு எழுதி வைத்திருக்கிறார்

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

  ட்விட்டர் நிச்சயம் பெண்பால் தான். இல்லையென்றால் இப்படி மாங்கு மாங்குவென ஃபாலோ செய்வியா நீ என்கிறாள் தோழி. உண்மைதானோ???

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

  ஒரு நல்ல பழமொழி சொல்லுடா என்றாள் தோழி. “உன் கன்னம் ஆப்பிள். இதழ்கள் ஆரஞ்சு சுளைகள்” என்றேன்.

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

ஒன்றே குலம். ஒருத்தியே தோழி

யாதும் ஊரே.. யாவரும் தோழி..
காதலும் கவிதையும் பிறர் தர வாரா

|||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||--- |||---|||---

இம்மாத வெளியீடு

Sep 6, 2010

செம போரான பதிவொன்று

32 கருத்துக்குத்து

 

   சென்ற வாரம் நீயா நானாவில் நடந்த நிகழ்வு பற்றியும், அதை தொடர்ந்து நடந்த சர்ச்சை பற்றியும் எழுதி இருந்தேன். இந்த வாரம் அதற்கு “வருத்தம்”  தெரிவித்திருக்கிறார்கள். அது என்ன வருத்தம் என்று தெரியவில்லை. அதற்குள் விஜய்க்காக எல்லாம் ஆதரித்து பேச ஆள் இருக்காங்களா என ட்விட்டுகிறார்கள். இவர்கள் என்ன அண்டார்டிக்காவிலா வாழ்கிறார்கள்? கணிணியை திறந்துவிட்டால் புது உலகம் என்பது சரிதான். ஆனால் அதை 24 மணி நேரமும் மூடாமல் வாழும் அன்பர்கள் அனைவருக்கும் இந்த வீடியோவை சமர்ப்பிக்கிறேன் :)

________________________________________________________________________________

ஒரு சில விஷயங்கள் எனக்கு புரிந்து தொலைப்பதேயில்லை. சில நாட்களுக்கு முன் பூவரசி என்ற பெண் ஒரு குழந்தையை கொன்ற போது அவரை அப்படி செய்ய தூண்டியது யார் என பல பதிவர்கள் ஆழ்ழ்ழ்ழ்ந்த கருத்துகளை முன் வைத்தார்கள். அதன் பின் பெங்களூரில் ஒரு சம்பவம் நடந்தது. அதில் ஒரு மென்பொருள் பொறியாளர் தன் மனைவியை கொன்றார். அதற்கு அவர் கூறிய காரணம் காலிழந்த தன் தங்கையையும், அம்மாவையும் அவர் மனைவி தங்களோட தங்க அனுமதிக்கவில்லை என்பது. இதில் அந்த நபரை கொலை செய்யத் தூண்டியது யார் அல்லது எது என்று எவருமே பேசவேயில்லை பதிவுலகில்.

இன்னொரு சம்பவம். புனேவில் இருக்கும் ஒரு மேலாண்மை கல்லூரியில் நண்பர்கள் தின கொண்டாட்டம் நடந்தது. வேறென்ன? சரக்கும் சைட் டிஷும்தான். மாணவர்களும், மாணவிகளும் கலந்து கொண்ட பார்ட்டி அருகில் இருந்தவர்களை தொல்லைப்படுத்த போலிசாருக்கு தகவல் போயிருக்கிறது. வந்து அள்ளிச்சென்ற கடமை தவறாத காவலர்கள் மாணவிகளை மட்டும் எச்சரித்து அனுப்பிவிட்டதாம். மாணவர்களை அப்போது விடவில்லை. இப்படி ஒரு சட்டம் இந்திய அரசியலமைப்பு சட்டத்தில் இருப்பதே எனக்கு தெரியாது. இது பற்றியும் யாராவது ஆழ்ழ்ழ்ழ்ழ்ந்து யோசித்து கட்டுரை எழுதினால் புரிந்துக் கொள்ள ஏதுவாயிருக்கும். செய்வீர்களா பதிவர்களே??

________________________________________________________________________________

அடுத்து இன்னொரு விஷயம். நான் மகான் அல்ல படத்தில் சேரிவாழ் இளைஞர்களை தவறாக காட்டிவிட்டார்களாம். உண்மையில் கடற்கரையோரம் நடக்கும் பல குற்றங்களில் இருந்து பொது மக்களை காப்பாற்றும் அம்மக்களை கேவலப்படுத்திவிட்டார்களாம். அந்த மாணவர் குழுவில் ஒருவர் இசுலாமியர். மற்றவர்கள் என்ன சாதி, மதம் இத்யாதிகள் என்று சொல்லவில்லை. எனக்கு ஒரு சந்தேகம். ஒரே ஒரு சந்தேகம். அய்யர், அய்யங்கார், தேவர், முதலியார், கிறிஸ்துவர், இசுலாமியர், சீக்கியர், கேரளாவாசி, ஆந்திராவாசி, சென்னைவாசி, நெல்லைவாசி,ஆண், பெண், திருநங்கை, மருத்துவர், வழக்கறிஞர், வேலைக்கு செல்பவர், வேலையில்லாதவர், உயரமானவர், குள்ளமானவர், காதலர்கள், ஒரு தலை காதலர்கள், ஆசிரியர்கள், மாணவர்கள், கருப்பானவர்கள், சிவப்பானவர்கள், மாநிறத்தவர்கள், ஐந்தடிக்கு மேல் உயரமானவர்கள், 40 வயதை தாண்டியவர்கள், 40 வயதுக்கு கீழே இருப்பவர்கள், மாற்றுத்திறன் கொண்டவர்கள், கபடி ஆடுபவர்கள், கிரிக்கெட் ஆடுவர்கள்.. இவர்களில் சினிமாவில் வில்லனாக சித்தரிக்கப்படாதவர்கள் யாராவது இருக்கிறார்களா? இருந்தால் தயவு செய்து சொல்லுங்கள்.

________________________________________________________________________________

பாஸ் என்கிற பாஸ்கரன் படப்பாடல் கவர்கிறது. யுவனுக்கு இந்த வருடம் நிச்சயம் நல்ல வருடம் தான். 7ஜி ரெயின்போ காலனி போல ஒரே ஒரு படம் அமைந்துவிட்டால் இது அவரது கேரியரில் சிறந்த வருடமாக அமையக்கூடும். எனக்கு பிடித்த யுவனின் டாப் 5

2010

All time Fav’s

பாடல்கள்

பையா

7g ரெயின்போ காலனி

நினைத்து நினைத்து

காதல் சொல்ல வந்தேன்

துள்ளுவதோ இளமை

போகாதே போகாதே

நான் மகான் அல்ல

பையா

இதுவரை இல்லாத

பாஸ் என்கிற பாஸ்கரன்

காதல் கொண்டேன்

கண்பேசும் வார்த்தைகள்

தில்லாலங்கடி, கோவா

தீனா

ஒரு நாளில் வாழ்க்கை

இதற்கு முந்தைய சிறந்த ஆண்டென்றால் 2007ஐ சொல்லலாம். தீபாவளி, சென்னை 28, சத்தம் போடாதே, பில்லா, கற்றது தமிழ், யாரடி நீ மோகினி என பல ஹிட்கள் கொடுத்தார். இதில் யாரடி நீ மோகினி தமிழில் 2008ல் வந்தாலும் தெலுங்கில் 2007லே வந்தது. சென்ற வாரம் 31 ஆகஸ்டில் பிறந்த நாள் கண்ட யுவனுக்கு தாமதமான வாழ்த்துகளை சொல்லிவிடுவோம்.

Sep 4, 2010

பலே பலே பலே.. பலே பாண்டியா

42 கருத்துக்குத்து

 

இப்படி ஒரு படம் பார்த்து எவ்ளோ நாளாச்சு!!!!!

……………….

…………………….

………………………..

 

110342

கர்த்தர் மேல சத்தியம்..

அம்மா மேல சத்தியம்..

என் அண்ணனுங்க மேல சத்தியம்..

இனிமேல மொத நாளே இந்த மாதிரி படத்துக்கு போக மாட்டேன்

Sep 2, 2010

”நீயா நானா” பார்க்கிறார் கோபி

96 கருத்துக்குத்து

 

   அபிநயாவை அறிவீர்கள்தானே? நாடோடிகள் படத்தில் அருமையாக நடித்து அப்ளாசை அள்ளியவர். மாற்றுத்திறனுடையவர் என்பதும் பரவலாக அறியப்பட்ட செய்திதான். அவரை சசிகுமார் அடுத்தப் படத்தின் நாயகியாக தேர்வு செய்திருப்பதாக சொன்னபோது ஆயிரம் பேர் முன்னிலையில், மேடையில் ஒரு கேள்வி கேட்கப்பட்டது “எந்த நம்பிக்கையில் இவரைத் தேர்வு செய்தீர்கள்?”. சசிகுமார் ஆடித்தான் போய்விட்டார். அந்த ஆயிரம் அர்த்தம் பொதிந்த கேள்வியைக் கேட்டவர் கோபிநாத். ”நீயா நானா” கோபிநாத்.

  உலகில் சில பேருக்குத்தான் அப்படி தோன்றும். நாம் தான் உலகிலே சிறந்த அறிவாளி என்று. அபப்டி ஒரு நபர். கஜினி சூர்யா ஸ்டைலில் சொல்லப்போனால் அந்த நூலளவு வித்தியாசம் உணராதவர். விஜய் டிவி விருதுகளை முன்னிட்டு நடந்த கலந்துரையாடலில் பங்கு பெற வந்த ஒரு நடிகையிடம் இவர் கேட்ட கேள்வி “சினிமாவில் வாய்ப்பு பெற கொஞ்சம் அப்படி இப்படி இருக்கணுமாமே. நீங்க அப்படியா?”. இவரின் அடிதடி கேள்விகளுக்கு சாரு கூட தப்பவில்லை. அவரை மன்னிப்புக் கேட்கும் அளவிற்கு கேள்விகளாலே டார்ச்சர் செய்யும் வித்தை அறிந்தவர் கோபி.

சரி. இப்போது என்ன ஆயிற்று? சமீபத்தில் பதிவர்கள் கலந்து கொண்ட நீயா நானாவில் இணையம் பற்றி பேசிக் கொண்டிருந்தார்கள். விவாத தலைப்பு இணையத்தின் விளைவுகள் குறித்து. பங்குபெற்ற ஒரு அம்மிணி எதையோ தொடர்புபடுத்தி சினிமாவை எடுத்தார். சில பேர் ஒரே மாதிரி நடிக்கிறாங்க என்று ஆரம்பித்தவரை அழுத்த ஆரம்பித்தார் கோபி.

“நீங்க யார சொல்றீங்க?

சில பேர்..

அதான் யாரன்னு சரியா சொல்லுங்க.

விஜய்.

அப்படி சொல்லுங்க.

அதன் பின் நடிகர் விஜய்க்கு அறிவுரைகள் அந்த அம்மிணியால் வழங்கப்பட்டது. என்ன அறிவுரை? ” இனிமேல புதுசா கதை கேட்டு நடிங்க. பழசே பார்த்து போரடிக்குது.”

சொன்னது யார்? இணையம் போன்ற புது தொழில்நுட்பம் தேவையில்லை. இணையத்தால் பயனில்லை என்று பேச வந்த பெண்மணி விஜயிடம் புதுமையை கேட்கிறார், போகட்டும். எனக்கு பிரச்சினை என்னவென்றால், இது திட்டமிட்ட வேலையாக இருக்கும் என்று தோன்றுகிறது. எப்படி சொல்கிறாய் என்று கேட்கலாம்.

எனக்கு நீயா நானா அனுபவம் ஏற்கனவே உண்டு. பிசினஸ்மேன் வீட்டை சரியாக கவனிக்கிறார்களா என்ற தலைப்பில் நடந்த நிகழ்ச்சியில் கலந்து கொள்ள என் வீட்டில் இருந்து சென்றிருந்தோம். மதியம் 2 மணிக்கு வர சொல்லிவிட்டு இரவு 11 மணிக்கு ஆரம்பித்தார்கள். என்ணடா இதுவென்று விசாரித்தால் ”இது பரவாயில்லை சார். மறுநாள் வரைக்கும் காத்திருந்தவர்கள் உண்டு” என்றார்கள். ஏதாவதொரு நாள் என்றால் பரவாயில்லை. எல்லா நாளும் இப்படித்தானாம். அடுத்து பரிசு. கொடுப்பதாக சொல்கிறார்களே!! அதெல்லாம் டுபாக்கூர். கொடுப்பது போல் கொடுத்து வாங்கிக் கொள்வார்கள். சாருவுக்கும் பேமெண்ட் கொடுப்பதில்தான் சிக்கலே தொடங்கியது என்பதை சிலர் அறிந்திருப்பீர்கள். அதே போல் அதில் வரும் பல சண்டைக்காட்சிகள் முன்கூட்டியே ஏற்பாடானது என்பதும் அதில் வேலை செய்யும் ஒரு சொல்லிக் கேட்க முடிந்தது

Untitledபிரச்சினைக்கு வருவோம். அந்தப் பெண்மணி அப்படி சொல்லியதை கேட்டு விஜய் ரசிகர்கள் கோவப்பட்டிருப்பார்கள் என்று சொல்லவும் வேண்டுமா? நிகழ்ச்சியின் தயாரிப்பு நிறுவனத்தை சேர்ந்த காமராஜ் என்பவருக்கு ஃபோன் மேல் ஃபோன் போட்டு கேட்டிருக்கிறார்கள் விஜய் ரசிகர்கள். விஜய் டிவியின் இணையத்தில் Feedback பக்கத்தில் ஆயிரக்கணக்கில் மின்னஞ்சல்கள் போயிருக்கின்றன. ஏற்கனவே லொள்ளு சபாவில் படத்தை கிண்டலடிக்காமல் நேரிடையாக விஜயை சீண்டிய நிகழ்வு நடந்தது. உடனே விஜய் டிவி அலுவலகத்திற்கே சென்ற விஜய் ரசிகர்களை பார்த்து அடுத்த வாரமே பகிரங்க மன்னிப்பு கேட்டார்கள். அது தெரியாதா விஜய்டிவிக்கு? இந்த முறையும் அடுத்த வாரம் வருத்தமோ, மன்னிப்போ கேட்குமாறு சொல்லிவிட்டதாம் விஜட் டிவி நிர்வாகம். . 2008ல நாளைய சூப்பர்ஸ்டார், 2009ல் சிறந்த எண்டெர்ட்யினர். 2010ல் சிறந்த மாஸ் ஹீரோவென  பட்டங்கள் கொடுத்து வியாபாரம் செய்யும் விஜய் டிவி விஜயை பகைத்துக் கொள்ளுமா என்ன? ஆனால் காமரஜுக்கு மன்னிப்பு கேட்க மனமில்லை. இந்தியன் எக்ஸ்பிரசில் வேலை செய்யும் ஒரு நிருபருக்கு தகவல் போகிறது. அவர் யார் என்றால் ஆர்குட் தமிழ் சினிம குழுத்தின் மாடரேட்டர். அங்கே எப்போதும் ஆர்குட் விஜய் குழுமத்திற்கும் அவருக்கும் சண்டைதான். 1 லட்சம் எண்ணிக்கையை தொடப்போகும் ஆர்குட் விஜய் குழுமம் என்றாலே அவருக்கு அலர்ஜி. விடுவாரா? நேற்று இந்தியன் எக்ஸ்பிரசில் விஜய் ரசிகர்களை அசிங்கப்படுத்தியும், ஆர்குட் விஜய் ரசிகர் குழுமம் என்று நேரிடையாகவே சொல்லியும் செய்தி போட்டுவிட்டார். உடனே தமிழின் சில சினிமா இணையத்தளங்களும் செய்தி வெளியிட்டு விட்டன.

   தட்ஸ்தமிழ் ஒரு படி மேலே போய் “பொதுமக்கள் கருத்திற்கு எதிராக பொங்கும் விஜய் ரசிகர்கள்” என்று செய்தி வெளியிட்டது. எப்போது அந்த பெண்மணி பொதுமக்கள் ஆனார் என்று தெரியவில்லை. தேவையே இல்லாமல் இப்படி சிக்கல்கள் தரும் விஷயத்தை பேசி வரும் கோபிநாத் தன்னை மாற்றிக் கொள்ள வேண்டும். இல்லையேல் இது போன்ற சிக்கல்கள் அவரைத் தொடரத்தான் செய்யும். எனது கண்டனங்களையும் அவருக்கு தெரிவித்துக் கொள்கிறேன்.

ஒரு தேவையில்லாத/தேவையான டிஸ்கி : காமராஜரின் காலர் ட்யூன் ”அசல்” படத்தில் ஒரு பாடல்.

Sep 1, 2010

தோழியின் அப்டேட்ஸ்

33 கருத்துக்குத்து

 

   கோகுலாஷ்டமி ஸ்பெஷலாக தோழியே அப்டேட் எழுதி தருவதாக சொன்னாள்.   இன்று மட்டும் தோழி அப்டேட்ஸ் தோழியின் அப்டேட்ஸாக.

lor26d _________   _________   _________   _________   _________   _________   _________   _________  

வெண்ணை ஊட்டிவிடும் போது வெண்ணையை விட்டு என் கைகளை கடிக்கிறான் என்னவன். என்னடா என்றால்  ”வள்ளுவரே கனியிருப்ப காய் கவர்ந்தற்றுன்னு தானே சொல்லியிருக்கார்” என்று உருகுகிறான் வெண்ணையைப் போல என் மன்னவன்.

_________   _________   _________   _________   _________   _________   _________   _________  

வெண்ணைத் திருடிய கண்ணனுக்கு இன்று வெண்ணையே படைக்கிறார்கள். நீ என்னைத் திருடிய கண்ணன் ஆயிற்றே! அதனால் என்னையே தருகிறேன்.

_________   _________   _________   _________   _________   _________   _________   _________ 

.தோழிகளிடம் பேசாதே என்றால் நீதானே என்னைக் கண்ணன் என்று கொஞ்சினாய் என்கிறான். இவனை இனி ஆஞ்சனேயா என்று சொல்லித் தொலைக்க வேண்டும். அதற்கும் திட்டுவான் இந்த தளபதியின் தளபதி

_________   _________   _________   _________   _________   _________   _________   _________ 

நியாயமா பார்த்தா எனக்கு ராமநவமி தானே ஒத்து வருமென்கிறான் இந்த பாதகன். நீ எல்லா தோழியருக்கும் ராமர் தான். அதனால் மொத்தத்தில் கிருஷ்ணன் என்று சொல்லுங்களேன் அவனிடம்.

_________   _________   _________   _________   _________   _________   _________   _________  

அந்தக் கண்ணன் வாயில் உலகம் தெரிந்ததே. உன் வாயில் என்னடா தெரியும் என்றேன். லூசு கண்ணன் என் புகைப்படத்தை வைத்துக் கொண்டு ”என் வாயிலும் உலகம் காட்டவா” என எழுதிக் கேட்கிறான்.

_________   _________   _________   _________   _________   _________   _________   _________  

கோபியர்களின் உடைகளை அந்தக் கண்ணன் கவர்ந்து செல்லும் கதையை சொல்லிக் கொண்டிருந்தேன் என் கண்ணனுக்கு. எப்போது அவன் நிஜக் கண்ணனாக மாறினான் என்பதை அறியாமல்.

_________   _________   _________   _________   _________   _________   _________   _________  

கண்ணன் கையில் உள்ள குழலைப் பார்த்து இவனும் ஒரு புல்லாங்குழல் வாங்கி வந்தான். உனக்கு குழல் வாசிக்கத் தெரியுமா என்றேன். உன்னைப் பேச வைக்கத் தெரியுமே என்கிறான் மாயக்கண்ணன்.

_________   _________   _________   _________   _________   _________   _________   _________  

காதல் அதிகமாகும்போது என்னடா கண்ணா எனக் கொஞ்சுவேன்.

கோபம் அதிகமாகும்போது போடா வெண்ணெய் என திட்டுவேன்

அன்போ,வம்போ – கிருஷ்ணார்ப்பணம் என்கிறான் கள்வன்

_________   _________   _________   _________   _________   _________   _________   _________  

கண்ணனை உனக்கேன் பிடிக்குமென்று கேட்டான் என் கண்ணன். ” உன் பெயரின்
முன்னெழுத்துகளைக் கொண்ட கார்மேக வண்ணனல்லவா அவன்”.

_________   _________   _________   _________   _________   _________   _________   _________  

அனைவருக்கும் கோகுலாஷ்டமி வாழ்த்துகள் :)

 

all rights reserved to www.karkibava.com